一個香港留學生在美國的生活: 收樓

送咗Amy返佢屋企後，我返返去Joe間Condo。禮拜六一早九點，Joe就打電話嚟「喂，起身未？我依家出車，十點到，等陣見啦！」其實我一早七點已經去咗做Gym，啱食完早餐返嚟，沖涼換咗衫就出門口去新Condo同Joe滙合。今日三藩市天氣非常之好，藍天白雲，咁嘅天氣，我間屋個View應該好正。入到大廈大堂，個保安認得我，打咗招呼後同我講Joe已經上咗去，當我等𨋢嘅時候，個墨西哥仔保安阿叔：「你個單位裝修真係快，你朋友仲裝修緊，仲有幾個月先完工。」「哦，你係指我樓上Ms Heather間屋？」「係呀，不過佢間屋咁大，多啲時間係應該嘅。」𨋢門打開，我冇再同個墨仔八掛，不過我都好有興趣想睇下佢間屋裝修成點。  

去到自己單位，一出𨋢就見到大門冇閂，我直接行入去，入面𢴇拾得好乾淨，見唔到裝修師傅，不過就有兩個墨西哥妹做緊吸麈清潔，Joe就同個判頭響廚房入面傾緊謁，我打咗個招呼就自己四圍睇，成間屋基本上係Move in condition，傢俬電器一切齊全，廚房浴室乜嘢都冇，只係要買生活用品，再𢴇幾件行李就可搬入嚟。呢個時候Joe行咗過嚟「點呀，滿唔滿意？廁所由地下瓷磚雲石枱面馬桶花酒全部都係歐洲入口，全屋地板係加拿大實木，電器傢俬大部份係你自己揀，其他就係個PM幫你買，唔啱可以換可以退。嗱，客廳呢個位照你吩咐留空放你個大琴，你要唔要我安排公司同事幫你搬埋過嚟？」「唔洗再煩你啦！你已經幫咗我咁多，搬琴呢啲嘢，要揾返Piano Mover去做，普通搬運工人唔識搬會整壞個琴㗎！搬到入嚟仲要Tune琴。」「唉，咁叉煩，你自己攪掂啦！咁你幾時先搬入嚟？」慢慢啦，螞蟻搬家咁每個禮拜搬啲搬啲，入面間屋我打算賣哂啲傢俬之後出租。」「Uncle Auntie呢？佢地唔係過嚟睇你畢業咩？」「五月尾囉，五月廿六Commencement呀，你會唔會嚟？」「一定到！」「我讀埋個Summer就會正式搬出嚟。」「入面啲樓冇乜升值潛力，不如賣咗佢好過。」「我又唔等錢洗，間屋又冇mortgage，咪放響度囉！」「咁你自己決定啦！嗱，呢兩條係新嘅門匙，個門鎖係今朝先裝嘅。」「唔該晒，你自己留一條啦，冇乜事你都有匙入屋。」Joe當然冇所謂，我同佢都有大家嘅屋匙做後備。  

中午同Joe兩個去咗Embarcadero食晏，Joe「你申請咗Practical Training未？你要揾移民律師去攪H1B，咁我阿爸公司先可以幫你轉綠咭，攪得嚟都要兩三年起碼。」「我未有律師，你有冇介紹？」「等我問下阿爸再話你知。」「咁係咪我畢業之後先響Uncle公司做住Intern先？」「你有冇興趣同我一齊拍擋搞地產投資？」「等我跟你阿爸學兩三年嘢先啦！」「我阿爸百足咁多爪，又投資又地產又做Tech，你想做邊樣？」「地產啦，我興趣大啲！」「咁我同阿爸講聲，應該冇問題。」  

食完飯Joe就返屋企，我就利用呢兩日嘅時間買新屋日用品，床單被套，一間新屋要買嘅嘢真係唔少，有好多舊屋用過嘅又唔想帶嚟，尤其係同小詠有關嘅嘢。到咗禮拜日下晝，要嘅嘢已經買晒，阿爸阿媽過到呢都可以舒服咁住。𢴇好屋同背囊，準備開車返入大學城，去到𨋢口等𨋢嘅時候，我發現樓上好似人開工裝修緊，樓只有兩個Penthouse ，其中一個係Heather，好奇心驅使下我決定上去睇下