有女仔寄宿咗喺我嘅頭到！: 11

放學後賢就畀咗篇罰抄佢，然後講咗句「記住我餐飯」。
之後零就拎好哂啲罰抄，然後獨自上路，如果喺佢背後睇，就會畀人有一種遠離家鄉嘅感覺。
『咯咯咯』零敲一敲對門。
「入嚟啦」Miss Ko把靚聲響起。
「畀你」零攞嗰五篇罰抄畀Missi。
「唔...話時話冇見你兩日，你好似唔同咗喎」
「吓，邊度？」『唔通修練會靚仔啲』
「你嗰人好似勁咗」
「邊度」
「全部」




「Missi唔好咁讚我啦，我會唔好意思㗎」零臉紅紅咁講。
「.......」
「errr...」零見missi似笑非笑咁望住佢，佢就覺得一身唔自在。
之後佢地一路dead air，氣氛有點尷尬。
「算啦，你最近係咪有啲機遇」
「咩呀...」
『點解個個人都好似會睇穿我咁』佢同雪講
『好明顯佢都係武者啦』
『吓...又係武者』
『唔信你問吓佢』




零心諗既然雪都叫我問佢係咪武者，即係話畀佢聽都唔緊要。
「Missi你都係武者嚟㗎」
「噢...係呀」Miss Ko有啲愕然零會直接問佢。
「咁Miss Ko你咩修為呀」
「唔...你知唔知直接問人咩修為係好冇禮貌」
「吓...係呀...對唔住呀Missi 」
「唔緊要，話畀你聽都唔緊要，我係凝神境」Miss Ko見零宜家個表情咁得意，忍唔住笑道。
「哦...即係咩」零一臉茫然。
「即係修為分十個階段，靈動，築基，玄天，凝神，雷劫，法則，領域，天尊，分神，天道」
「哦...原來分十個階段，我都係啱啱先修練」




「係呢，你係咩屬性」
「咩屬性?」零又一臉茫然。
「即係水火土金嗰啲」
「吓...我唔知喎」
「哦...下次我帶你去一個地方幫你check check」
「好呀」