第十一集 借宿一Q

當臨近十點時,餐廳即將關門,我不時望著正門,內心一直等待一個人既出現!

直到關門一刻!阿倩出現!果然出現!但身旁居然有位女伴相伴,當我見到女伴既模樣時,瞬間石化!額頭更流出白汗!

阿倩居然認識阿怡!從二人一直手挽手既程度,關係非常親密,猶如閨蜜一樣。

當May姐在櫃臺算賬時,見到阿怡阿倩二人如姐妹般出現時,同樣出現驚訝呆滯神色,但一閃而逝,隨即笑容滿面地講「咦!阿怡做乜走落來呀!阿倩!乜你地識得嫁!」





「Auntie!你好!」阿倩可愛地點著頭講
「係呀!媽!識左好多年啦,之前我們係琴行學琴識嫁!」阿怡講完隨即走入收銀櫃檯裡。

「媽!我幫你計數呀!」

May姐點著頭,隨即讓給阿怡算賬,係May姐眼中,早就將阿怡視為餐廳未來老闆娘,所以一直教導阿怡處理管理餐廳既事宜。

於是May姐走近阿倩身旁,以複雜又凌厲既目光投向阿倩身上,彷彿已經看穿阿倩依隻狐狸精既陰謀詭計。

「阿倩,過來坐下啦。」May姐用著溫柔又極具震懾力既聲音講





受到凌厲既目光,令到阿倩不敢直視,細聲地回應「哦!」,猶如一個犯錯既小學生一樣,知道即將面臨被老師訓話,低著頭,左右手指互相緊扣著,跟在May姐背後,走到比較偏僻既座位上。

當我發現May姐精心挑選既座位,就知道阿媽找阿倩並非單純聊天,因為依個座位不但遠離收銀櫃,同時遠離水吧,令到我同阿怡都難以聽見對話內容。

由於阿怡專心計算手上既賬目,直到目前,仍未察覺到阿倩與May姐既異樣表現。

於是我走到收銀櫃,找阿怡「老婆!乜你同阿倩好熟嫁咩!無聽你提過既!」

阿怡按著計算機回應著我「Okay!係琴行果陣同一個老師嘛!」




「但無聽你提過既!」

突然阿怡放下工作,雙手挽著我頸部,一對大大眼睛深情地與我對視「老公,我地一齊幾耐呀!都未夠半年,我點講得切之前十七年既所有事你知!係咪!」

「嗯嗯!」

事實的確如此,雖然我同阿怡從小住在同一屋邨,算得上青梅竹馬,但真正在一起,只有四個月,亦因為彼此相識十多年,所以一個月後就發展迅速,展開荒淫既同居生活,縱使同居三個月,亦無可能任何事都知得一清二楚,

但同時我亦感覺依個世界實在太小,阿怡居然認識阿輝既表妹,而且認識多年!如此一來,阿怡到底知唔知阿輝就係阿倩既表哥?

於是阿怡再次拿起計算機算賬,我亦悄悄往May姐與阿倩既座位前去。

當我走到二人附近時,發現阿倩雙眼通紅,眼乏淚光,一副非常委屈既模樣。

於是我走到二人面前,正想質問阿媽時,May姐先聲奪人,立即以煩躁既語氣向著我講「你好得閒咩!你走過黎做乜呀!」





「媽呀!你搞乜啫!搞到佢阿倩喊囇咁!」

「佢又唔係你邊個,你咁緊張做乜!你未來老婆係果邊呀!」講完隨即將目光投向收銀處。

依番說話並非單向講我聽,更刻意將『未來老婆』語氣加重,令到阿倩臉色更難堪,更難過。

與此同時,我望向遠處既收銀櫃,幸好阿怡並無聽見,立即放輕語氣地講「媽呀!咁大聲做乜呀!係咪想搞到阿怡知呀?」

「呵!你家下知驚啦!」May姐雙手抱著胸講
「⋯⋯⋯!」

正當我思考如何處理時,忽然阿倩向著May姐講「Auntie,就算阿偉唔會同我結婚,我都唔介意嫁!我一定會令怡姐接受我,同時又唔會破壞佢地關係。」

「⋯⋯⋯⋯⋯!」





當阿倩講出依番偉大既愛情宣言後,我同May姐瞬間呆滯!無語!
從阿倩既說話中,明顯打算將來阿怡做大,佢做小,但我卻從未想過依回事!

