我倆的緣份，於半世紀前已經開始: 感想

不知不覺，女校男生第三代嘅故事又陪左大家半年，呢個故原本冇可能出到

因為個故打到一半果時，有一晚我去踢波，之後同人撞左一下然後昏迷

最後留院一星期

呢個故後半段係我係醫院入邊用紙一隻一隻字慢慢寫，之後再打返落電腦

所以果一星期先咁快過





今次男女主角可以話係最幸福最開心嘅一對。

大家都唔係來自破碎家庭，只係男主角一出世就差唔多冇命者

點解我唔係正文就收手，係都要將佢地故事伸廷到下一代呢...

其實係因為詩敏

佢呢個悲劇女角，係我幾個女角中比較鍾意嘅一個





雖然大家都好鍾意雪凝，但係我比較特別，我好鍾意張詩敏同李慧思呢對母女

詩敏背負住佢媽咪嘅心願，黎到呢個世界，同媽咪一樣愛上身邊嘅男仔，可惜結局都係一樣。大家睇過正文同兩個前傳都覺得詩敏好慘，所以佢值得擁有一個幸福家庭，有一個俾佢蝦俾佢鬧，但係又好錫好愛佢嘅老公，有一個同佢一樣好吧渣又可愛鍾意頂咀嘅囡囡

至於李慧思呢，佢同媽咪一樣，由細鍾意同一個男仔，但係同佢媽咪唔同，佢係不知不覺咁愛上呢個青梅竹馬嘅男仔，如果唔係佢有同學對人有意思，佢自己都唔會爆發出黎

佢同媽咪一樣，咁鍾意幫人，

大家又會問，點解慧思係去左大坑真光，而唔係返英華呢?唔...我都諗過呢個問題。最主要係，慧思讀大坑真光，令到浩翹可以為左佢而走去皇仁，咁樣我覺得幾好，可以暗示左，浩翹好早已經鍾意左慧思，為左佢，返學遠D都冇所謂





而且，慧思讀真光，先可以同英華嘅女仔，佢媽咪D學生決一死戰haha

沙律比佢媽咪更加可愛，所以佢就成為左女校男生中最幸福甜蜜嘅女主角

至於女校男生仲有冇番外篇呢.....

係有嘅....本來想係呢篇到出埋....但係打下打下.......已經成為左長篇，但係如果下個故又圍繞英華女校的話，大家都會覺得好悶，所以女校男生應該會暫停一後時間，大家估下係邊一個啦

各位女校男生嘅讀者，有緣再見