我與她﹐一個十年的故事: 第四十六章

第一天比我想像中的有很大落差﹐我還以為是一堆密集式的操練﹐教練也沒想像的恐怖。 
想到這裡不禁「屌」了一聲﹐原來我們被高年級撚化。 

第二天吃過早點後﹐我們便乘坐大巴﹐但目的地仍舊未清楚。。 
大約一個小時的車程﹐我們便到了一個不知名的郊區。 

「今日﹐我地既任務就係行呢條青龍石澗。大家記住﹐呢個活動係有一定既危險性﹐大家一定要聽住教練既指示﹐清唔清楚!」 
「YES SIR!」 

神仙B示意叫我跟幾個壯丁把食物分發給大家。 


午餐十分簡單﹐只有一個蘋果和一隻用錫紙包著的豉油雞脾。 
「嗱﹐個午餐你地收埋佢先﹐我地而家做個活動﹐做到有得食﹐做唔到既分比第二班﹐清唔清楚!」 
「YES SIR」 

神仙B把我們分為男子組和女子組﹐而做的都是一樣。 
神仙B把兩條線連著兩棵樹﹐兩條線中間的空位就是要讓我們穿過﹐期間不得與線有接觸﹐否則視為失敗。 

女子組的那邊很快完線挑戰﹐可能因為我們班中沒有肥婆﹐全部都是細細粒的﹐十分有利。 
而我們這邊﹐則是失敗了3次。 



「女子組食野﹐之後上去同呀SIR行石澗。男子組今日咩都唔洗做﹐係到比蚊咬﹐反思下自己有D咩做得唔好。清唔清楚!」 
「。。。」 
我們一邊不想待在這裡餵蚊﹐卻又不敢面對自己的失敢﹐向神仙B求情。 
「點呀﹐全班啞左呀?女子組上去行﹐係咪我講得唔夠清楚!係咪要我講多次!」 
「。。。」全場仍是鴉雀無聲 
「好﹐唔出聲呀嘛﹐全部企係到啦﹐咩到唔洗做。」 
他走到附近的長椅坐著﹐一口一口的咬著蘋果。 
良久﹐他回來用他那粗獷的嗓子道:「點呀!你地係咪真係想成日企係到﹐我就無所謂既。一齊咩都唔好做lo。」 
他背向我們轉身就走﹐但走了兩步﹐回頭道:「你睇你地班男仔﹐累到班女仔都要係到企﹐影衰曬男仔。女仔﹐我問多你地一次﹐上定唔上。」 
「我地要等埋男仔一齊上!」某個女生道 


聽到了這句說話﹐似是燃點了班上不少男生的火 
「呀sir比多次機會!」 

「呀sir比多次機會!」 

「呀sir比多次機會!」 

「呀sir比多次機會!」 

連一向在班中不顯眼﹐話也不說一兩句的毒男呀信也大聲的嗌了出來 
神仙b笑了笑﹐續道:「整齊D講多次!」 

「呀sir比多次機會!!!」 
「好﹐今次睇在女仔份上﹐比多次機會你地﹐我比10分鐘時間你地溝通下有咩對策﹐10分鐘後就係你地既最後機會﹐UN唔UN!」 
「YES SIR!」 



我們跟女生參考了一些資料﹐例如打斜過﹐叫人抬屍咁抬。這些我們都完全沒想到﹐當時的我們只著重於個人的SHOW OFF﹐卻忘了神仙B說過要互相合作。 

終於我們以光速的時間完成了挑戰﹐可以跟女生一起挑戰傳說中的青龍石澗。