終於都上機啦!!!!!契爺今次幫我地安排左頭等機位
 
一上機
 
「Welcome aboard」
 
有幾個好靚嘅空姐歡迎我地,而我地同行所有雄性生物都以一個好開心嘅笑容回應佢地
 
「辛苦哂妳地啦………」
 


然後媽咪率先發難扭daddy耳仔,雪晴姨姨就用鄙視眼神望實翀契爺
 
浩揚哥哥就俾家琪姐姐雙手揪起
 
翹哥哥呢?
 
佢直接行去佢個位到坐低
 
「你呀!!!頭先見到人地眼甘甘呀,好鍾意空姐咩!?」
 


「哦,唔係,只係將佢地同妳比較下者」
 
「咁你覺得點丫」
 
「唔….妳仲係差d」
 
「咩話!!?」
 
「我講事實者」
 


「你好呀!!!哼!!!」
 
契爺企係駕駛倉前同朋友傾計,又幫同事問下新人問題
 
「唔?契爺仲係咁熱心工作?今日佢放假喎」
 
哥哥係到撳電影睇
 
「係呀,雖然話放假者,但係有咩事,佢都要幫手架嘛」
 
「會架咩?」
 
「係呀,呢個係佢地不成文守則,不論係咩公司,係同一班機上,一定要幫手」
 
飛機慢慢taxiing去跑道


 
「浩翹呀,你捉實慧思隻手喎」
 
「知道啦姑姐」
 
「嗯?Charlotte妳做咩呀?」
 
「呢個傻女好怕起飛果一下架」
 
媽咪又係到恥笑地解釋
 
「咩…咩喎!!!唔得咩!」
 
「慧思唔洗怕喎,呢個機長好有經驗,係我d同期」
 


「我都係覺得契爺你手機好d」
 
「hahahaha,飛到上去咪又係自動飛」
 
空姐開始派餐,我同哥哥各自要左唔同食物同埋汽水
 
媽咪果邊呢?我地又見到媽咪搶哂daddy d雪糕黎食
 
佢地兩個咁多年都仍然係咁,有時我望住哥哥,我同佢將來會唔會又係咁樣呢
 
我不其然咁拖實佢隻手
 
「嗯?做咩事呀?」
 
「冇呀…見到daddy同媽咪咁甜,有d羨慕佢地」


 
「妳又想?」
 
我點一點頭「嗯」
 
佢好快搶左我個雪糕走
 
「俾返我啦!!!」
 
「又係妳話想嘅!?」
 
大約去到60分鐘之後,我地見到個副機師去左兩次洗手間,仲聽到佢嘔嘅聲音
 
「風契爺」
 


「唔?咩事呀慧思?」
 
「果個副機長好似唔舒服咁喎」
 
契爺望一望洗手間,就見到個副機長摸實後欄出黎
 
於是契爺就上前了解
 
「阿仔你有冇事呀?」
 
「呀….程Sir….冇….肚屙者….我冇事」
 
「你塊面白哂,你坐低先」
 
契爺叫左個purser黎…然後佢就拎起電話打入駕駛倉
 
5分鐘後,契爺走去契媽身邊
 
「老婆呀….」
 
契媽不愧係食過夜粥,見慣大場面
 
「得啦,你入去駕駛倉啦,小心d就得」
 
「都係返工咁返者」
 
「嗯?契爺咩事呀?」
 
「哦,個副機長又屙又嘔,我去代佢飛埋之後果d,冇事喎,放心」
 
契爺講完後就首先俾purser摸一摸個身,睇下有冇利器,再拎職員證出黎俾機長核實身份然後先入得駕駛倉
 
過左陣,機長廣播
 
「各位乘客,由於本機副機長身體不適,所以現時由本公司休假中嘅程逸風資深機長代替其駕駛職務,我地兩位機長會安全咁送大家到目的地」
 
「契爺返工真係咁辛苦架?」
 
「妳估飛機師好易做咩,又要開會又要寫flight plan」
 
「所以你都係做醫生好d」
 
飛機穩定飛行中,我係到睇戲,而哥哥呢,佢就拎書出黎睇,佢真係一個書蟲黎架
 
我望一望個背囊,究竟幾時俾條頸巾佢好呢
 
而家係機上邊,無啦啦送咩頸巾呢
 
所以我都係到日本先送俾佢啦
 
係我地前邊,有浩揚哥哥同家琪姐姐,佢地兩個都好甜蜜咁
 
我而家先發現,家琪姐姐左手中指有隻鑽石戒指
 
睇到我都好羨慕呀….不過佢地兩個都拍左差唔多5年拖,姐姐有隻戒指好正常丫
 
望一望瑩瑩姐姐同玲玲姐姐,佢地呢對孖女一齊睇緊戲,聽媽咪講,佢地兩個都有男朋友
 
即係,我地三家人D小朋友全部都拍緊拖
 
契媽而家就自己一個坐係到悶緊,所以我就走過去陪佢坐,咁而家當然係奶奶緊要D架啦