一個香港留學生在美國的生活: 婚禮（6）

禮拜日下晝兩點，教堂音樂徐徐響起，演奏呢首Pachelbel Canon in D係Addie響佢教會嘅兩個姊妹鋼琴同小提琴合奏，教會牧師企響講台中央，穿禮服嘅Kevin同佢伴郎企響牧師左邊面向教堂入口，Kevin伴郎叫David，係Kevin個Roommate兼Best Friend，同時亦都係Julie男朋友！我望住呢兩個頭戴綠帽嘅男人，呢一刻真係想笑出嚟！Addie前日畀我屌完，David女朋友尋日同一日畀我同佢Best Friend屌，大家又唔知大家偷食。尋晚Julie響我房留到九點先走，根據Julie故事版本，佢同Kevin 響半年前開始第一次，之後差唔多每個禮拜都會偷食。 

 

一對大約四五歲嘅花仔花女進場之後，就係Julie呢個Maid of Honor, 今日佢著咗套好簡單嘅粉紅色一字肩長裙，手上揸住一束粉紅色色鮮花，白色高踭鞋，慢慢咁行響教堂紅地毯上，氣質同尋晚完全係判若兩人！Julie行到牧師右邊，音樂就改為Wedding March，同一時間所有賓客都企晒起身面向入口，Addie就響佢阿爸挽住手一齊行入教堂。講道到證婚，整個婚禮前後唔夠一個鐘，之後就係影相合照，賓客中我認識嘅人唔多，全部都係大學叫做見過下面，朋友都算唔上，跟本冇興趣同班唔多熟嘅人一齊影大合影，我又坐響靠後嘅座位，於是就趁人多混亂成機早走。 

 

其實早走我都冇地方可以去，酒店房今朝早退咗，行李都𢴇哂上車，諗住今晚飲埋餐喜酒就直返屋企，睇吓錶，三點未到，餐館又未Ready，禮拜日好多地方都冇開門，Mall又冇嘢行，咁我唯有坐喺車度瞓覺等食飯。我架車泊咗響餐廳後面，瞓咗冇耐就有人敲玻璃，原來係Julie，「你做乜唔影相就走咗呀？」「啲人我都唔識，影相就算啦！你又做咩咁早走出嚟？」「我要去餐館準備Setup，你冇嘢做不如幫手搬嘢啦！」「又搬？好攰啊！不過有靚女陪，勉為其難啦！」「口花花，落車啦！」要搬嘅嘢其實唔多，大部份夜晚要用嘅嘢一早放咗響我間房，今日朝早又已經由我間房搬咗去餐館，Julie車上嘅係啱啱響教堂用過嘅相呀花呀咁，其實唔係好多嘢，行咗兩轉就搬完。同Julie一齊先去餐館佈置嘅仲有一對年輕男女，應該都係教會教友，睇個樣都係情侶。「佢哋兩個會Setup個Reception Area，我入去新娘房𢴇好啲雜物，等陣Addie仲有幾套衫要換。你冇嘢做就幫手將啲Program每一張枱放三份，紅酒白酒每枱每樣一支。」Julie講完唔等我反應就走咗去間新娘房。兩箱酒水同Program早就放響Reception，個場唔大，得嗰十張枱，我唔洗五分鐘就放好哂。睇吓錶，四點半，望下門口Reception Desk，嗰對Couple仲setup緊張枱同佈置佈景板。再睇吓四週，只有兩個老伙記坐響廚房門口吹水，於是我行去後面個Storage，即係個臨時新娘房，睇吓Julie攪緊乜。