一個香港留學生在美國的生活: 國慶

2003年嘅夏天，由於香港爆發沙士，包括我在內，好多人都取消咗返香港嘅計劃。七月四日禮拜五，美國國慶長假期，自從認識咗阿成同小諾，Weekend開枱基本上成為我地嘅習慣，今個禮拜都唔列外，我地約咗響Joe屋企BBQ同開枱，除咗阿成小諾兩個，仲有Aaron Lisa，David 同Maggie。Joe響後園開爐燒嘢食，班女仔就響泳池游水，我同Aaron David 阿成就打台灣牌，Aaron「唉，本來依家已經響香港玩緊！」David「你估淨係你咩，我同阿偉咪一樣！」阿成「我本來都冇打算返香港，不過我阿爸阿媽就有影響，佢哋冇得過嚟探我哋囉！」我「其實我可返可唔返，我返去主要係幫我細佬買嘢，佢八月結婚，我會去多倫多。」阿成「你細佬仲細過你，咁早就結婚？」我「Aaron咪仲早，大學一畢業就結婚！」Aaron「做乜又燒埋我度！」阿成「咁你阿爸阿媽咪去唔到個Wedding？」我「我屋企人早幾年已經移民去咗英國，其實佢地依家就住響多倫多，所以冇影響，唯一影響係響香港嘅親戚嚟唔到囉，不過我細佬都冇打算大攪，個Party可能得三四十人左右。」David「咁你幾時去多倫多？」「八月初啦，Wedding響八月第二個禮拜。」  

「喂，仲有幾分鐘食得啦，唔好打住，幫手開飯！」Joe響外邊大叫，Aaron「點都要打埋個西啦！仲有一舖！」David「你唔比我冧莊嘅！」呢個時候，Maggie佢哋上咗水用手巾抹身行咗入嚟，Lisa「點呀，邊個贏呀？」阿成「你老公同David囉，阿偉應該打個和！我一家輸三家！」小諾「嘩，你唔好輸哂啲家用問我攞！」阿成坐響我下家，小諾從後面攬住阿成，今日係我第一次見到小諾著泳衣，雖然係一件頭，不過一啲唔輸比三點式，身材窈窕雙腿修長，一對32B嘅乳房壓響阿成身上，最吸引我眼球嘅係佢對長腿同十隻腳趾，結果就係因為分心望女，最後呢舖出銃比Aaron！  

我起身伸咗個懶腰「好啦好啦！唔好打住，我去浸陣水先，外邊成九十度！」響客廳有冷氣，外邊後園就好猛太陽，依家仲未夠六點，太陽仲未落山。Aaron「我都游陣水先，咁鬼熱！」於是我就除咗件T恤行去泳池，我哋一早都準備好游水，所以都係著住件T恤同游水短褲，當我行過阿成同小諾身邊，我有意無意咁赤腳踏響小諾腳背，「Sorry，唔好意思踏到你。」「唔緊要，又唔痛。」小諾好似唔知道我係有心抽佢水咁，對我笑一笑就算，跟著我跑去泳一個飛身跳入水。  

冰冷嘅池水令我冷靜一下，我竟然對小諾有興趣？話晒係阿成同居女友，過兩年就結婚，我點可以做啲咁嘅嘢呢！估唔到嘅係，十幾年之後小諾竟然仲記得我踏佢隻腳呢件事！  

幾個男仔入面只有我同Aaron有玩Gym，身型自然比David阿成好，David係有Baby Fat肥肥地，阿成就書生型，高高瘦瘦，結果當然係我同Aaron成為全場女仕焦點。過咗冇耐食物已經準備好，我地八個就一齊響池邊食，Joe又開咗幾支靚酒，我地一直玩到差不多十一點先各自歸家！當我準備開車嘅時候，電話響起！