我倆的緣份，於半世紀前已經開始: 將媽咪擺上檯

3個MC一見到佢就立即走去問
 
「呀….Clodulf….你出場果陣呢….好多掌聲喎」
 
「大家俾面者….俾面者….唔俾面妳地一人一份Eassy，唔洗放學都似」
 
「你….你唔好咁絕啦好嘛….我地已經日日俾Miss Lam折磨….呀…係補課架啦….」
 
「咁妳地俾唔俾面?」
 


「俾!!!點都俾架啦，不過你上黎做咩呀?你表演d咩呀?」
 
「下?英雄本色音樂喎，妳唔知呀?」
 
「唔….賭神音樂我就知…係我地學校好多年前出現過喎，女校男生果個故事喎」
 
「妳咪玩啦靚女，妳都知我媽咪係邊個啦，冇理由唔知道當年我爸爸係呢個禮堂，著住校服同我媽咪求婚架嘛」
 
哥哥咁講，全場大叫，應該係尖叫，當時契媽塊面同個身係非常之紅
 


而媽咪就係佢身邊恥笑緊佢
 
「即係…果個傳說係真嘅?Miss Lam係嫁左俾學校最後一個女校男生?」
 
「係呀，程逸風機長丫嘛，咁又點丫，日日係屋企俾老婆鬧」
 
「Miss Lam係屋企鬧老公?佢應該係我地全校最溫柔嘅老師黎架喎」
 
「溫柔?妳….食錯藥呀?晚晚用獅哮功趕我地幾姐弟出黎食飯呀」
 


「咁…你媽咪呢….er….」
 
「唔洗怕喎，我呢個環節係你問我答」
 
「咁….當年…你爸爸係咪俾校長罰企係操場呀?」
 
「係呀!!!大家睇睇相」
 
screen中播出當年契爺俾婆婆罰果張相
 
身上真係掛住「我抵死，我以後唔再蝦女同學咁」
 
哥哥用pointer指一指
 
「拿….呢個我爸爸啦，呢個扎孖辮咁靚嘅，係我媽咪啦…Miss Jessie Lam啦….咁呢兩個，我兩個契媽Ivana Chow同Joanne Kwan啦，拿拿拿，呢個係我姨姨啦，林雪晴Karen Lam啦…咁呢個啦!!!嘩呢個犀利啦，大家估唔估到佢係邊個呀?」


 
「估唔到呀!!!!!」
 
哥哥指住媽咪個樣
 
「妳地成班真係作死啦，呢位同學，當年同我媽咪、姨姨一樣，都係模範生，佢係F.3果年就遇上左…呀….都係唔講啦。呢位學生睇真D?似邊個?」
 
「唔知呀…..開估啦」
 
「好」
 
哥哥再show埋婆婆15歲嘅學生相出黎
 
「大家估到未呀?呢位，係妳地校長，孔美玲校長，咁呢個啦喎，咪就係佢個女，張詩敏老師囉。靚唔靚女呀?妳地試下答唔靚丫，佢立即起飛腳踢妳添呀，好似咁樣」
 


Screen到播出左媽咪細個係走廊起飛腳嘅相出黎，媽咪真係一個惡霸黎架!!!
 
「如果妳地係籃球隊嘅話，就會受到Miss Cheung嘅三分波攻擊」
 
媽咪果時俾成班學生望住，我第一次見媽咪塊面咁紅