我回頭一望,原來係我舊同學阿 Joe,阿 Joe中三未讀完就移民咗去美國,一直住響矽谷,聽講佢父親係電腦工程師,投資咗間 Start-up,而 阿 Joe就入咗間私校讀中學,上年畢業後,竟然考入咗 UC,我剛剛到步,當然由阿 Joe 全程接待啦!  

我身高有178,香港人算OK,阿Joe比我仲高,有182,阿Joe係陽光型男孩,濃眉大眼,樣子算是俊朗靚仔,應該迷死唔少女,我就比較書生型,眼大面尖又冇乜肉。兩個大男人大家互相擁抱之後,阿 Joe 帶我去停車場攞車。一路上見到大都是中國人面孔,三藩市果然人傑地靈,華人特別多!阿 Joe話 Bay Area 大約四分一人係 Asian,當中華人佔一半左右,咁講廣東話咪得囉?點知阿 Joe話我間大學響鄕下,見鬼多見人少,叫我自求多福!  

講下笑下,終於見到佢架車啦!死仔包,竟然係Porsche 911 turbo!好彩我行李少,如果唔係都唔知點放上車!睇嚟佢生活得唔錯,我初來報到,人生路不熟,有佢照住應該好好多!  

轉眼間已經在高速公路上飛馳,加州天氣十分好,藍天白雲,空氣清新,佢開咗車蓬,我帶上太陽眼鏡,一路沿途欣賞三藩市風景,那一點點離愁別緒都已丟到九霄雲外了!  

阿 Joe 十六歲就已經考咗車牌,呢架車係佢老爸送畀佢嘅十八歲生日禮物!「你應該第一時間考返個車牌先!」阿 Joe 突然同我講,「考車之前要學車呀!學車難唔難?」「易過借火!呢度人人要開車,冇車慘過冇女!你仲要開銀行戶口,申請 Social Security,買保險,一大堆嘢要做,我已經幫你寫咗個 List,你自己𢴇生啦!」我呢個老死都算唔話得啦!  



我地沿住101公路向北,過咗 Bay Bridge𨍭入80公路,再行大約十五分鐘市區就到阿Joe 屋企,阿Joe 話開車去我讀間鄕下大學要開多一個多鐘頭車先到,今晚先響度過夜!阿Joe住響一棟十幾層高嘅 Condo,咁高嘅大廈響香港很普通,響 Bay Area就十分鶴立雞群!原來又係佢屋企買畀佢住嘅,佢阿爸話當投資喎,返正畀租,不如供樓!阿Joe 嘅單位係頂樓三房全海景,地下停車場有兩個車位,當我地返到屋企,竟然見到有個著住件鬆身T-shirt,件衫長到落膝頭哥嘅女仔響屋企,「Hello,呢個係Nancy,呢個係我香港同學兼老死阿偉,阿偉,你當呢度係自己屋企就得啦!」我有啲尷尬「Hi Nancy,唔好意思打攪你地!」阿偉呢個時候一路推我入房一路話「嗱呢間係你今晚瞓嘅房,我間房就響隔離,厠所響呢度,牙刷毛巾乜都有,你休息陣今晚出去食飯!」入到房佢就同我講「Nancy 係尋晚響朋友屋企開Party先識,你唔洗理佢同佢講咁多,佢roommate條仔飛咗過嚟玩兩日,佢住 Studio唔方便,我咪收留佢囉!今朝五點幾先到,你又早機,我放低佢就即刻嚟接你,點呀?夠朋友吓?佢今日會響度住一晚咋!」我當場O咀,唔知點反應!睇嚟佢要我留一晚都係為咗溝條女多啲!  

由於時差關係,我最終頂唔住瞓咗幾粒鐘,瞓醒已經下晝五點幾,出到客廳,Nancy睇緊電視,佢仲係著住今早件T,阿Joe就唔知去咗邊,咁樣我點都要同佢打下招呼,「阿joe個衰仔去咗邊呢?」Nancy申咗個懶腰「佢返咗學校交Form攪Registration,十分鐘車好快返呀!佢話今晚同你去食串燒,你可以沖涼先,可以用你房隔離個廁所。」我呢個時候先有機會睇清楚Nancy,單眼皮面尖尖皮膚十分白,長髮長腿,最攞命係件T入面係冇帶Bra!我細佬竟然有反應,為免尷尬,我轉身即刻去沖涼降溫! 
已有 0 人追稿