我倆的緣份，於半世紀前已經開始: 第一次，亦係最後一次中學ball

我坐係鏡前面，望一望自己，鏡入邊果個係咪我黎架……
 
家琪姐姐同家姐係到幫我梳頭
 
「今晚妳第一次去ball呀?」
 
「嗯，亦係中學生涯最後一次」
 
「妳partner呢?」
 


「唔好問啦…妳地都知我同哥哥去架啦」
 
「慧思妳仲唔改口?係都叫我細佬做哥哥?」
 
「咁….叫左17年，真係改唔到口丫嘛」
 
「傻妹，將來妳嫁左俾佢，仲叫佢哥哥咩?」
 
今日我拆左對孖辮，著住套米色背心裙加毛毛披肩
 


加埋對白色露邊高踭鞋
 
「慧思妳自己識唔識化妝架?」
 
「呀….媽咪之前教左我啦」
 
「妳放鬆少少，唔好咁緊張」
 
的確，我今日係好緊張，咁大個女第一次去ball，亦係中學生涯最後一次
 


「細佬幾點黎接妳呀?」
 
「嗯….差唔多啦」
 
“叮噹”哥哥終於落黎啦
 
家姐一打開門，就見到著住套三件頭西裝嘅哥哥係到，家姐同佢訓示左之後，我地兩個就搭的士去皇仁
 
哥哥拖住我隻手入到去，現場已經好多Pair人係到
 
當然，肥鴿、OV同埋Winnie都係到
 
四個女仔當中，我個胸又唔算大，又冇長腿，相對下有d失色
 
所以我有d唔開心咁望住哥哥，反而佢安慰返我


 
「妳以為我係為左d胸同長腿先追女仔架?」
 
「點…點知你喎」
 
佢係我耳邊靜靜地咁講「妳都俾我睇過哂啦」
 
我立即面紅紅都打佢幾下
 
「下…下次唔俾你睇呀!!!」
 
「嗯?前日先睇完黎」
 
「咸….咸濕佬!!」
 


MC宣佈舞會正式開始
 
會場D椅都套上椅套，旁邊仲有紫色絲帶綁住
 
燈光亦係整出比較浪漫嘅較果，會場一旁放有小食及飲品，而且仲有售賣鮮花檔口
 
一向唔太識跳舞嘅我，為左今日舞會，我地係學校不停練習
 
因為，我真係好想同哥哥跳一次舞
 
第一首歌，係首浪漫嘅歌
 
哥哥攬實我條腰係到跳，我個頭都挨住佢心口
 
「丫…估唔到妳都識跳舞架喎」


 
「為左今日，我練習左好耐啦」
 
「咁係咪要讚下妳呀?」
 
「當然啦，不過你都跳得好好呀」
 
「我都有練習架嘛」
 
「你練習?同邊個?」
 
「成班同學囉」
 
係我腦中，出現左一pair pair男仔係到跳舞嘅場面
 


基力四射
 
「下一首…你會同邊個跳?」
 
「可能…同妳情敵跳囉，不過邊個好呢?丫….之前咁多女仔鍾意我」
 
「你呀你呀你呀….係到自吹自擂，最多咪得OV同埋Winnie之嘛」
 
「呵呵，係咩?」
 
咩話?難到呢條友有好多女仔鍾意?
 
第一首歌完左，我地各自返去休息
 
佢地d男仔所謂休息，都係不停望女仔
 
於是，Vincent好有禮貌咁請我出去跳舞，而我出去果陣，就見到哥哥請左Winnie出去跳舞
 
哥哥同Winnie跳舞果陣，佢地不停係到傾計，仲傾得幾開心
 
搞到我有少少呷醋，的確，如果唔係我係哥哥身邊嘅話，如無意外佢一定會揀Winnie，因為佢比起我，更加襯得起哥哥
 
佢地跳完返黎，我就乘機問佢地
 
「傾得咁開心嘅?」
 
「係呀Chartlotte，講緊妳奶奶d野」
 
「唔?你講奶奶壞話?」
 
「唔係…只係將mock嘅題目話俾佢聽」
 
估唔到，呢兩個認真魔人連跳舞都掛住溫書
 
當我地交換過哂男朋友黎跳舞之後，我就坐低休息下
 
不過…..總有人黎請我跳舞
 
點算?我真係唔知點拒絕人地，所以我就話有點攰，打發左佢走
 
不過我打發嘅唔係一個，而係幾個呢….
 
哥哥坐埋一邊係到笑我，我就扁住咀咁望住佢，於是，佢就坐左係我身邊捉實我隻手
 
「妳唔想同其他人跳舞?」
 
我擰一擰頭「咁…你係到，你係我男朋友，我點可以應承其他人呢?」
 
「傻妹」
 
我係佢耳邊偷偷講
 
「今晚媽咪俾我唔返屋企喎」
 
哥哥聽到後望實我
 
「妳去我到瞓?」
 
「你唔想?」
 
「妳屋企同我屋企有咩分別呢?妳都日日上黎架啦」
 
「哼!冇d浪漫!」
 
「要浪漫?」哥哥講完帶左我出去操場一角
 
「喂呀!出黎做咩呀?」我邊笑邊跟住佢
 
佢望一望我
 
「我未試過係學校錫妳喎」
 
「咁…平時…點錫喎」
 
「所以而家咪錫返囉」
 
哥哥雙手捉實我雙肩，將我拉近佢，然後錫落我到
 
「嗯…..多人呀….」
 
我有少少唇彩甩左係佢唇上
 
「有咩所謂，全部人都知妳係我女朋友」
 
聽到佢咁樣講，真係好甜
 
個舞會完左，我地拖住手搭的士返屋企
 
今晚，我係直接上哥哥屋企
 
除低對鞋，呀…真係舒服得多啦
 
為左更快咁休息，我極速落妝同換衫
 
不過個肚之後又係到叫啦……點算?