【純愛】想要成為你的一半: 第二十章
處理完兒女私情後,我全心全意投入訓練,Lue Sir也驚嘆為何我整個人脫胎換骨似的。
「你痴左咩線,成個人唔同哂,爽左咁多,應射則射,應傳則傳,開左竅呀你?」
「你上次提左我,我有認真諗過,唔好太癡波,格硬死爆爛爆,我返到去睇下啲分析片,自己再落場試練下,搞搞下好似打好左,哈哈!」
「過幾日有場波要打啦,你keep到呢個水準,我俾你打正選!」
「我會比心機㗎喇。」
經過上次的慘痛經歷,我決定改進自身的打法,多作無球走位、接球投籃,掩藏弱項如持球突破和低位單打。
我還練成一招新技能:Westbrook的僵屍跳投,當然沒他跳得那麼僵硬,那麼快,不過應該可以一戰。
我和呀文的配搭也日漸純熟,他廣闊的球場視野加上我獨到的走位令進攻更立體,也替跳投不穩的他製造更多突破空間。
中途休息時,我和呀文閒聊。
「下場有無信心啊?」呀文問我。
「Ok嘅,唔知叫唔叫Chloe黎睇好?」
「有女朋友撐場,你條友爽撚死啦!」
「都未係,佢話我要入5球3分先應承我喎。」
「你同我定,我實猛咁做波比你!」呀文拍拍心口。
「你真是我的好兄弟!」我用古天樂腔的普通話說。
「兄弟做一世,幾時都撐你架啦,你屌鳩呀Nick都係咁話。」
「屌!連你都知,今次死硬啦!」
「無事嘅,有條友得罪左全世界,邊得閒搞你吖。」
「咁都好啲。」我倒抽了一口涼氣。
「又估唔到你咁夠薑屌佢。」
「不嬲都唔妥條狗公㗎啦,仲要想同我爭女,仲唔屌柒佢!而家都無幾何見到,我仲會怕佢!」
「做乜最近見親你都咁有火。」
「唉…人大左,諗諗下唔想咁樣成世睇人面色做人,做返自己仲開心。」
「你都啱嘅,唔趁而家後生任性下仲等幾時。」 於是我就決定了叫Chloe來看我比賽。
「好野,有得睇你出醜,好期待呀!」
「搞錯呀,連你都想我衰!」
「咁我唔想你條柒頭做我條仔呀嘛。」
「邊到你唔想,我實做到架!」
「睇下點!」
正式比賽的日子終於來臨,這一戰將會影響我未來的人生,我絕不能輸!