我倆的緣份，於半世紀前已經開始: 婆婆嘅契女

下一對，係對，兩個都係婆婆嘅契女
「我係Joanne關樂誼、我係Ivana周家寶，我地兩個都係校長係畢業後所收嘅契女，Jessie係我地同班同學」

「校長，當年我大學畢業之後，不停諗自己嘅道路。但係妳好清楚知道，我係一個唔適合打工嘅人，所以當年妳好鼓勵我同男朋友一齊創業。係我地公司最低潮，好大機會要結業，我就快破產果時，妳託Jessie將學校一張訂單交左俾我地，
好放心咁將學校嘅校服交哂俾我地公司，我地公司今日…已經唔係當初甩皮甩骨嘅公司仔啦，我地終於上左軌道，開埋分公司，多謝妳，校長!!」

「校長，我好記得我大學畢業果日妳同我講，人唔可以留係舒服圈太耐，果時我已經份左政府到做EO。果然真係好似妳所講，我係頭幾年舒服之後，迷失左自己，當我嫁左人，生左仔仔之後，我發現自己冇任何事同仔仔講，所以我聽妳說話，辭左EO，去左幫Ivana手，兩家人一齊捱，雖然真係好辛苦，但係我同先生同仔仔關係比以前更好，多謝妳校長，妳係我地人生嘅明燈，將來妳去到邊，我地都會跟住妳」

然後，台上傳出倩女幽魂嘅音樂，今次真係雪晴姨姨啦，有一年天才表演佢就係唱倩女幽魂，點解佢仲可以著得落套校服架?





「各位，我係林雪晴Karen，林雪凝老師Jessie係我家姐。
校長，我係第一日返學，當年妳仍然係訓導主任，我就俾妳帶左去訓導處訓話，我諗咁耐都冇任何學生試過咁樣。

當年我真係驚到腳都震，因為家姐話過冇人可以係訓導處全身而退，除左Jasmine之外。當年我以為自己係咪好似家姐咁，第一日返學就槓上左妳，不過我入到訓導處之後先知，妳係想鼓勵我。

我由小學一年級開始，就同家姐一樣，係模範生，但係咁多年我都搣唔甩一個稱號，<林雪凝嘅妹妹>。
第一日返學果時，我仍然係著住家姐嘅舊校服，咁多年黎呢個習慣都冇改變過。雖然我地爸爸係一個私家醫生，但係為左屋企財政，我都係默默用家姐嘅舊校服。當日妳叫我去訓導處，二話不說就將兩套全新嘅校服同埋體育服放係檯面送俾我，因為妳一睇到我就知道，我好想擺脫家姐影子，我唔想一世都俾人叫做<林雪凝嘅妹妹>，我曾經想拒絕妳嘅好意，但係妳立即鼓勵我，唔可以一世係家姐背影之後生活，有時候，係需要同家姐爭一日長短，最後，我係AL終於將家姐打低左，我亦都做左家姐做唔到嘅事，獨霸連續7年模範生。

多謝妳校長，當我F.2果時遇上我先生，妳親自去診所幫我說服ba b，俾我咁細個就同男仔來往，多謝妳照顧我之餘，仲幫我照顧我對孖女，校長妳放心啦，佢地兩個已經有人肯要架啦，多謝妳校長」





兩個姐姐有人肯要?係呀!Ivana姨姨同埋Joanne姨姨個仔接收左佢地呀

雪晴姨姨都上埋台，咁下一個一定係…..奶奶