「你到底知唔知自己講緊乜呀!倩!你依種叫衝動呀!衝動是魔鬼呀!你家下仲細,遲D或者,過多幾年,你就後悔嫁啦!」

阿倩雙眼除了淚光,帶著堅定,自信既眼神望著May姐講「唔會嫁!我一定唔會後悔嫁!」

當我見到阿倩如此堅決既愛情觀,忽然間覺得佢或者真係已經愛上我,但對於我來講阿倩只不過見過兩次面,應該談不上喜歡或者愛,昨晚係廁所承諾係我女朋友,歸根到底係責任,因為破左佢處,所以想負責任,但事實上我並無任何計劃或者打算將來如何安置阿倩,只係見步行步。

當阿倩講完後,May姐瞬間又無語,亦唔知如何繼續說服阿倩。

突然間阿怡走向我們座位,向著May姐講「媽!D數計好啦!」

「嗯!」May姐隨即站起來





「媽,阿倩呢,屋企裝修呀!想係我度住幾日呀!好無呀!」

May姐驚訝地「下」一聲,隨即一對凌厲既目光停留係阿倩身上。

我亦同樣感到不可思議!阿倩完全屬於主動出擊類型。要知道我同阿怡相識十多年,拍拖一個月後,才展開同居生活,但阿倩只不過第二次見面,已經主動出擊,與我展開同居生活!到底阿倩搞乜呢!

阿倩瞬間低頭,不敢直視,但阿怡手挽著May姐,一把嬌柔撒嬌聲音「媽呀!阿倩好慘嫁!佢爸媽已經唔係度啦,平時已經無人陪佢傾計嫁啦,俾佢住一排啦。」

「我無話唔俾,但你同偉訓邊先?」May姐

正當阿怡望著我,思考如何分配時,阿倩急不及待回應「Auntie!我訓廳得嫁啦!」

阿怡尷尬地望著我「唔好!老公呀!不如你訓廳啦!」





但依刻並無人察覺May姐一副沉思表情,當我隨意地回應「是但啦⋯⋯我都無乜所謂既!」,忽然間May姐平淡地回應一句。

「唔好!女仔人家,點可以訓廳嫁!阿倩今晚同我訓!」

「下!!!」我同怡倩三人異口同聲地講

May姐眼神隨即橫掃我們三人,最終停留係阿倩身上,更疑惑地講「做乜呀?同我訓,好失禮你咩!」

我發現阿倩眼神中流出失望,但搖著頭講「唔係!唔係!我唔係咁既意思!咁Uncle⋯⋯點算呀!」
May姐平淡地回應「訓廳囉!」

若談失禮,何止唔失禮,更係榮幸!

要知道May姐貴為茶餐廳界既女神,在觀唐區不知幾多咸認伯父,甚至年輕人一代都想與依位身材火辣人妻同床共枕,覆兩翻雲,不過依種機會永遠唔屬於佢地。所以對於只係見面兩次既阿倩,能夠同May姐同床共枕,絕對非常珍貴!
莫講阿倩,就連阿怡跟我同居三個月,都從未試過同May姐同床。

