有女仔寄宿咗喺我嘅頭到！: 2

「咁你宜家明未？仲有一開頭咪話咗我宜家係你個身入面囉，至於準確位置就係喺你個頭入面，因為個屎咁啱跌咗落你個頭，以至於我個靈魂入咗去，同埋鏡入面嗰個人就係我，其實仲有我可以變翻啱個樣嘅，你仲有冇嘢想問？」雪講。
「唔...好似冇，吓，話說嗰舊石係屎嚟㗎，我仲以為係石仔嚟，咁你又係咩身份，點解會喺舊屎入面?」零問。
「其實我係守護者嚟嘅，至於咩係守護者，你當係好似係湊細路嘅工人或者老師咁，係細路大個之前喺適當嘅時間幫佢咁囉。」
「哦...咁你嚟我身就係幫我？」
「其實入你身都係咁啱啫，本身諗住附身喺隻雀仔度睇吓有冇啲天賦值高嘅人，點知附咗喺條蟲度，畀雀仔食咗，搞到我要休養幾日，好彩我靈魂強度高，如果唔係我就要翻去。不過你資質都唔錯，但係點解你個靈魂好似有啲唔同?」
「有咩唔同?唔通係勁啲?」
「未知住，要再睇一睇，不過以你資質都有可能嘅，話說你平時易唔易頭痛，成績差唔差?」
「易呀，逢親我做重要嘢就會勁頭痛，如果唔係我就唔會叫零啦！話說你既然可以附身咁可唔可以幫我解決，而且你問呢個問題做咩？」
「冇，問吓啫...」





零感覺雪好似有啲奇怪，不過佢冇問咁多，因為同佢唔係咁熟，而且每個人都有佢自己嘅私隱。
此時雪心諗唔通零佢擁有嗰樣嘢，要唔要同佢地講呢，不過得三次機會去聯絡佢地，算啦，都係睇多陣先啦!