我倆的緣份，於半世紀前已經開始: M痛

女仔最辛苦係咩?除左生仔陀仔之外，就係M痛
 
今日嘅我，係M痛緊，而且之前一晚仲食左雪糕，又踢被，所以我而家係M痛加埋頭痛、全身骨痛夾擊，所以我食完飯果時，自己趴左係位到休息
 
「嘩沙律，妳真係好唔掂喎，剛先仲嘔左次，係唔係食錯野呀?」
 
「尋晚…打左邊爐後再食雪糕飲汽水…」
 
「嘩，妳咁勇呀?」
 


「而家咪出事囉，點知今日仲要黎M先得架…」
 
「但妳而家點呀?返唔返到屋企呀?」
 
「唔….我打電話去英華叫媽咪接我就得」
 
「姨姨咁忙，邊有時間呀，一係咁啦，妳去我屋企到休息下啦」
 
「唔好啦，一陣我打搞到妳屋企…..我仲打算去睇醫生…」
 


「唔….等陣啦」
 
兩分鐘後，肥鴿帶左OV黎
 
「喂沙律，妳放學留低一陣啦」
 
「唔?OV?做咩呀?」
 
「我打左俾Vincent，佢話Clodulf放學後上黎接妳呀」
 


「下…唔洗煩到佢啦」
 
「沙律，妳怕咩喎，妳一見到佢呀，就咩病都冇架啦」
 
「妳隻死肥鴿…如果係呀，我而家就唔會咁辛苦啦」
 
「Clodulf話會帶妳去睇醫生，妳乖乖地係到等佢啦」
 
「呀….又要佢陪我去…」
 
「呀程太呀，妳唔係好想架咩」
 
「OV呀..妳呀…學埋班皇仁仔咁講野呀…」
 
「呢個係事實嘛」


 
就係我放學果時，翹哥哥同Vincent黎到真光門口等我地放學
 
「嘩…妳真係全塊面白哂喎，叫左妳尋晚唔好飲汽水食雪糕架啦」
 
「咁…又係你拎出黎嘅」
 
「我拎出黎我食咋喎」
 
「咁而家點呀?」
 
「去公公到先啦」
 
我地兩個人搭的士返去西區，其他人呢?去拍拖溫書囉!!!!冇人性架!!!
 


翹哥哥扶我入去佢公公間診所到坐低，當時已經有人係到等緊，因為佢公公真係醫術好好，一d都唔似快將70歲嘅老醫生，但係佢打算做到浩揚哥哥畢業，係醫院浸兩年，讀埋兒科文憑就交棒俾佢啦
 
「姑媽!!!」
 
「唔?浩翹?你唔舒服?」
 
「係思思病得好犀利，公公返到未?」
 
「你公公睇緊症啦，慧思，妳見點呀?」
 
「姑媽?唔….頭重重，全身冇力，好似愈來愈嚴重咁」
 
「爸爸同媽咪呢?」
 
「兩個都返工，唔得閒….所以翹哥哥接我放學」


 
「妳等一陣啦，好快到妳」
 
「嗯….」
 
話好快…起碼都有五個病人以上，所以我將個頭挨緊翹哥哥
 
不過西區街坊真係好好人，佢地見到我病成咁，就同姑媽講俾我睇先
 
「姑娘呀，俾個妹妹睇先啦，佢塊面白哂啦」
 
「白哂?」
 
「係呀，仲有冷汗添呀」
 


呢個時間姑媽走左去房同公公講，好快公公就走左出黎，直接摸下我