不過阿倩內心當然唔覺得同伯母May姐同床共枕,有幾難得,反而覺得依個伯母相當麻煩,事事都監管著。

對於阿媽精心安排,我同阿倩當然明白固中因由,但阿怡並唔清楚內情。

「媽呀!要爸訓廳點得嫁!不如同我訓啦,我地又可以傾計,係咪先?」阿怡又再次施展撒嬌軟功,嘟起嘴巴地講。

面對著阿怡撒嬌,May姐絕對係無法抵抗,阿怡未嫁入門,May姐已經迫使阿怡直呼『阿媽』,可見阿媽對於依位未來媳婦既重視及滿意度絕對爆燈。

當May姐猶豫不決時,隨著阿怡不斷地搖晃著手臂,鐵石既心腸亦隨之溶化,溫柔地講「唔⋯⋯好啦!好啦!」

聽見May姐答應後,阿倩難掩內心既喜悅,瞬間表露出來,但被May姐發現後,瞬間收斂起來,再度低著頭,令到阿媽更加肯定阿倩依隻狐狸精來借住目的。

於是我跟May姐處理好所有工作後,四人一起回家。

沿路上,阿怡同阿倩手挽著手,並肩而行,阿倩比阿怡矮幾公分,令人感覺更似一對姐妹,而我同May姐緊隨其後。

幸好深夜時份,若然大白天,任何男仕見到此場此境絕對會站下來觀摩一番,甚至拿起手機拍攝,縱使依兩小一大美人衣著普通,毫無性感可言,但憑著佢地嬌俏既面孔,禍國殃民既容貌,隨便拍一張都足夠係網站呃一千幾百萬個Like。

回到家後,我立即進入房間,執拾一番,但發現房間早已執拾,而且阿倩既行李亦在地上,原來阿倩早就來過。

由於May姐阿怡全晚緊在身旁,一直都找不到機會與阿倩單獨聊天,我實在太多問題需要阿倩為我解答。

「老公呀,我去沖涼先!」

當阿怡進入浴室洗澡時,等左一整晚,就係等待依個機會,隨即將房門關上。

此時此刻房間裏只剩下阿倩同我,我急不及待拉著阿倩坐在床上。

「你好野呀!明明識得阿怡,尋晚又扮唔識!你到底仲有乜野瞞住我嫁?」

「呵!有好多野瞞住你嫁!你想知邊樣!」阿倩一對大眼睛望著我,擺在一副古靈精怪表情講

「你⋯⋯⋯!」當阿倩唔願意講出真話時,我有點生氣,但當見到佢可愛既表情後,我又無法抵抗。

忽然間阿倩雙手捧著我臉,整個臉靠過來,更以柔軟既聲線講「你今日下午去左邊,你知唔知我係鋪頭等左你成個鐘啦。」

下午?我瞬間想起下午時分,我正在鍾太家後樓梯監視May姐。

「下!我⋯⋯!」

當我猶豫如何解釋時,忽然感覺到一片柔軟既嘴唇貼上我嘴唇上。

依刻我腦海一片混亂,當阿倩既舌頭進入我嘴裏時,我情不自禁地配合起來,二人開始濕吻起來。

「咳咳!⋯⋯咳咳!咳咳⋯!」

當我同阿倩忘情地濕吻時,但耳邊不時傳來奇怪聲音,但都無阻我倆熱情既濕吻。

直到出現敲門聲!『咯!咯!咯!』

我們望向門口位置時,我同阿倩立即瞬間分開,只見阿媽站在門前,臉上毫無任何表情,但卻全身上下散發出可怕既氣息。

「媽!」「Auntie!」
我同阿倩二人低著頭回應。

May姐雙手抱著胸,將聲線壓到最低,嚴肅地講「你知唔知你地做緊乜呀!阿偉!!我當你原本唔知佢係阿怡既姐妹,家下你知啦,你仲好意思搞佢?阿倩!!你明知阿偉係阿怡既男朋友,你點解仲要搞佢?你地點解做事唔諗後果嫁?你地兩個有無諗過,阿怡知道左有幾傷心?」

我同阿倩低著頭,不敢回應,因為May姐講既係事實,係道理,根本無從反駁。

「媽呀!你下次入黎先,可唔可以敲門呀?」我忍不住講了一句

「呵呵!你個衰仔仲意思講敲門!我敲左幾多次,我望著你地兩個咀左超過十秒,你地先發現我!如果我唔入黎,你地已經準備搞野啦!係咪?到時阿怡入黎,仲唔俾你地激死!」

被May姐一口氣既說話責罵後,我倆二人更無話可說,為了令May姐停止,我低著頭離開房間,返回大廳。
已有 0 人追稿