我倆的緣份，於半世紀前已經開始: 序

係一個櫃筒之中，收埋左一個盒，盒中有一條頸鍊
 
櫃筒打開
 
“嚓”
 
「係今日啦」頸鍊保管人回想10多年前，佢媽媽交條頸俾佢果一幕
 
醫院病房內
 


「逸怡…」
 
「媽咪….妳….妳唔好扔低我地兩姊弟…..唔好….」
 
「大個女啦，妳做家姐要照顧好細佬……」
 
「我….我會…」
 
「妳拎果個長盒出黎丫」
 


「嗯…媽咪….係到」
 
「打開佢」
 
長盒打開，係一條18K金鍊
 
「媽咪…呢條鍊….」
 
「鍊咀背面係刻住契媽英文名?」
 


「Margaret….係呀媽咪….」
 
「呢條鍊….係妳爸爸訂俾契媽…」
 
「但係….爸爸走果時明明將條鍊送左俾詩敏….」
 
「呢條係另一條….兩條鍊嘅鍊咀…可組成一個心同埋梅比斯環…」
 
「我….我唔明呀媽咪…點解要交條鍊俾我?」
 
「 妳幫媽咪保管好，如果將來阿風娶詩敏….妳就將佢交俾細佬，等對鍊可以再次拼返一齊…」
 
「但係…如果細佬娶其他女仔呢?」
 
「如果妳細佬娶第二個女仔，妳就等佢結婚果時俾佢，同佢講……等詩敏生小朋友果時….如果阿風又生小朋友，係仔仔，而詩敏生囡囡嘅話就…」


 
「就交俾細佬個仔，如果細佬生女，詩敏生仔，就交俾囡囡，係唔係呀媽咪?」
 
「係…..如果兩個都生仔生女….妳就俾返契媽….幫我同佢講聲對唔住….」
 
「媽咪妳唔好咁啦……契媽冇嬲過妳…」
 
「我知阿玲冇再嬲我……但係我仍然對佢唔住……」
 
「媽咪….」
 
十幾年後……
 
「阿風，雪凝，家姐有樣野要俾你地」
 


「俾咩呀家姐?妳仲有金器俾雪凝咩?」
 
「唔係….呢樣野…係爸爸媽媽留低，媽媽臨走前要我係你結婚前交俾你，要我同你交低d野」
 
「媽媽?佢仲有野交低?」
 
阿風係家姐手上接過條鍊
 
「呢條鍊……咪係詩敏果條囉」
 
「呢條鍊……其實屬於爸爸，你睇睇鍊咀背面」
 
「Margaret…..契媽?咁詩敏果條應該係….」
 
「Tony」


 
「媽媽做咩留低條鍊呀?」
 
「媽媽臨走前同我講，如果你娶詩敏，就要我俾條鍊你，如果唔係娶詩敏……就要你交俾你個仔仔或者囡囡，當然，要睇下詩敏將來生仔定女」
 
「媽媽…..想將呢對鍊合返埋?」
 
「嗯……雪凝」
 
「係!家姐!」
 
「將來妳同阿風個小朋友，娶或者嫁俾詩敏個小朋友，妳會唔會反對?」
 
「我會俾佢地自己選擇，如果個天真係要將佢地拉埋一齊，呢個就係命運」
 


「嗯……」
 
又過左大約幾年後
 
「雪凝，妳又有左呀?」
 
「係呀奶奶!!今次又係仔黎架」
 
「姐姐呀….其實…..」
 
「咩事呀詩敏?」
 
「我都有左啦」
 
「妳唔係話過想二人世界咩?」
 
「咁…..有左，都好呀」詩敏摸摸自己個肚
 
「仔定女呀?」
 
「係囡囡黎架」