我成為了她的恐怖情人: 13. 拉人石

13.拉人石

自從李曉有水痘之後，佢所有嘅戶外活動都好似已經停止左，有一個好鍾意運動嘅女仔，變到一個因為生水痘冇得出街做運動嘅一個女仔，見到佢每日都唔開心，亦都冇得返學去見朋友。所以同佢WhatsApp都feel到佢好唔尋常。

然後有一次發生我同佢嘅一次「偶遇」，相信住開沙田嘅都知道邊度孖橋，而我同佢都知道，有一次佢跑步我踩單車然後相約左係孖橋，然後係我揸起手機影咗第一張，我同佢合照，而呢張合照你到而家我都仲有keep起佢，亦都是不是望住當時嘅笑容，係幾咁青春？定係係一個好好嘅回憶。當時嘅我同佢不約而同咁樣着咗紅色衫，仲好記得當時嘅佢post 咗story 話我同佢偶遇，然後亦都話咗我同佢雙子同天秤座係最夾嘅，亦都話咗雙子完全明白佢諗啲咩，好似話呢啲叫開綠燈叫我去追佢🤓

然後我踩單車陪佢慢慢跑左去科學園，跟住佢就話佢要返屋企了，佢叫我繼續踩，當時我都冇諗太多，我就踩走咗，但踩踩下發現佢好似冇飲水，又或者佢冇帶水出嚟飲，最後我一個小食亭嗰度買咗支水動樂俾佢飲，但個問題係佢唔喺我身邊，然後我就好似發咗癲咁樣不停喺度搵佢，沿着我同佢嚟嘅路程，去搵佢。最後都係佢等緊紅綠燈嘅時候搵到佢，亦都俾佢飲咗啖水動樂。

然後第二日返學嘅時候，班上面嘅同學開始留意我哋，可能平視我買早餐俾佢，佢哋都話Carson又買早餐俾李曉啦，佢兩個真係有路啊，大家嘅冷嘲熱諷亦都將我同李曉嘅感情推進左一大步，仲記得當時李曉都好挽得咁樣當住大家面前叫我「寶」，而呢一個「寶」就成為為咗往後我哋稱呼對方嘅方法，亦都係班上邊扮到好似好恩愛禁。





因為佢啱啱好返亦都開始慢慢返返學，我就約佢去行山，佢行一個屬於香港人嘅山，我記得當時我同佢係走堂去行山，當時我同佢一齊走嘅時候班同學又起哄，亦都有啲唔太知內情又好似知內情嘅人，話俾司徒知，而司徒當時嘅眼神係想殺咗我。雖然我唔知咁樣做係咪啱，但最後我都係有同佢行山。

行山嘅時候我哋有一個小回憶，因為當時都係二月左右，天氣有少少涼，但我係一個好大汗嘅人，返學嘅時候我係着咗條長褲，但我書包係帶住左一條短褲，然後一直都冇搵到廁所去換，所以我就喺附近嘅一個叢林換褲！！當時嘅佢仲會識擰轉頭，並且有少少玩味嘅成份，就係扮偷睇，但最後我換褲嘅時候，因為我差啲跌親，所以我叫咗出嚟，然後佢以為我已經換完，佢真係擰左轉頭，當時嘅尷尬值係100為滿分，我諗係有200。

之後一直行一直喺度播下歌，傾吓計，沿途見到九龍塘尖沙咀等等，佢攞起左部菲林機然後影咗張相，嗰張相我到而家都仲有keep住，係用嚟記錄我同佢嘅路程，然後行咗好耐，終於去到獅子山頂，風景好靚，然後我提議喺每一座山都有嘅牌嗰度影相，然後呢張成為我第二張同佢合照，然後落翻山嘅時候我同佢有啲爭執，因為大家都想行埋望夫石，叫做順路去埋，但又唔知幾時開始路已經行錯咗，然後佢話係自己嘅右邊，我堅持自己嘅左邊，但最後佢都係順從我嘅意見，當時佢都唔太想，但最後佢作出左退步。

然後喺行行吓落去嘅時候，因為個書包準備咗行山杖，佢落山嘅時候發揮到佢嘅用途，因為李曉隻腳之前受過傷，所以落山隻腳所承受嘅壓力太大，由一開頭佢唔想用因為覺得好樣衰，到最後佢見到我用行山杖落山落到好輕鬆之後，佢終於屈服左🤓拎住黎行，佢隻腳好似冇咁痛，亦都慢慢慢慢咁樣行落山，

然後就一直談笑風生，我地慢慢行，了解一下佢鍾意一啲咩類型嘅男仔，行返落去水泉澳，但最後都係冇睇到望夫石，然後我打圓場，話將來一定要同佢再去過，但直到而家我同佢都未行到去望夫石。





係水泉澳我哋選擇㕑搭巴士落沙田，因為我同佢都好攰，去到沙田換咗衫之後我哋就選擇咗去瀝源嘅一間茶餐廳，食咗一個蔥油雞扒飯，然後我就好逞強咁樣話每次行完山一定要飲可樂，但其實我個次只係我第二次行山。

然後我同佢嘅里程碑又多咗一個難忘嘅記憶，其實每一次經過獅子山，望番上去都會諗返起當時同佢嘅一點一滴，然後第日返到學校我又繼續比同學抽水，抽得更加之勁。

慢慢決定咗要同佢表白！！！！！！！