我以為自己要孤獨一世，直到你出現: 第七十二章-手機

「Cindy？等咗咁耐，不如食少少野先？」我抬頭見到一個男人將三文治遞比我

「你係....？」

「我叫Bryant呀～」眼前呢個男人青靚白淨，都幾靚仔，高高大大

「嗯？點解知我叫咩名既，我地見過面？」我好似對佢冇咩印象呀

「你唔識行我係正常傢～」Bryant開始講起佢既野



原來佢係爸爸生意上parter既仔，因為擔心爸爸所以就嚟醫生探佢，同時爸爸成日同佢介紹我又比我既相佢睇，所以佢就可以一眼就認到我。

我接過三文治之後，雖然冇咩胃口，但禮貌上都食幾啖，Bryant不斷安慰我，但我冇咩為意佢講既野，我個心依然都好擔心爸爸

大鑊！突然醒起一樣野...我唔記得咗覆呀賢.....

「我爸爸入咗醫院，我應該要一段時間先可以番到黎香港呀😖😖」

「唔緊要架，世伯要緊呀😬😬」



「你乖乖地等我番黎啦😘😘」

「好呀🥰🥰」

呀賢即刻回返我，好彩佢都體諒我冇嬲我，如果唔係的話，真係唔知點樣氹返佢，我冇同佢講太多爸爸既情況，因為怕佢會擔心.....

「Cindy？你冇乜事呀嗎？」Bryant見我一直都冇咩回應佢，就用擔心既眼神望住我

「嗯！冇乜事呀！」我立即放低手機對佢笑一笑



因為一落機就趕到醫院，所以我真係好攰啦，最後Bryant順便車我番屋企。我都好耐冇返過黎呢道啦，冇諗過再返黎係因為爸爸入院，放低啲野之後，就去沖涼想自己可以好好消失下而家發生既事，當一切都搞掂我就上返床，但我左轉右轉一直都瞓唔到覺，諗返起今日爸爸咁樣，我個心就拿住拿住痛，同時個頭都開始痛～

「噹！」突然間手機既鈴聲將我嚇到

「📷等你番，我煮比你食呀😜😜」係呀賢！

「我先唔要呀！個賣相咁差🤣🤣」嘩！係咩黎架？雜蛋意粉呀？都唔知似啲咩，睇黎佢唔煮嘢食會好啲

「咁等你番黎煮all day breakfast比我食😍😍」都係我煮野食會好啲

成個朝頭早我同阿賢不斷WhatsApp ，同佢WhatsApp既時間令到我覺得冇咁唔舒服同時個心都冇咁慌，如果佢係我身邊，我就可以攬住佢～拖住佢隻手，同佢講我而家究竟都幾咁擔心同無助

「Cindy～我地夠鐘去醫院探你爸爸啦」細姨係出面大叫

「知啦～」



掛住同呀賢WhatsApp，訓咁一陣醒咗之後都未梳洗過，我回應完細姨之後，就即刻去廁所梳洗換衫出門口

黎到醫院，已經見到Bryant同一個大概五十幾歲既阿叔係爸爸既床邊，應該就係爸爸既partner，亦即係Bryant爸爸，佢地兩個既表情都沉重

「醫生話，世伯都要即刻做手術，如果唔係會好危險」我地行到爸爸既床邊，Bryant開口同我地講

「咁等咩呀？快啲通知醫生做手術啦！」我一聽到一下子就變得好心急，爸爸你唔好有事呀！

我望住醫生將爸爸推入手術室，而我咩都做唔到，我只可以搵地方坐低，時間一分一秒過去但爸爸仲未出黎，手術室出面嘅紅色燈依然亮起

等待既時間真係好折磨人既心，特別係係最需要人支持既時候得我自己一個，如果呢個時候有呀賢係我身邊陪住我就好，我只可以WhatsApp 呀賢，

當我想拎起手機時，吓！係邊到呀？我手機呢？！我搵哂衫袋褲袋手袋，都係搵唔到，點算呀！於是我就係沿途一直搵，結果都係冇



「Cindy，你搵緊啲咩呀？」我抬高個頭望，原來係Bryant