我成為了她的恐怖情人: 15. 等待

15.等待

係我等待李曉嘅個段時間，我約多咗佢出去，可能同佢溫下書可能同佢去下做gym，或者又繼續食下糖水，然後會不自然咁樣同佢多咗身體接觸，可能有簡單嘅撘下佢膊頭，搞下佢頭髮咁樣，慢慢久而久之李曉漸漸都冇咁抗拒我去同佢有身體接觸。

總之就係想keep住同佢有好好嘅接觸，都好希望佢話等佢一段時間嘅時候，唔好覺得自己輸咗，又或者呢段感情冇可能，然後唔作出等待。

之前都提到李曉佢嘅身體同埋水痘亦都慢慢咁樣退咗好多，仲記得有一次返學，唔記得係邊個提出話想食一間好出名嘅雪糕舖，然後我就同李曉仲有其他同學一齊去咗，嗰間雪糕舖都好似幾貴，當時仲係學生嘅我已經每日要支付李曉嘅每日嘅早餐。然後我哋就一齊去咗食雪糕，其他人喺唔喺度都唔重要，只要李曉喺度就夠。

仲記唔記得之前，李曉係有keep住做運動，亦都有去一啲恆常嘅練習，好多時同佢練習完之後會去大圍附近嘅一間串燒舖去食串燒，慢慢食食吓老闆都開始記得我哋，有時又會收平我哋有時又會同我哋傾吓計。跟住原來你曉已經同咗佢最好嘅朋友講咗我向佢表白嘅事，而呢位朋友其實一早亦都認識咗我，然後到佢同我哋一齊去食串燒嘅時候佢提點左我好多應該要點樣對待李曉。可能食嘢食到最後一啖要問下李曉你食唔食呀，飲野嘅最後一啖都要問吓佢，可能你要需要俾人做出一個關心，而我亦都知道你係一個好需要人去關心佢嘅人。雖然我冇問太多每次都照做，亦都慢慢同佢去多咗好多次傳銷舖，慢慢呢間鋪你都成為左我同佢之間嘅回憶。





有一次好啦我同過李曉提過，一啲歐美風着間條緊身衫緊身牛仔褲，着Tiger嘅女仔好吸引，然後佢第日就會著咗類似嘅翻黎，非常養眼。

亦都都有一次，李曉練習完無啦啦話想有人同佢一齊食嘢，然後就已經嚟咗我屋企樓下同我食麥記。

好似講咗咁耐都未試過同李曉食一餐正餐，而當時我同佢食嘅第一餐單獨嘅正餐就係一間譚仔三哥，仲好記得嗰日我哋咁岩又一齊着咗牛仔褲，白色衫，白色鞋，完全冇夾過，然後呢一啲都好似話緊俾我同李曉知道，我哋好似心有靈犀亦都好夾。

漸漸地我嘅生活慢慢多咗李曉呢一個人，我亦都冇介意過佢嘅出現，而佢嘅出現亦都改變左我每一晚都會同佢開始FaceTime，慢慢我會攞部手機去影低佢嘅一點一滴。佢記錄一下佢平時係應該點樣同我相處，又或者將來攞返出回憶嘅時候，係有幾咁純真。

我恆常練習完之後，我遇上地去同佢食糖水，然後有一次佢買咗一條Energy bar比我，即刻覺得佢好sweet。