我倆的緣份，於半世紀前已經開始: 其他女仔

「當然啦，唔係妳以為我當年考入皇仁做咩呀?貪方便咩」
 
「你入皇仁…係為左我?」
 
「咁妳揀左港真….咁我咪揀皇仁…近妳多D，原本我係去英皇架嘛….我以為妳會揀返英華…所以…」
 
「我…我先唔會揀英華呀」
 
「點解嘅?」
 


我望一望哥哥，再低頭細聲講
 
「我….唔想好似媽咪同婆婆咁….」
 
「不過英華套校服真係幾襯妳嘅」
 
聽到佢咁樣，我又開始不滿
 
「咩呀!!!而家我地真光妹好失禮你咩!!!」
 


「唔係，我好鍾意妳著真光校服」
 
我地兩個坐係個廳到，靜靜地….
 
「翹哥哥…我想問你一個問題」
 
「咩事?」
 
「你…係咪識英華D女仔?」
 


「咁當然啦，家姐同學D妹、媽咪同姑姐D學生，我識唔少」
 
「咁…你會唔會好似浩揚哥哥咁…揀返英華D女仔做女朋友?」
 
「之前咪講過囉，傻妹，我鍾意妳地港真妹多D」
 
聽到佢咁講，我又有返D笑容
 
「算你識貨!」
 
「不過遇到D超靚嘅英華妹又另計，媽咪果班有個又靚又同我幾好傾嘅」
 
「同我相比呢?」
 
「咁一定冇妳呢個傻妹咁靚，姑姐以前係校花，妳唔知架?」


 
「媽咪係校花?唔會掛，佢係惡霸黎架喎」
 
「因為姑姐似婆婆，婆婆細個時真係超靚女，而妳又完全遺傳哂婆婆同姑姐個樣，睇真D妳成個IU咁呀」
 
「咁如果…要你係靚靚英華妹同我呢個港真妹揀一個做女朋友呢?」
 
哥哥聽到我咁問，紅哂面咁望住我
 
「咁…我一定揀妳架，妳知架」
 
我立即開心到攬住佢
 
「都係你最識揀女朋友!!!!」
 


其實佢算唔算向我表白左呢?
 
星期一返到學校，應該係話我開開心心咁返到學校果時，立即俾肥鴿同OV捉埋一邊
 
「喂喂，妳同Clodulf呢…..兩個人相處左幾日呀?」
 
「邊邊邊到係呀」
 
「Vincent話Clodulf兩日冇返學喎」
 
「咁咁咁又點呀?我我我同佢住住得咁近」
 
「即係妳默認啦」
 
「係…係囉」


 
肥鴿同OV好興奮咁係到問
 
「有冇進展呀?」
 
「唔….暫時都係咁囉….不過原來佢識好多英華妹」
 
「下!!!佢會唔會依足傳統去追英華妹架?」
 
「其實我有少少怕….果d仲要係契媽同媽咪d學生」
 
「Charlotte呀，我地學生會今年Joint左皇仁、英華黎個聖誕表演同埋聖誕波喎」
 
「咁點?」
 


「妳唔明呀?」
 
「聖誕表演係英華到搞，而個波就係皇仁到搞，妳係咪應該深入敵陣去搶Clodulf過黎呢?」
 
「深入敵陣?我當英華係我遊樂場咁玩喎」
 
「今日唔同往日呀沙律，而家英華有冇人識妳?」
 
「唔….自從三個姐姐同家琪姐姐畢業後，都冇人識我」
 
「咁妳直頭向英華宣戰!!!」
 
「咩宣戰喎，仲有咁長時間，去埋個旅行日先算啦」
 
「係喎，唔記得左我地同皇仁同一日旅行添」
 
OV同肥鴿提議唔錯，所以我就報名參加表演
 
不過我表演D咩?好似媽咪咁表演獅哮功?