一個香港留學生在美國的生活: 療傷

我一個人已經攞住四個大袋，Amy自己又攞咗兩袋，興高采烈咁行樓梯上去，Amy住三樓一個一房Apartment，今次係我第二次嚟佢屋企，呢個Apartment唔算大，八百尺左右，一房一廳一廁加個開放式廚房，一個女仔住啱啱好！  

放低啲袋，我企響門口「點呀？又好似上次咁雞咁腳走？」「哈哈！唔係！」咁我唯有除鞋，「Sorry我屋企冇拖鞋！」「唔洗啦！行地氈好舒服！」之後行去客廳隨意咁參觀，我四圍望，間屋佈置雖然簡單不過充滿歐陸風味，可能同佢家庭背景有關吧！牆上掛滿旅行影嘅風景相，絕大部份都係西歐國家「我媽媽有一半法國血統。係美籍法國人。」Amy響我睇影嘅時候同我講，「不過我媽媽香港長大，後來我哋一家先回流住響Seattle。」「但係點解全部都係風景相，冇人嘅？」「我放咗響房入面！等陣比你i睇！」Amy響雪櫃攞咗兩支187ml嘅細支裝Moët & Chandon出嚟，連杯都冇，打開蓋直接飲！「咁樣飲Champagne嘅女仔我都係第一次見！」「你係唔係要Champagne Glass？廚房有！」「咁又唔洗！」Amy都飲得咁豪放，我冇理由扭扭零零！187ml其實等於一杯，三兩啖已經飲晒！酒精落肚人就自然放鬆好多！  

Amy棟起對長腳打橫挨住張梳化邊望住我，而我就坐響梳化另一邊。「點呀！不如話我知點解一個人走咗去Joe度住？同小詠嘈交？」Amy終於問我，我沉默咗一陣，我唔想講，亦唔知點講「如果唔想講可以唔講，我多口問下姐！」「其實你都估到啦！」「分咗手？「咁又未，我未決定點處理。」「順其自然啦！免強冇幸福嘅！」「咁你呢？點解又一個人陪我呢個受傷的男人？你男朋友呢？」「同你一樣，住事不堪回首囉！」「你又分咗手？」「乜嘢又分手呀！冇分手，不過同你一樣，未決定點解決姐！」「咁我哋咪係同是天涯淪落人？」「咁就要慶祝下啦！再飲！」Amy又去雪櫃攞多兩支Moët出嚟，我地又係成支飲！  

呢個時候Amy將佢對長腿伸咗過嚟「行咗成日，對腳好攰，幫手按摩下！」「嘩！你未沖涼㗎！」「嫌我臭呀？」跟著一腳伸落我塊面度！我一手捉住佢隻腳，用手隔著條運動褲輕輕咁按摩小腿，Amy合埋雙手眼，「你可以留底陪我嗎？」Amy問，「其實係你陪緊我！」「你唔怕咩？」「怕咩？應該係你怕我多啲！留個男仔響度！」Amy聽到我咁講，大大力一腳踢落嚟，我用手捉住佢隻腳掌，再用力將Amy拉過嚟，跟著我爬上佢身上面對面咁望住佢，好快Amy就主動咁同我嚟個濕吻，我從未試過咁近距離接觸Amy，口水嘅味道同身體嘅體香十分迷人，我一邊沉醉於熱吻，雙手不停響佢身上面游走，當我正想伸手入佢件衫度嘅時候「等等先好唔好？玩咗成日未沖涼呀」「咁不如一齊沖？」我笑笑口咁問！Amy「我可以Say No咩？」於是我起身抱起Amy直入佢嘅香閨。