一個香港留學生在美國的生活: London (5)

呢一覺瞓到第二日十點，我同陳皙差唔多時候瞓醒，佢坐咗起身望窗外泰吾士河嘅早晨「好漂亮，你們香港人真懂享受。」「倫敦是很漂亮，今天特別難得天氣好，又有太陽。」冬天嘅倫敦大多數日子唔係天陰就係落雨，日短夜長，其實都幾Depressing。「我中午有堂，夜晚還要上班，要走了。」「你要不要先洗澡？」「方便嗎？要不我可以回家洗，我還有時間。」「當然方便，你用走廊左邊的洗手間吧，等一下我們可以一齊出門，我有事情要處理。」好快我哋兩個沖完涼，Heather仲未起身，我留低張字條話佢知我會出去幾個鐘，我就同陳皙一齊Call Taxi送佢返ChinaTown，大家交換咗電話就各自分開。 

 

響ChinaTown就有滙豐，我處理完銀行嘅嘢之後，就買咗外賣返屋企，返到去差唔多兩點，Heather啱啱起身沖涼，「我買咗腸粉粥同埋炒麵，你沖完涼就出嚟食啦！」放低啲食物響枱面，我哋入廚房雪櫃攞嘢飲，轉頭Heather已經包住條毛巾行咗出嚟，「嘩！真係好一起身有嘢食，我已經好肚餓！」「琴晚仲食唔飽？」「仲好講，你兩個衰人，搞到我而家下便仲有啲痛咁！」「有冇咁嚴重啊？使唔使俾我睇吓？哈哈！」打開雪我先知道原來雪櫃係乜都冇㗎，於是我倒咗杯水畀Heather，我同Heather講「等陣要出去超級市場買返啲嘢食放喺雪櫃，間屋太耐冇人住，乜嘢都冇。」「咁今晚出去食定係屋企煮啊？」「出去食啦，你今晚想食乜？返去食間日本麵？你好冧條仔喎！」「黐線嘅咩？咁難食！」「叫你食條仔，又唔係食麵！」「我冇你咁好氣！不如今晚食扒？」「咁你有有介紹？」「不如去Devonshire，又近我屋企，順便你可以陪我去Shopping，不過我要返屋企換衫先，之前兩套衫都污糟哂。」「咁食完換衫返你屋企先啦。」 

 

Steward同Heather住響Mayfair一楝維多利亞時代三層高嘅獨立屋，四千幾尺，絕對係豪宅中嘅豪宅，我冇入屋，只係坐喺的士入面等咗十分鐘左右，Heather換咗套衫，仲攞咗個背囊，因為之後幾日Heather都會住響我度。「New Bond and Clifford please.」Heather 叫的士司機直接送我哋去Shopping Area。 



 

每次同Heather Shopping都係唔錯嘅享受，佢去到邊度都係VIP，服務自然好，不過洗錢就真係好似倒水咁，短短兩三個鍾就簽咭簽咗十萬鎊！「咁買法會唔會有啲過分？」我有啲好奇咁問，「我又唔係簽你張卡，你肉痛Stewart？」「我只係覺得奇怪佢又由得你簽。」「你估佢哋冇畀其他女人簽佢張卡咩！佢玩佢嘅我玩我嘅！」買完佢想要買嘅嘢，佢就叫咗個Sales幫佢送貨返屋企。 

 

我睇吓錶，差唔多七點，我訂咗七點半枱，「買完就去食飯，你想叫車定行路，呢度行去餐廳十分鐘左右。」「行路啦！叫得車嚟都到咗啦！」難得今日天氣好，入夜雖然開始凍，不過起碼冇雨，禮拜二嘅夜晚街上行人唔多，過咗兩個街口就到餐廳，Devonshire係一間歷史悠久嘅英國Pub，啤酒同Grill Steak都好出名，「你點會知道有間咁嘅Pub？好少女仔會留意咁舊式飲啤酒嘅英國酒吧。」「呢度咁近我屋企，平時我都會同朋友嚟。」「男性朋友？」「又關你事？」「八卦下姐！咁我唔係度，你都要搵人陪啦！」「係女仔朋，你估個個好似你咁係女都啱。」「邊個話㗎！我淨係對好似你咁高質嘅靚女先有興趣。」呢個時候，我電話響起。