我與她﹐一個十年的故事: 第三十六章

自問自己都算係一個幾好奇﹐想試D新事物既人 
畢竟是第一次接觸的科目﹐所以也帶了點憧憬 

「正﹐第一二堂就係經濟堂﹐唔知教咩架呢﹐好似幾好玩咁。」我向身邊的呀敏說道 
「係咩﹐是但啦。」 


從中二那時認識她就已經知道她無心向學 
是少數喜歡打機的宅女 
有人話男人一生只係想搵一個肯陪佢打機既女人﹐ 


但當個女仔真係鍾意左打機既時候你就後悔 
這個是後話


「是釘笠﹐古的貓寧CLASS。」 
「。。。」 
「大家叫我何SIR得喇。」 
「何SIR。」 
「我叫你地叫我何SIR﹐之後再敬禮。」 
「GOOD MORNING 何SIR。」 



眼前呢個何SIR第一堂就用唔咸唔淡既英文想比個下馬威我地 
好明顯地﹐佢呢個行動完全係TASK FAILED SUCCESSFULLY 

「嗱﹐位已經分好架喇﹐我而家讀比大家聽。」 
「呀SIR﹐比我地自己揀啦﹐仲細咩。」 
「唔好嘈﹐排左就排左。」 
班上的人開始不滿這個有點痴痢根既呀SIR﹐氣氛吵得更加熱騰騰 

「啪啪啪」何SIR用釘書機座拍了枱面幾下 


「唔好嘈!!!下學期最高分既頭5個可以揀位!!今次排左就排左﹐唔好再嘈喇。」 
這一招似乎奏效﹐由上一刻人聲鼎沸的班房變為安靜 
「第一行﹐陳大大﹐李小樂﹐李大小﹐陳小大。」 
「第二行﹐張小敏﹐石大小﹐林小小﹐黎小大。」 
「第三行﹐郭中中﹐。。。」 

聽到自己的名字後﹐拿著一袋二袋的包袱走到自己的位置 
屌正﹐坐佢左下﹐可以得閒就撩下佢  ﹐撩下佢傾計 
「呀樂呀樂。」她拉著我﹐似是有什麼要說