我倆的緣份，於半世紀前已經開始: 大戰四方城

兩個姐姐陪左婆婆一陣，就走黎廚房搵我

「哎呀~Charlotte妳打算親自下廚呀?」x2

「唔?咁….呀…..」

「唔洗怕羞啦，想俾大家知道，妳係個合格嘅老婆呢?」x2

「邊…邊得黎做人老婆…」



「妳聽晚唔係同浩翹同房咩?」x2

「邊…邊係呀….」

「妳怕羞囉」x2

「冇呀!!!」

我係到俾兩個姐姐不停咁玩，呀!!!!!哥哥你幾時黎陪我呀!!!!!



唔需要好長時間，浩揚哥哥同家琪姐姐黎到，於是我地四個女仔就好快走去媽咪間房到做我地應該做嘅野

「家琪呀…妳飲咩呀?」

「俾杯水我得啦」

「知道」

「浩揚哥哥，我又要」



「呀….」

「你唔幫我呀?」

「得啦，幫妳拎啦」

「表哥」X2

浩揚哥哥一直以黎都係抵受唔到兩個靚女表妹攻擊，有傳聞兩個姐姐曾經一齊鍾意過浩揚哥哥，但係家琪姐姐一出現，呢對孖女就自動放棄左，傳聞咋!!!!

「妳地兩個人飲一杯，定係一人一杯呀?」

「一人一杯」X2

浩揚哥哥好快出去幫我地斟水，我望一望浩揚哥哥背影，嘟一嘟咀



「做咩呀慧思?」

「下?冇呀姐姐，有D好奇者」

「慧思妳係咪想知點解表哥會咁聽話呢?」X2

「下….其實…」

「做咩呀慧思?浩翹對妳唔好咩?」

「唔係呀…只係今日佢未搵我之嘛」

家琪姐姐聽到我咁講之後就係到笑



「傻女呀，兩個人拍拖要留少少空間俾對方架，唔通妳要人地24/7咁樣係妳身邊咩」

「但係姐姐…妳點可以令浩揚哥哥咁聽妳話?」

「係囉，教下我地啦」X2

家琪姐姐係到諗一諗

「冇架，你情我願架咋」

「定係姐姐妳同表哥講『你唔錫我，我唔同你親密架』咁呀?」X2

兩個姐姐講果時，大家都笑得好開心

「妳地兩姊妹呀~!唔好咁咸濕呀!」



「怕咩喎，妳以前都俾我地撞過啦，係學校附近同表哥錫咀丫嘛」X2

「咁….咁我果陣住係學校果邊嘛!」

好快浩揚哥哥返到黎，佢放低D水之後就靜靜坐係家琪姐姐身邊

而我地四個，就係媽咪間房到….打麻雀

我地一打，就會打好多圈

「黑箱(八筒)呀家姐，拎去瞓啦妳」

「妳慳D!!唔……邪牌(三筒)家琪姐」



同呢對孖女姐姐打麻雀果時，真係好好笑，因為佢地兩姊妹完全係copy左雪晴契媽同雪凝契媽兩姊妹d口吻

冇辦法啦，呢對孖女好細個就跟住奶奶去玩，佢地兩個連同大家姐同埋家琪姐姐係英華入邊，人稱『四大護法』，媽咪係光明右使，而奶奶就係光明左使

真係有一次佢地連同婆婆一齊行出黎果種氣勢……係冇人學到

「妳兩個衰妹丫!!!咁串!!!我而家就扔哂d萬子出黎!!」

「碰!」我有兩隻萬子，唔係唔要呀?

「一索」

「慧思妳連雀都唔要呀?」

我望望副牌，我做緊萬子，要索子幹麼

「唔要」

「咁妳聽晚都唔好要啦」

原來姐姐又講三級野!!!!

「下….我…聽晚同家琪姐姐同房呀….邊有妳地諗得咁深入呀….」

「係唔係呢，就等聽晚先知」X2

「但係慧思妳真係唔想同妳換房?」

我望一望浩揚哥哥，佢兩兄弟一樣，愛理不理咁

「呢層….妳地決定返啦」

「五萬」都話我做萬子囉，仲打萬子嘅

「碰」差唔多叫糊

浩揚哥哥應該知我做緊萬子，佢好緊張咁睇住家琪姐姐D牌

終於…..「自摸!!!」

「食!!!清一色對對糊，無花自摸，十番!!」

「搞錯呀!!!次次都係妳架!!!」X3

打牌犀利，都係黎自媽咪遺傳