我倆的緣份，於半世紀前已經開始: 去海邊釣魚

「唏~~~~~~」我將個釣組拋落海，然後坐係哥哥隔離等
 
「乜原來你會黎海邊釣魚架咩?」
 
「細個果時，爸爸會帶我地一家人去釣魚、野餐之類」
 
「契爺又唔帶我黎嘅」
 
「釣魚姑姐未必鍾意啦，一陣佢連魚竿都扔埋落海呀」
 


「以媽咪性格一定會」
 
「妳悶唔悶?」
 
我雙手撓實哥哥
 
「點會悶呢?有你係我身邊，我咩都唔怕」
 
「唔….我應該早D同妳講」
 


「講咩呀?」
 
「我鍾意妳囉」
 
「唔緊要架，你而家係我身邊咪得囉」
 
「思思呀?」
 
「唔?」
 


「妳係咪舊年OV對我有意思先知自己鍾意我?」
 
「唔….都係架…我諗一諗，如果突然你唔係我身邊咁點，我先發現自己一直鍾意你」
 
「傻妹」
 
「邊夠你爺爺傻?50年前儲成千蚊為左買一對鍊送俾婆婆」
 
「爺爺佢又真係好鍾意妳婆婆」
 
「我媽咪又何嘗唔係好鍾意契爺?」
 
我望住哥哥
 
「唔知…我地兩個可唔可以完成佢地四個嘅遺憾呢?」


 
「其實…我諗過係唔係我同妳一中學畢業就結婚嘅….」
 
我輕輕力打佢一下
 
「傻左咩，媽咪一定唔肯咁快就嫁我走」
 
「就算姑姐肯，婆婆都一定唔俾」
 
「當然啦，我係佢唯一一個孫女」
 
「如果婆婆去澳洲，妳會唔會跟埋去?」
 
「婆婆係想你地一家，雪晴姨姨佢地一齊過去…仲有Ivana姨姨同埋Joanne姨姨呢?婆婆當佢地係寶黎架」
 


「兩個姨姨話過冇所謂，佢地都安排左d哥哥去澳洲讀書啦，佢地遲d會過去。公公話退休後都過去享受下生活，問題係我地三姊弟者」
 
「嗯?有咩事」
 
「家琪姐姐屋企人未必肯過去，家姐男朋友呢?佢又未必肯，雖然家姐講過佢男朋友可以去澳洲做律師」
 
「你地三個都係醫護人員，一定冇問題」
 
「即係妳會跟婆婆過去?」
 
「點都好，我會陪你讀完大學先，我…想同你組織一個家庭先過去嘛」
 
「傻妹」
 
「我唔理架，我只會嫁你一個」


 
「咦?」
 
「唔?咩事?」
 
「有魚呀!!!!」
 
結果我地好好彩釣到幾條班，拎左返屋企加餸
 
當然處理條魚果個係契爺啦