我倆的緣份，於半世紀前已經開始: Halloween

大約一星期後，就到halloween，我地約左佢地d Queen屎仔去海洋公園玩
 
放學返到屋企之後，我地換好衫就去到海洋公園等。今次係OV同Vincent第一次黎玩(我係指佢地拍拖後呀)
 
「拿OV，我地幾個呢，就唔會同妳同Vincent一齊入架啦，妳就盡情咁攬實佢啦」
 
「呢個係咪應該同肥鴿講呀?一陣妳要扮哂驚攬實校草喎」
 
「妳…妳地咪咁講…」
 


「怕咩羞丫，而家校草仲成日走上黎等妳放學啦」
 
「咁沙律妳又點呀?」
 
「我…我有咩點呀?我同佢時不時都拖手行街架啦」
 
「其實妳怕唔怕d英華妹架?」
 
「係囉，佢屋企d男仔，差唔多全部都揀英華妹做女朋友…係得佢暫時冇揀到…」
 


「其實…我真係好驚架，特別係Winnie…」
 
「所以妳要先下手為強，今晚就推佢落床!!!」肥鴿一講呢d就好興奮
 
「妳咪傻啦!!!我屋企同佢屋企近到咩咁呀…」
 
「去酒店過一晚咪得囉」
 
「傻架咩!!我同佢住堅尼地城，呢到搭的士返去，最多咪100蚊」
 


「喂，佢地返黎啦，見步行步啦」
 
我同哥哥兩個好少入海洋公園玩，所以今次就由住南區嘅校草帶我地玩
 
我地嘅目標係要玩哂所有鬼屋
 
不過就係我一踏入第一間鬼屋果時……入邊漆黑一片，行行下有d陰音嘅光係面前出現，明顯地係有個窗，入邊一定係有隻鬼係到
 
我指一指前面，想話嚇返隻鬼，點知我一彈起身，冇鬼
 
「車，冇鬼嘅」
 
突然間「嘩!!!」隻鬼係返果個位彈出黎嚇我，而我立即嚇到大叫，轉身拉住條繩(忠告大家，係鬼屋內真係咩都唔好掂)然後有把好恐怖嘅聲出黎
 
「妳….做咩….拉住我條脷…………..」


 
「嘩!!!!!!!!!!唔玩啦我!!!!!」
 
我攬實哥哥係到喊，邊條PK話要黎玩架!!!(果條PK好似係我)
 
哥哥用一面無奈嘅眼神望住隻鬼，阿鬼就好得戚咁返左入後台
 
「乖啦，唔好喊啦，D鬼人扮之嘛」
 
「唔制呀!!!我唔玩啦!!!!好驚呀!!!好L驚呀!!!!」我真係驚到連粗口都講埋出黎
 
「好啦好啦，我拖住妳啦好唔好?」
 
「你…你仲唔快D!!!!」
 


「估唔到妳驚青果陣，仲似姑姐喎」
 
「快….快D行啦!!!!」
 
哥哥一直拖住我行，但係我真係驚到腳到軟，所以佢就決定抱我出去
 
係外邊等緊嘅肥鴿同OV見到我俾哥哥抱住出黎，就不停係到恥笑我
 
「沙律妳搞咩呀!」
 
「佢第一個彎已經嚇到喊出黎，係咁話唔玩搞到我要抱佢出黎」
 
佢地用不懷好意嘅眼光望過黎，咩呀!!!本小姐真係驚架!!!
 
「咁之後果幾間鬼屋仲入唔入呀?」


 
「入…入咪入囉!!!怕佢呀?」我扮哂冷靜咁講
 
「咁妳自己一個人玩?」
 
「咁..咁樣邊到好玩架!?我要阿哥陪住我!!!」
 
「妳仲入去?我驚妳今晚瞓唔到，走上黎要我陪妳咋」
 
「邊…..邊到會呀?」
 
「細個妳睇完鬼片，有邊次唔係捉住我陪妳瞓?」
 
「我要玩!!!!」
 


「Clodulf，俾沙律入去啦」
 
「唉…好啦好啦，妳跟我尾啦」
 
五分鐘後…….
 
「呀!!!!!!!!!!!!唔制呀!!!!!!!!!!!!!我唔玩啦!!!!!!!!!!!!!!!!!!」
 
如是者，剩低果D鬼屋，我都係每間都要大叫一次

「係咪呢，都話左妳架啦，搞到自己腳軟啦」
 
「咁…..我都係想陪你玩之嘛」
 
「喂，係妳約我黎先架喎」
 
「我…我唔理呀….你要氹我瞓呀」
 
「行啦!同妳返去食糖水呀」
 
我地又返到去屋企附近間糖水鋪，食返同一樣野
 
「唔……」我又係到發吽逗
 
「做咩呀?」
 
「我怕真係瞓唔著呀……」
 
「咁妳想點呢?」
 
「點知你呀，氹我瞓覺係你嘅責任黎架」
 
「嘩…妳老屈架?」
 
「我唔理!!!!你要氹返我!!!!」
 
返到屋企，哥哥同我一齊出lift
 
「點呀?你諗到點氹我未呀?」
 
「我錫返妳啦，好唔好?」
 
「好呀，你錫啦」
 



















“啪”我返到屋企後仲係到諗緊頭先發生咩事