我以為自己要孤獨一世，直到你出現: 第四十九章-溫泉
「呀～呀～呀」嗯？我慢慢擘大眼，望到窗邊有隻烏鴉，原來係你，嘈醒我....
我諗住望下Cindy個甜美樣，人呢？！Cindy唔係我口心，我立即彈咗起身，原來係佢係梳發到睇電視，仲埋化埋妝添
「咁早起身既你～」我慢慢走去Cindy旁邊，錫咗佢一啖
「你睇下個鐘先啦～」Cindy笑咗一下之後講
「得～好快好快～」我望一望個鐘，原來已經12點，一定係尋日玩到太攰啦
我去廁所好快梳洗完，換埋衫就出黎，拖住Cindy出口啦
「咁我地食咩呀？」落到樓Cindy問我
「食松屋啦～」緊係松屋，之前果個牛肉飯真係好好食呀！
「不如我地食其他野啦～」Cindy好似有少少唔中意，咁又係既，冇理由有咁多野食，偏偏食死同間野既
「都好呀～咁你話事啦」果然情侶諗食啲咩係最頭痛架啦
「咁跟我番黎啦」Cindy帶我離開咗條街，去咗搭JR
過咗無耐，我地就落咗車啦，慢慢係條街上行，咦？！呢間鋪頭咁多人排隊既
「我地到啦～」Cindy企咗係條隊尾
「呢間？」我有小小愕然咁問，因為條隊有啲長
「係呀～呢間好好食架！」好啦，見Cindy咁講，一於排隊啦
由於店員一早已經問定我地食咩，所以排咗個幾鐘之後，我地入到去無幾耐，一碗吉列豬扒拉麵就係我面前啦
「咔～嚓」我夾起塊豬扒，慢慢放落口到，嘩！好脆呀又多肉汁呀！
「Cindy，好好食呀！」我一邊食一邊講
「都話好好食架啦」Cindy都攞起筷子夾麵
「𠽌～𠽌」我越食越大聲向店員表示真係好好食呀！最後我連湯都飲埋
食完之後，我就係到等埋Cindy，我周圍望店入面既裝修，牆上既掛畫都幾靚！一座山，我估應該係富士山黎既，而下面就有個肥仔係到浸緊溫泉，我都想浸呀！
「係呢，我地會唔會浸溫泉架？」Cindy啱啱放低筷子，我就指住幅掛畫
「你想浸呀，我帶你去呀～」Cindy講完就抹乾淨個嘴，去咗比錢
出到門口，Cindy拖住我一直走，但係點睇都唔似有溫泉浸喎，無幾耐～我地黎到車行？！
「就呢架啦～上車啦」Cindy係入面行咗一圈，最終係一架全黑既車停低咗，而且叫我上車
Cindy同個店員溝通之後，個店員比咗張「方」Cindy填，填完之後佢就上咗車啦～
「係呢？我地去邊呀？」無啦啦要用到車，究竟我地去邊呀.....
「你又話浸溫泉既？唔自駕遊的話，去唔到架，傻瓜～」Cindy用古怪既望住我
「原來係咁～」我冇去過，邊到會知姐.......
Cindy泊好車之後，我地手拖手行到去一早預約左既溫泉旅館，個旅館既環境好舒服，Cindy用日文同接待既人講左幾句，之後有著住和服既女人帶住我地去預約咗既房。
真係好期待呀，呢次係我人生第一次黎浸溫泉既地方呀
「哇！」當見到我地既房間時，我忍唔住驚嘆，因為真係好靚呀
「呀賢 你鐘唔鐘意間房呀」Cindy望住好興奮既我
一入到去就見到就見到日式嘅裝修，成個環境都好舒服令人好放鬆，而且背景仲好靚，Cindy應該係揀左榻榻米既房，所以入到房就見到已經鋪好咗嘅榻榻米，之後仲有一個小偏廳，冇諗過我地間房會咁大，居然仲有私人風呂呀，而且風呂仲有好靚既山風
「Cindy 我地係咪可能一齊係房浸溫泉呀！」我好激動咁問Cindy
「傻仔～唔使咁興奮既」Cindy聽到我咁問變得有少少怕醜
真係好期待夜晚同Cindy既活動呀！！！我地可以一齊浸溫泉呀！
「呀賢我地放低行李先啦，仲有要換浴衣呀」Cindy拎住旅館一早準備好既浴衣
「Cindy～我地要唔要一齊換呀」我拎住自己既浴衣好開心咁Cindy
Cindy冇理我，對我反一反白眼就拎咗套浴衣去廁所換，而我就係房換，但呢對住呢一件野，我真係無從下手呀，完全唔知要點樣換好
「呀賢你做緊咩呀」Cindy已經著好浴衣，出到黎見到手忙腳亂既我，忍唔住笑左出黎
「我黎幫你啦」Cindy行到我面前，細心地幫我著浴衣，到最後幫我綁浴帶，當佢雙手圍住我條腰時，我借勢攬住佢再錫佢一啖
「喂呀，我幫緊你著衫傢」Cindy拍一拍我攬住佢既手，之後就幫我綁左個少女蝴蝶結
我望一望眼前既Cindy，著係粉紅色時浴衣，仲紥起頭髮，成個人好活潑，真係好靚女呀，著住藍色浴衣既我都唔差呀，可能同得Cindy一齊耐左，我知樣都順眼咗
「呀賢呢度有遊戲攤位傢，我地去玩下遊戲呀」Cindy拎齊野就拖住我，去到一個有好多唔同遊戲攤左玩既地方
我見到之後真係好驚訝，估唔到浸溫泉都有咁多野玩
「呀賢我地玩呢一個攤位呀」Cindy拉我黎到一個玩飛鏢既攤位
我望一望，明白啦，原來呢個攤位既禮物有美人魚公仔呀
「好呀！交比我啦」我好有信心咁對住Cindy講
當我拎到五個飛鏢之後，扎好個馬，𣈴準個靶，一連五發，英姿颯颯，我都覺得自己靚仔都不行。當我好有信心望一望我既成果，中得三個！
負責攤位既人，拎左一個蛋黃哥嘅鎖匙扣比我地，原來要五個飛鏢中晒紅心先可以換到美人魚公仔。
Cindy好似麻麻手上既蛋黃哥鎖匙扣，仲好似有少少失望
「Cindy我要玩多一次！呢隻鎖匙扣就比我啦」Cindy將鎖匙扣遞比我，之後就好期待我下一次嘅表演
到最後我玩左5、6次先換到Cindy既美人魚公仔
「呀賢 多謝你呀！」Cindy拎住隻公仔，好開心咁對住我講，見到佢咁開心就好啦，啱啱仲好驚會換唔到
「我地可以周圍行下，之後就差唔多可以返房食晚餐啦」Cindy望下手上既錶
我同Cindy手拖手係旅館周圍行下，咁樣同Cindy一齊真係好幸福。