一個香港留學生在美國的生活: 邀約

第二日一早起身，同平時一樣，只有我一個人早起，食完早餐我就出門返學校，今日約咗Aaron食晏，仲有幾日就開學，我仲未買齊書，諗住返學校Bookstore買完書先。開學前幾日Bookstore都係人山人海，以住我每年都會一早買好哂書先開學，今年冇準備會去玩咁耐咁遲先返，唯有同其他低年班新生一齊迫排隊買書。  

成間大學差唔多三萬人，畀盡佢呢間Bookstore最多可以容納三百人，百份之一嘅機會，咁都可以畀我見到熟人！就響我排隊嘅時候，我竟然見到Addie同佢男朋友一齊買緊書！自從上次上完堂之後我地再冇機會見面，一來我出咗阜，二來放聖誕假唔洗上堂，其實我返咗嚟係應該同佢補鐘，過兩個禮拜佢就要考琴，不過當我真係見到Addie同Kevin嗰一刻，心入面總覺得有啲唔自然，話哂我食咗佢隻豬，畀咁大頂帽佢男朋友戴！  

正當我回味緊同Addie破處嗰一刻，Addie同Kevin行過嚟，「阿偉，又見到你！響學校成日都碰到，真係有緣！」「咁啱呀！你同Addie同我一樣，咁遲先買書！」Kevin好主動咁同我打招呼，我望一望Addie，佢完全好似平時一樣，冇表現出唔同，其實係唔係所有女人都係咁，背住自己男朋友偷食完仲可以咁自然扮冇嘢？Addie就話「我地之前讀Winter Course太忙，依家買唯有同人迫。」「我已經買哂啦！依家排隊等畀錢。」「係呢，我係唔係要考琴前上多兩堂？」「隨便你啦，其實你已經Ready，不過如果你想補多兩堂課，你要早啲講喎，Piano Room D，要早訂，啱啱開學唔知個schedule點。」「不如你嚟我apartment上堂啦？」「Huh，方唔方便啊？」「得我同個Roommate。」「你話事啦！」「如果唔係就去你度，你屋企一定有琴！」「我屋企就唔好啦！唔太方便！」「係喎！你同女朋友一齊住！」「到我畀錢啦！再約啦！」Addie無啦啦竟然提起我同小詠一齊住，搞到我都唔知應該點反應，唯有哈哈笑兩聲帶過！  

單單排隊已經要半個鐘，四堂課買咗六本書，畀完錢放返上車先再行去食飯，去到Canteen啱啱好十二點，Aaron已經坐咗響入面。我去買咗個三文治加杯Coke，「食咁少嘢？等陣我約咗Joey做Gym喎！」「你又冇約我！」「你唔得閑咩？」「今日唔去啦！你同Joey玩得開心啲啦！」「嘩！上咗人就唔理人！」「邊個話你知我上咗Joey？」「若要人不知唔好咁低B！我早就知你同Joey啲嘢啦！」「Joey講你聽？」「你唔好理我點知！」「咁你點知？」「嗱嗱嗱！原來你真係上咗Joey！」「屌！你Chok我料！」「喂！講嚟聽下？你幾時上㗎？」「好似你扑Joey多過我好多喎！」「咁大家交流下啦！今晚食飯呀？一齊啦！」「唔得閑！」  

正當我同Aaron食飯吹水吹到一半，我見到Addie同Kevin都入咗嚟食Lunch，我遠遠同佢地揮手打招呼，「識嘅？」「係我鋼琴學生。」「男定女？」「你今日做乜咁八排掛？」「關心下你姐！話時話，你同小詠點？純粹炮友？」「好朋友兼炮友得唔得？」「Joey又係你炮友，你究竟有幾多個炮友？」 「喂！唔好講住啦！我學生過緊嚟。」  



Addie同Kevin坐響我地隔離張檯，大家互相介紹之後，Addie就問「阿偉，頭先仲未同你confirm，係唔係下禮拜響我考試前補多一到兩堂呀？」「可以呀！禮拜四兩點得唔得？」「可以呀！咁不如你嚟我屋企教啦？係就約實啦！」「都可以嘅！」「咁好啦！電話聯絡！」我地又傾咗一陣，Aaron同我先離開。「Kevin係真純情定係扮懵呢？」「點解咁講？」「佢條女擺明同你有嘢啦！」「你又亂噏乜呀？」「響自己條仔面前約你去自己屋企喎，仲要眉來眼去！擺明同你有路啦！老老實實，你有冇上過Addie？」「唉！你真係越來越女人！我車響另一邊，你去揾你嘅Joey啦，Bye！」  

我冇理到Aaron直接去咗攞車，個腦一直響度諗起Addie同Kevin，Aaron又冇講錯，我其實有啲想同Addie保持距離，話哂佢有男朋友，我又係佢教琴老師，如果出事手尾會好長，不過欲望又戰勝理智，我始終冇拒絕Addie邀請我去佢屋企教琴。我一邊胡思亂想一邊開車，正當我由停車場轉出大路嘅時候，我又見到小詠同個白鬼仔一齊行去Dorm嘅方向，今次仲係繞住手！