這一晚，有個陌生女孩睡了我的床: 第二十九章

我完全能感受到後面人龍傳來極度讓人毛骨悚然的仇恨目光。
 
先生，你扮型，懶浪漫咁溝女都唔好阻鬼住哂後面啦。
 
我仿佛聽到後面的心聲。
 
「我等妳放工。」我隨意的點了一杯咖啡便回到剛才的位置。
 
坐在這個位置看小白工作，是一種享受。
 


可是，小白不知道是不是被剛才的事嚇倒了，做事開始手忙腳亂，連續不小心的打翻數杯飲品。
 
她有時感到我的眼神，也不好意思的低頭轉過臉去。
 
啊，抱歉，其實我是看得笑了起來。
 
因為她太可愛了。
 
當你等待的事物就在前面，時間其實是很容易過去的。
 


不經不覺，等到十一時多，她終於下班了。
 
我站在門口等她收捨行裝然後出來。
 
她有點緊張的走過來。
 
「點解你......會知道我係到嘅？」
 
「我唔知架，係我行行下，聽見有兩個男仔話入面有個好靚嘅女仔，
 


我一望先知你係入面。」
 
「喔......」她瞇著眼睛望著我說：「喔……望女仔。」
 
「啊……所以真係好有緣份……咁都撞返。」我馬上轉移重點。
 
她聽到後，好像心情沉了下來，喃喃的說：「緣份......？」

她的反應，怎麼好像在否定這一句？
 
我現在的腦海裡有無數個問號，有千萬條問題想問她。
 
我們走在咖啡店附近的一個碼頭，沿著海邊的這條路直行就是尖沙咀。
 
我又想起了我們在尖東漫步的那晚。


 
「小白……曾經有一陌生人，因為佢無屋企返，
 
所以我帶咗佢返屋企，但之係無啦啦走咗，
 
無再搵我，妳……知唔知點解？」
 
她只低著頭的走，沒有回答。
 
「我咁講，好似好怪……因為我地本身識咗唔耐……佢都唔係一定要搵我。」
 
「但當佢第一次粒聲唔出就咁走咗，我先發現，原來我係好驚。
 
好奇怪，我竟然會驚一個識左幾日既人，驚佢走咗。
 


好驚佢出咗咩事，好驚佢有咩困難。
 
好白痴.....我驚到一個人夜晚係街上面，四圍咁搵佢。」
 
她漸漸的轉頭看著我。

「而我，對佢原來係乜都唔知。
 
想搵佢嘅時候，唔知佢叫咩名，唔知佢嘅電話，
 
唔知佢有咩朋友，唔知佢係邊到返工，唔知佢邊到讀書，唔知佢屋企係邊。
 
我以為我地無所不談，但原來我一無所知。」
 
她的眼眶裡開始有淚水在翻滾。


 
「然後佢返咗黎，我當時好想問佢所有野。但佢好似唔想講住。
 
我以為有大把時間，可以慢慢問，所以唔緊要，只要佢返咗黎就好。
 
但佢又走左。」
 
「我先知，佢係專登走。」
 
「我可唔可以知點解？」
 
「我地……其實係咪連朋友都唔係？」
 
「唔好走，好無……？」
 


她終於忍不住眼淚崩塌的哭了。
 
 
 
 
 
 
 
請不要走　別在我面前走