條女有鳩而我冇賓周: 後記

呢段字係差唔多凌晨五點嗰陣臨急臨忙打出嚟的，所以思緒有啲亂請多多包容。

記唔記得我之前講過話寫完當贏？

我終於贏咗啦！！！

要多謝嘅人好多，所以會放喺最後當電影片尾咁一次過提曬。

但都係喺呢度多謝返一路以嚟有留名、有正皮、有催更、有鼓勵我嘅大家。冇咗你哋嘅話呢個故應該唔單止石沉大海，仲分分鐘夭折添。



個故其實打咗唔止大半年，改下拖下都差唔多九至十個月。

老實講我從來冇諗過會有寫完嘅一日，始終三分鐘熱度，同埋打打下原來都過咗十萬字，成件事果然比想像中更加需要恆心。(請幻想樓主同時寫兩個故寫到精神分裂嘅畫面)

平時唔開心或者壓力大嗰陣，就會走去睇啲輕鬆嘅愛情故，因為可以暫時抽離現實，心情又會因此好返少少， 就好似重新振作咁。

尤其是最近出面變得愈嚟愈沉重，久唔久就會有想逃避一切嘅心態

所以構思呢個故嗰陣都係抱住要輕輕鬆鬆派下膠，同埋用嚟圍爐取暖嘅心態去出發的（邊個唔鍾意幻想自己同靚仔拍拖先？？？）



希望大家睇呢個故嗰陣，心情都會稍微好少少，或者笑下都好

老實講男女主角之間冇咩特別激情嘅位，同埋加上網絡人妖呢啲咁重口味嘅設定，睇到底嘅大家已經係勇士嚟。

又或者咁講，你哋真係呢個世界上面最可愛嘅人了

我愛你哋！！！！

然後關於呢個故入面啲角色會唔會有甜，會唔會寫埋結婚生仔嗰啲，可能真係有。始終第一個故實驗性質較重，應該會寫下拎嚟練手，所以如果之後突然見到我更新就得閒睇吓啦。感情線就咁多先，遲啲可能加格劍劇情都未定



呢篇咁鳩嘅故就咁就畫上句號了，但係樓主FF嘅路途係永遠唔會停！

所以！請！多多！支持！我嘅新故！

多謝現實中嘅月伶同海螢成日大聲朗讀個故出嚟，多謝Donki同Gathe得閒無事就會執我啲文筆同劇情發展，同埋多謝咁多位認識的朋友特登過嚟幫手推文同正皮

最後要多謝現實中嘅浩俊一路以嚟都支持我寫故 。雖然你真係成碌木咁，但係冇你嘅話我都唔會諗到一個咁可愛嘅男主角出嚟。

 （細細聲講一句，之前同朋友講過話如果喺紙言上面點擊次數過一萬我就食屎。好彩未過）