「姨姨!!!」
 
「慧思?妳唔係去溫書架咩!?」
 
「大減價呀!!!唔理得咁多架啦!!!」
 
「妳真不愧係Jasmine姐姐個女」
 
「咁我都唔好執輸啦!!!姊妹!!!殺呀!!!!!」
 


我地成班10幾人好似飢荒咁去掃貨,現場仲有我地d老師一齊掃
 
一時間,成個sogo充滿住港島區嘅女學生
 
我當日戰利品唔少,就係因為太多關係,雪晴姨姨要求送貨,送去雪凝契媽屋企先再同我分貨
 
「慧思妳都好多戰利品喎」
 
「邊…邊係呢….」
 


「做咩買高踭鞋之類呀?又買裙…男朋友鍾意呀?」
 
「我…我都未有男朋友」
 
「真係?」
 
「雪晴姨姨呀…我有d野想問妳…係關於媽咪同契媽….」
 
「妳問Jasmine姐姐咪得囉」
 


我擰一擰頭「我就係想問旁觀者....所以我先問妳,而且妳係雪凝契媽個妹妹…..」
 
「妳想知….妳媽咪同我家姐之間嘅事?」
 
我點一點頭之後,雪晴姨姨同我去左Starbucks到坐低
 
「慧思點解妳會知道?」雪晴姨姨望實我問
 
「女校男生故事…仲有媽咪經常唱嘅…」
 
「小城大事係唔係?」
 
「嗯….」
 
「唉…都要俾妳知道架啦,關於妳媽咪同家姐嘅事」


 
「我只係知道…媽咪當年自己放手….」
 
「冇錯…當年係姐姐放手先….佢原本係想同家姐正面爭姐夫,但係…..佢好快就知道自己爭唔贏,所以佢搵左我幫手」
 
「姨姨..妳幫手?」
 
「係呀,我想搶我自己家姐個男朋友。由細到大,我都俾人叫做林雪凝個妹,由小學開始叫,當時我想擺脫家姐影子,我唔想再著佢舊校服…我好努力做自己,點知我一入到英華,我先知我又繼續做家姐影子。當時有一個人叫我唔好理其他人點睇,家姐係家姐,我係我,我要好好做好自己,適當時候要同家姐爭。果個人,係Miss孔」
 
「婆婆?」
 
「嗯….佢一眼就睇得出我想擺脫我家姐,但係我F.2果年….我同家姐鍾意左同一個男仔。我知道我一定會輸俾家姐,所以當妳媽咪搵我合作果時,我好快應承左佢,可惜,妳都知啦….我地分別遇上兩個大細路」
 
「姨姨…咁我想問….翹哥哥係氧氣箱瞓果陣…..係唔係我…」
 


「當日嘛……家姐喊哂咁打電話俾ba b….於是我地一家四口同ba b媽咪趕去醫院…妳契爺果陣成個月都冇飛。我地去到醫院,浩翹心跳已經去到50左右,對一個初生bb黎講,呢個已經係極低心跳率。」
 
「嗯…」
 
「之後Miss孔係病房帶埋妳媽咪daddy同妳去睇浩翹,可能係最後一面,而且得妳daddy同我老公先可以安慰到妳契爺,所以大家都黎哂。」
 
「嗯…」
 
「之後妳媽咪突然走去打開氧氣箱,將妳放入去,妳一入到去就捉實浩翹隻手唔肯放…之後浩翹心跳上升,由50到70…再升到上正常水平,當日ba b立即幫浩翹檢查,發現佢心跳開始變快,並唔係要用AED果種快,係正常心跳果種….」
 
「即係…我救返哥哥?」
 
「可以話係……就由果日開始,妳同浩翹就正式成為兩兄妹」
 
「兄妹呀…」


 
「不過我地D大人都知嘅,妳地兩個由細到大都痴埋一齊……所以我知道….妳係鍾意浩翹,而家姐都知道浩翹咁多年黎都係鍾意妳呢個傻妹」
 
「但…但係….我係張詩敏個女….」
 
「所以妳怕家姐唔鍾意妳?」
 
我點一點頭
 
「其實都有可能嘅,不過我家姐唔會討厭妳」
 
「點解嘅?」
 
「因為,佢認為愛一個人,係要愛同包容哂佢所有野」
 


「真係?」
 
「妳唔知咩,家姐同姐夫結婚前….家姐叫妳媽咪陪姐夫去玩兩星期….俾佢地兩個最後嘅時光。之後,姐夫就永遠留係家姐身邊,雖然佢最愛嘅一定係妳媽咪。妳媽咪都係幾年後嫁俾妳Daddy」
 
「從此佢兩個就受到獅哮功嘅折磨」
 
「冇錯」
 
「咁姨姨….點解浩翹哥哥仲要同我保持距離…..佢明明…佢明明知道….」
 
「傻女,浩翹會係適當時間同妳開始架啦,記住唔好自己送上門,咁樣就令自己唔值,d男人就唔會珍惜妳架啦」
 
「知…知道啦姨姨」
 
「好啦,休息夠啦,再去啦」
 
「知道!!!」
 
我同雪晴姨姨繼續係SOGO搏殺