這一晚，有個陌生女孩睡了我的床: 第三十四章

「你醒未啊？」劉華明坐在我的床邊問。
 
「起身啦。」
 
「喂！」
 
「頂你！」他終於按耐不住，一手揪起還躺著的我，捉著我的頸，推我去鏡前說：「你照下自己乜樣？」
 
鏡中的我雙眼滿是血絲、黑眼圈深色的很、臉上滿是密密麻麻的鬚根，跟一個癮君子沒兩樣。
 


「你真係鍾意人，就追佢返嚟，唔係自己一個匿埋係屋企就得，人地就會返嚟。」
 
「你都唔明！」我終於開口。
 
「係啊，我唔明，你最明！明到玩自閉，有屁用啊？」他大罵。
 
「佢根本都唔鍾意我！只不過係玩我！追，追條毛？人地只會笑我傻咋！」
 
我發洩的將枱面的東西全部推倒，忍不住哭了起來。
 


「我唔知佢係咪真係玩你，不過如果你真係鍾意人，你係咪都應該要幫下佢。」
 
他的語氣舒緩一點的說。
 
「幫乜。」
 
「浩軒都唔係好人，咪講過囉，佢好花心，之前玩完Chloe感情，而家又到你個小白。」
 
「佢即使同Chloe一齊既時候，都仍然有幾個女朋友，你就係由佢？」
 


對了，我記起其實好早以前，劉華明已經提過這個人，
 
在我病了進醫院時，他已說過Chloe忘不了一個花心的前男友。

「真係鍾意人，唔係由佢死嘛？」
 
我呆了一呆，卻口硬的說：「佢要死，邊個幫到佢。」
 
「你真係忍心先好，我都唔係好多時間理你，我自己都未搞得掂啊。」他起身準備走。
 
「Chloe……點樣？」
 
我第一次見劉華明如此失落的樣子，完全不像平日嬉皮笑臉的他。
 
「佢話，佢好憎自己，但佢真係忘記唔到，話……不如分手。」


 
說罷，他便走了。
 
我躺在床上，腦海一片混濁。
 
我該去告訴小白，浩軒花心的事實嗎？
 
可是，每當我想到他們在一起的畫面，我的心就很痛。
 
好像有一隻無形的利爪在撕裂一樣的感覺。
 
我又睡著了。
 
就這樣，渾渾噩噩的，又過了好幾天。
 


我始終沒有去找小白。
 
但是，時間過得愈長，頭腦開始冷靜下來，我開始感到有點不妥。
 
腦海中，愈多愈多想法。
 
會不會，小白其實是有原因的？
 
其實還有許多事情未清楚。
 
唉，我不知道。
 
好像在自己欺騙自己一樣。
 
明明她不愛自己的事實放在眼前。


 
「我表咗白啦。」我突然收到表弟的訊息。
 
「點樣？」
 
「佢話一時間，好難接受由青梅竹馬變成情人。」
 
失敗了。
 
其實我也失敗了，不過表弟還是需要安慰的，
 
就在我打「唔好咁傷心。」打算寄出去時，
 
又收到他另一封訊息。
 


「不過佢話，可以慢慢試，由約會開始。」
 
「wow！！！恭喜你！加油啊！」
 
「多謝」
 
第一次收到他的笑容。
 
「係咪照左我教你嘅方法啊？」
 
「有啊，我作左首歌，自彈自唱比佢唱，加埋送詩，不過詩我唔識作，唯有上網搵首暗戀既詩比佢。」
 
「咁佢鍾唔鍾意。」
 
「嗯嗯。」
 
「邊首詩咁勁，sd黎睇下。」
 
「今夕何夕兮，搴舟中流。
今日何日兮，得與王子同舟。
蒙羞被好兮，不訾詬恥。
心幾頑而不絕兮，得知王子。
山有木兮木有枝，心悅君兮君不知。」
 
當我看這首詩時，第一反應是：不是女生跟王子說愛你嗎？他用來向阿茵表白？
 
不過想著想著，又沒差，反正文學很自由。
 
慢著！
 
山有木兮木有枝，心悦君兮君不知？
 
 
 
「......妳……中唔中意方禮賢呢個人？」
 

 
她望著對面車窗，我們的倒像，緩緩道出：「山上面有樹木，樹木上面有樹枝。」
 
山有木兮木有枝，心悦君兮君不知。
 





我愛你，但你不知道。