去到outlet,眾男士俾我地放係某d區域等待
 
我地一眾美女就聯手去outlet到掃貨!掃貨!再掃貨(用嘅係附屬信用卡)
 
每碌一下,外邊嘅男士就痛一下
 
最痛果個應該係翀契爺,但係佢係高級…呀唔係…係資深藥劑師喎,所以佢任由佢對孖女不停碌不停碌
 
而我同媽咪呢?都係不停碌。由衫褲鞋襪,到手袋胸圍乜都碌
 


每碌一下,我地就開心一次而daddy就痛苦一次
 
家琪姐姐果邊呢,佢同兩個契媽一齊揀野,睇黎雪凝契媽好滿意佢呢個未來新抱啦,當然啦
,家琪姐姐F.1-F.6都俾契媽教過,仲做過兩年班主任,而家仲將會嫁俾自己個仔,佢真係開心到彈起
 
我地終於買完野啦為左方便我地去食飯,契爺安排送貨去酒店,大約聽日就會到貨啦
 
因為滑完雪大家比較餓嘅關係,我地成班去食sabusabu
 
各男士盡顯出冇風度嘅一面,佢地自己一圍檯,而我地班女仔/女士就一圍檯


 
食左陣,哥哥頂唔住要過黎
 
「好恐怖呀…」
 
「你搶唔到野食咩?」
 
「仲恐怖過我地打完波食野呀」
 
我夾舊牛肉然後餵哥哥一下


 
「浩翹你就留係呢邊食野啦」
 
「知啦媽咪」
 
我地望一望過daddy果邊,已經唔可以用混亂黎形容
 
「妳地有冇諗返起佢地幾個讀中學果時呀?」
 
雪晴姨姨笑住咁講「記得呀家姐,妳地F.6果年係姐夫屋企打邊爐,佢地三個又好似係咁樣,果時Ivana同Joanne剛剛拍拖冇耐」
 
「時間過得好快啦,果時雪晴妳仲係細細粒嘅長平公主」
 
「係囉,點解妳F.3開始又再發育咁嘅」
 


「咩呀,咁家姐同我咪差唔多,同一個阿媽生架嘛」
 
「姨媽~所以我地咪咁好身材囉,多謝婆婆強大嘅DNA」「姨媽~所以我地咪咁好身材囉,多謝婆婆強大嘅DNA」
 
媽咪望一望我個胸
 
「慧思妳都有D野睇架喎」
 
媽咪公開咁講我身材,都係第一次
 
「咁….都係妳遺傳架嘛,唔通我似daddy好咩」
 
「媽咪生到妳咁靚,唔好咩」
 
「連同脾氣都咁臭」


 
「咁起碼有人肯要妳呀」

「㗅.....」​「㗅.....」
 
呢個時候,媽咪發現左我左手上邊隻戒指啦
 
「丫,阿女呀,咁快有鑽石戒指啦妳?」
 
「下!?」我望一望自己隻手,迅速收埋左手
 
「阿女妳收埋隻手,妳點食飯呀?」
 
「我…我咪用右手食囉,我兩隻手都用得」
 


家琪姐姐捉起我隻左手「伸出黎啦,大方d」
 
「哦哦哦~係咪浩翹你送架!?」雪晴姨姨起勢咁問
 
「唔…..」
 
「慧思妳就好啦,妳契爺係我F.4果年先送戒指俾我咋」
 
「風契爺都係同我拍拖3個月先送,阿仔你咁爽手呀」
 
「咁我諗唔到送咩嘛」
 
「戒指你就送左啦,情人節可以送咩呢?」
 
「到時再諗啦」


 
既然全部人都知道,我唯有放返隻手出黎,繼續食
 
「慧思妳就好啦,Ethan都係同我拍拖一年先肯買對戒指咋」
 
「點同呢,阿哥冇打過虎頭」
 
「即係你有啦係唔係呀?」
 
「平時買餸我都唔會找錢返黎,媽咪妳而家先知?」
 
「我係估唔到你可以打到連鑽石戒指都買到者」
 
另一邊,daddy佢地就黎食到反檯