我成為了她的恐怖情人: 11.撞車

修正shisha

11.撞車

係我仲追緊李曉嘅時候，有一次佢又要想體適能堂嘅時候，因為我哋嗰日係八半堂上到夜晚5:30左右，但佢上體適能又唔夠時間佢返屋企或者去一個好遠嘅地方Hea，所以最後佢去咗九龍公園同朋友M去做gym，然後佢做之前我就求其搵咗個藉口話我轉頭又要出過嚟尖沙咀嗰邊，不如係你做完gym之後去同你食嘢，佢都好快應承咗。

然後我再一次因為承諾達成唔到，因為我架巴士遲咗5分鐘🥲冇得喺九龍公園嘅gym房出邊接佢，最後我落咗車，然後跑左過去佢嗰個方向，因為佢同朋友M行緊，所以冇睇到電話，佢冇覆到我佢當時確實嘅位置，我行到一間轉角位嘅七仔，我發現咗佢嘅身影，然後我就扮

：「乜咁啱呀。」
李曉：「點解你又會知道我喺呢度嘅，你係我個身度裝咗GPS啊？」




：「唔係呀，同你心有靈犀嗎🤓」
李曉：「都唔知你講真定講假。」

然後因為朋友M有其他事要做，所以佢就冇陪到李曉同我一齊食嘢，然後因為李曉覺得要送佢過去地鐵站，所以我哋就向地鐵站嘅方向進發，我哋我哋去緊地鐵站嘅時候，後邊突然之間好似爆炸咁嘅巨響，同埋勁臭嘅臭膠味，仲有一啲漏油，原來一架的士同貨車撞埋一齊，當時我就企係李曉隔離，然後係發生車禍嘅嗰一刻，你曉因為太驚而橋住左我，當時朋友M望到，以為我同李曉有嘢，但事實上係我對李曉有嘢，而我唔知李曉對我有冇嘢。

車禍之後架的士撞埋咗去欄杆，好彩嘅係冇任何人受傷，但條欄杆就嚴重變形，好彩有欄杆，如果唔係一定死人，其實係的士衝紅燈，諗住夠過，然後大意嘅貨車司機，又以為自己過得，又或者就係部的士超速，所以導致今次嘅事件發生。

但今次事件令到我同李曉又有進一步嘅發展，我唔知係好定壞，但係佢發生危險嘅嗰一刻佢橋住左我，用咗我會讓你知道一啲危險，我程度上係佢覺得我比到安全感佢所以佢先橋住我，並且有少少攬住左我，同表現得非常之驚。

自此之後，我同李曉又出多左街，仲記唔記得李曉個IG icon係咩？就李曉拎住左個媽咪雞蛋仔，之後佢因為太想食雞蛋仔，所以就係佐敦有一間叫南角雞蛋仔，買咗又貴又唔好食嘅雞蛋仔，然後我上網係廟街附近發現咗一間媽咪雞蛋仔，並且自己有一次放學去咗，費事7咗嗎。





最後係順利搵到嘅，有一次放學佢同我講佢想食啲嘢，然後我就同佢講我帶你去食雞蛋仔啦，然後我就同咗佢去買，仲記得我教咗佢食雞蛋仔唔使用手掹個雞蛋仔出嚟，而係慢慢用個嘴咬住「騰」出嚟，以前佢食完雞蛋仔要用紙巾抹手，到最後係唔需要，然後又有一次同佢喺佐敦買完雞蛋仔一人一底，我食下佢個個，我又食下佢個個，慢慢咁樣行過去油麻地搭地鐵返屋企。當時覺得我同佢感情進展咗好多。