[中學][純愛]讀男校嘅我，到底係咪真係咁難識女仔？: 衣服

我們在商店和商店中穿梭著，看過一件又一件的衣服。 

「唉，全部都無我嘅Style，睇嚟我要遲啲先再睇。」我嘆氣道。 

「無你Style，咪試吓新Style囉。嚟啦，我幫你襯一套啦。」她望向我道。 

「嚟啦，唔係嚟嚟去去都係T-shirt加Sweatpants㗎嘛。」她續。 

她帶著我看了很多我從未考慮過自己會穿的衣服，她先是揀選了一套十分文青的衣服給我。 





「你肯定我真係啱呢種風格？」我半信半疑地問。 

「你試咗先啦！」她說。 

我走入了試衣間，換上了這套令我迅間變成林家謙的服裝，走了出去。她望向我後眉頭一皺，搖了搖頭。 

「文青唔啱你，換返再出嚟，我再揀過啦！」她說。

她又拿起了一條直筒的黑色工裝褲，隨後又拿了一件白色的連帽衞衣，還有一件復古的賽車外套。 





「你試吓呢套，Street少少可能啱你多啲。」她一邊把衣服遞給我一邊說。 

我接過衣服後，二話不說便走到試衣間。換好後一打開門便見到Morgan正在等我，見她盯著手機，皺著眉。 

「喂，睇咩睇到皺晒眉頭呀，我換好啦，感覺幾唔錯。」我說。 

「掂啦，幾襯你呀！嚟吖，我哋影幅相呀！」她興奮地說。 

我們在鏡子前擺弄著各種搞笑姿勢，她一下子把手搭在我肩上，然後下一秒就把我拉到她的臉頰旁，在我搞清楚發生甚麼事前，便光速拍下照片。當然我也被這突如其來的親密嚇到。 





「搞錯呀，咁鬼突然嘅，我個樣應該炒晒啦。」我笑道。 

「幅幅相都準備好先影就無癮啦，係咪先。」她邊查看手機邊說。 

「OK，你有道理，我哋去埋單啦咁。」我回。 

當然我手機裡也有一張她在毫無防備下拍下來的照片，就是她在溫習途中睡著時拍下的。 

當我們在結帳時，我發現我錢包內的錢只夠我買那衛衣和褲。 

「呀，件褸唔要啦唔該。」我尷尬地與那收銀員說。 

「吓，點解呀？件褸好型喎！」她失望地說。 

「隻色都係唔係咁啱。」我作了個謊言，搪塞過去。 





在結帳和離開商店後，她不停地追問真正的原因，因為她說她的第六感應為另有內情。 

「我差咗一舊水先買到件褸。」我坦白道。 

「哦，咁就真係幾可惜嘅。」她回答說。 

隨後她的嘴角便微微上揚，仿彿在計劃一件重大計劃一樣。 

走著走著，我倆便再次走到書店裏，我陪著她在滿滿的英文書籍中走著。