「啊……….好舒服呀………..」媽咪佢由細到大都係鍾意沖浴缸,所以搞到我都鍾意沖
 
「詩敏,奶奶退休後打算做咩呀?」
 
「冇架,可能同daddy環遊世界咁啦」
 
「我係怕佢旅行完之後,係屋企冇野做會悶呀」
 
「咁佢都就快70啦,仲出黎做野咩」
 


「不過詩敏姐,妳唔打算幫佢搵d野做咩?」
 
「媽咪識諗架啦,其實佢之前諗過移民去澳洲嘅,但係佢又唔捨得」
 
「婆婆唔捨得d咩呀?我地可以過去探佢架嘛」
 
「慧思呀…妳婆婆最唔捨得呢,就係妳呢個孫女,同埋唔捨得姐姐妳老爺奶奶」
 
「咁家姐妳不如將姐夫爸爸媽媽一齊搬過去澳洲囉」
 


「傻架妳!?搵咩裝呀?」
 
「吸塵機d袋囉!一係密實袋囉」
 
我地成班係溫泉嘻嘻哈哈咁笑
 
「家琪呀!」
 
「係!奶奶!」
 


「今晚妳同浩揚小心d呀,妳地下年實習架啦」
 
「知…知道啦….」
 
「哎唷~~~我地個表嫂怕羞囉~~」「哎唷~~~我地個表嫂怕羞囉~~」
 
「妳地兩個!!!..哼!!!」
 
「我地兩姊妹怕咩丫,我地一齊瞓好正常呀,慧思妳又點呀?」X2
 
俾瑩瑩姐姐同玲玲姐姐一齊咁問我,我原本已經好紅嘅面,就變得更加紅
 
於是我就半潛水咁慢慢游走
 
「妳唔好走呀!!!!」家琪姐姐係水中追住我


 
「喂…喂呀….媽咪係到架!!!妳地咁問法……」
 
媽咪係水中浸緊「洗唔洗講妳知妳奶奶同老爺第一次嘅事俾妳地知?」
 
「喂喂喂!!!詩敏….妳咪拖我落水呀!!!」
 
「怕咩丫,情人節果晚丫嘛,明架啦,去完煮飯仔,好夜先返屋企嘛」
 
「林雪晴!!!!妳講左幾多野出黎呀!!!」
 
「家姐…妳果晚返黎個樣都不知幾開心呀,又多左隻戒指,去沖涼搞左咁耐,係人都知啦」
 
「妳…妳又好好咩!!!妳夠係F.7果年中秋…..同妳老公去長洲玩二人世界之後…果晚我仲幫妳瞞住ba b同媽咪…」
 


「怕咩認喎,係呀,我果晚係俾左我老公呀,如果唔係咁多年後點生呢對『絕代雙嬌』出黎呀」
 
「媽咪~辛苦哂妳啦」「媽咪~辛苦哂妳啦」
 
「所以我話呢,生女係無錯嘅,可惜丫慧思,我得妳一粒女」
 
我繼續半潛水係到吹波波出黎,點解呢三個媽媽級可以咁樣講野出黎架
 
浸完溫泉,我地各自返房
 
果一晚,我真係同哥哥同房
 
「喂….」
 
「唔?」


 
「我地兩個同房會唔會唔好呀?」
 
「妳可以落去大堂瞓架,我唔會阻妳」
 
我立即拎起個枕頭扔過去
 
「你先係呀!!!要本大小姐瞓大堂!!」
 
哥哥一手拉我落床到
 
「妳想同我一齊孖鋪丫,定係各自瞓?」
 
突然俾哥哥咁問一下,我個心又跳得好快,面紅扑扑咁望住佢
 


「唔…..喂呀….一齊瞓….會唔會太快呀….」
 
「妳諗咩呀?我真係純粹想同妳孖鋪咋喎」
 
「你…你唔係話一齊…瞓咩!?」
 
「咁瞓覺,同瞓,都係同一個字黎者。唔通妳以為我想……」
 
「妖!」我拎起個枕頭一野拍埋去
 
「憎死你呀!!!!!」
 
死人頭!!!!枉我仲準備好今晚同佢….咩添
 
第一晚,真係冇事發生過