我與她﹐一個十年的故事: 第五十章

現在已經入了夜﹐四周因為沒有摩天大樓大廈的強燈﹐有的只是兩三座散發著淡黃色的街燈﹐所以黑漆漆一片﹐ 

我們全班站了在大樹下﹐緊張的氣圍使我快要窒息﹐大家也以沉默來準備迎接神仙B的炮轟 

神仙B拿著我們的班旗走過來﹐把它舉了起來:「點解﹐你地可以咁都輸?明明前面做得幾好架喎﹐拋離後面半個圈。點解最尾得返第四?你﹐四眼仔﹐你講。」 
「。。。」 

「你呢﹐係到R痕個個。」 
「。。。」 
「點?全班都係啞既?唔識講野既?答我啦!」 


全場仍是一言不發﹐因為大家也想不透神仙B﹐不知道他想要的答案 
「尋日行溪澗個陣好有沖勁架。而家D沖勁去曬邊?岩岩我先教完點樣拎個伐﹐你地就亂咁整﹐完全無聽入耳。我係上面睇﹐有D人撐撐下就 
停左手﹐做咩呀﹐上去遊船河?」 
「你地因為無盡全力﹐所以先會輸!既然你地都係HEA架啦﹐之後既活動你地唔洗參加!呢個營亦都唔再會有4B班!」他準備把手上的班旗五馬分屍﹐ 
意味著我們的結局 

「唔好呀呀SIR!」我們班的幾個女生一邊哭一邊跪了上去﹐捉住神仙B的雙手﹐希望阻止神仙B﹐也是作最後的求饒 

「放開我!」神仙B態度強硬﹐似是一點也沒有動搖﹐然而那幾個女生也沒有放手 
「我數三聲﹐一﹐二﹐三!」 



她們仍未放手﹐不想就此放棄﹐其他人也似乎被她們的行動感動了。 

「呀。。呀SIR。。比多次機會。」呀信的鼻水都快要噴出來 
「呀SIR。比多次機會我地。」 
「呀SIR。比多次機會我地。」 

早已哭得鼻水鼻涕一齊流的我看了看其他人﹐他們的淚光反而被暗淡的燈光所相映而變得明顯﹐原本寧靜的環境也被眾多鼻水收放的聲音所打破 

這時神仙B終於又再開口:「比多次機會。。乜我無比過機會你地咩。尋日你地班男友做到成舊屎咁﹐成堆散沙﹐我比機會你地。結果做得幾好架。點知 


過左一日﹐你地又變返成舊屎咁﹐姐係尋日D野廢既?你地尋日學到既野就係咁!?」 

神仙B撇開她們的手﹐向我們說:「無架喇﹐反正你地都係hea﹐完啦﹐唔好再講。」 
說罷他的身影慢慢在街燈下消失得無影無蹤﹐然而我們仍跪在地上﹐不知是期待著什麼 

「不如等間晚飯個陣我地去台上面道歉﹐神仙B應該會接受。。」陳大蝦﹐我們的班長站起來跟我們說 

WTF﹐姐係要成班上台比人恥笑!? 
不過算了﹐我們也沒有更好的辦法﹐總好過我們在這裡一直跪。