「你…仲睇dvd架咩!?」
 
「咁…黎到,參觀下都好呀」
 
「老弟,你孟唔孟吔」(唔知咩話)
 
「唔孟吔,蛋系我洪想」(唔知咩話)
 
「ba她麼! 孟就孟吔」(唔知咩話)
 


「孟左抹命明吔,思思洪餓吔」(唔知咩話)
 
「別ba吔」(唔知咩話)
 
「姐姐…妳聽唔聽得明呀?」
 
「我都唔明呀,不過一定唔係好野」
 
「佢地講緊咩話呀?」
 


「佢地講緊…..潮州話?」
 
契爺呢個時間係我地後邊出現
 
「係客家話呀」
 
「契爺」「老爺」
 
「佢地….講客家話?」
 


「係呀,我地係屋企會講客家話架」
 
「點解嘅?」
 
「唔….我唔想呢d傳統語言同文化消失囉」
 
「但契媽好似…」
 
「佢都係客家妹黎架,佢都識d嘅」
 
「咁佢地講咩?」
 
「佢地呀….浩揚問浩翹買唔買av,浩翹話慧思妳好惡,佢唔敢買,浩揚就叫佢唔好怕妳」
 
「丫…佢真係大膽喎」


 
「連兩個屎袋包,孟抹av吔,download照吼吔,連作阿干,揀話慧思吔,撞屎連」(客家話)
 
佢地三父子係到用客家話傾計,我同家琪姐姐就一舊雲咁樣
 
「家琪、慧思,佢地三個又用客家話傾計呀?」
 
「係呀契媽」
 
「咁即係唔慌會係好事,一定係亂買野」
 
「一定係啦」
 
「連dee山個,hea唔hea又孟av吔!!!!」(客家話)
 


係我眼前呢一幕好好笑,契媽係秋葉原用客家話鬧佢三父子
 
係秋葉原,哥哥買左d高達模型返去玩
 
我同佢一齊買左件…咩話?紅色渣古褸呀?唔知呀,哥哥話要買嘅
 
我地一班女仔/女士坐係starbucks到飲野,班喪嘅就去買野
 
「慧思呀,媽咪想問妳一個問題」
 
「媽咪妳問囉」
 
「有冇唔乖女呀?」
 
我聽到媽咪咁問,立即落錯格,家琪姐姐係到拍我背


 
「姐姐,似係冇喎」
 
「冇呀姨姨,我每晚都同佢同房,兩個男嘅都冇入過黎」
 
「都話慧思聽話架啦,妳記住呀,要安全d呀」
 
「知…知啦契媽」
 
「佢有用護身靈藥啦」
 
「嗯…..慧思妳唔好同浩翹搞d咩事出黎呀」
 
「知…知啦…」
 


「但係妳咁細個就食…」
 
「冇事架家姐,黎m會準d架,我老公講嘅」
 
「既然妳老公咁講,唯有信啦…」
 
係外邊,佢地拎左好多戰利品返黎
 
我望一望哥哥買左咩,佢只係買左盒模型就算

「你唔買多d嘅?」
 
「留返d位俾妳入野丫嘛傻妹」
 
我地兩個嘅互動,完全俾其他人睇到哂
 
於是,daddy就行過黎同哥哥講
 
「浩翹呀,你真係唔好咁寵阿女,有時佢d脾氣仲臭過佢媽咪」
 
「咩呀!!!而家個女似我唔好咩!?唔通似你好呀!!!李健熙你條羚羊丫!!!!」
 
「個女而家脾氣咪似足妳個豬西囉,張詩敏」
 
「㗅……….」
 
不過,哥哥俾佢地嘅回應,就令到daddy媽咪面紅紅
 
「姑丈,咁我係咪應該用你氹姑姐嘅方法黎氹慧思呀?」
 
哥哥咁講,大家都好想知道daddy平時係用咩方法黎氹媽咪
 
「喂,熙哥,咁多年黎我地都唔知你點氹返阿妹架喎,次次佢都嬲爆爆咁走上黎我屋企,由佢14歲開始到而家,究竟你用咩方法呢?」
 
「呀….」
 
「係囉…d老婆咁惡…」
 
「我好惡咩!?」
 
「唔係呀晴晴….」
 
咁多年黎,翀契爺都會叫雪晴姨姨做晴晴
 
Daddy媽咪兩個而家好尷尬咁樣,因為大家都望住佢地
 
所以,我係時間出場啦
 
「哦,daddy呢個時候就會化身為啄木鳥,係媽咪塊面到不停咁錫。錫到媽咪由好嬲變到消哂啖氣,咁多年黎都係咁樣」
 
「woo~估唔到熙哥你咁識氹老婆喎」
 
「怕羞仔!!!你係咪嫌命長呀!!!!」
 
今次媽咪塊面真係超紅囉
 
不知不覺,呢個日本之旅就完左,亦到左返學嘅時間