入到房,老細仲係到食梗個杯面,睇佢食得咁急,睇嚟真係幾肚餓,仲要食到索索聲咁,行到埋枱都食完咁滯,然後飲咗淡咖啡。不過我真係好彩,一個杯面加支茶就換嚟對住老細嘅幾個鐘。


「嚟,坐e到。」老細放低手上嘅咖啡杯,指一指枱前嘅客用辦公室櫈,然後慢慢執開枱面上亂晒嘅文件同埋紙張,騰出枱面上嘅空位,而我都識做咁即刻放低手上嘅file然後坐低。


「做到邊?」老細單刀直入,同樣,都係嗰把有氣勢到殺死人嘅語氣。


我隨即打開file同老細講我啲進度,老細都好專心一路飲咖啡一路翻閲佢手上嘅文件。我見佢係到揭文件,又好似冇乜留意我,我都忍唔住一路講一路偷睇老細個樣。




同啱啱瞓到淰一淰嘅老細唔同,食咗小小野加杯咖啡後,老細個樣精神咗,睇落又變翻日頭嗰陣咁靚,個妝雖然好似淡咗,話晒都過咗一日,但係睇落有種自然美, 白晢嘅面上一點瑕疵都冇,就好似劃出嚟咁。一眼掃落,個嘴上仲黐住咗啲咖啡漬,老細竟然唔記得抺嘴哈哈。


正當我睇到入晒神嘅時候,老細突然抬起頭,死啦,佢又望到我𥄫佢啦。


「咩事,做咩停咗?」




原來我掛住睇老細個樣,唔記得咗我係到匯報梗我份proposal。經過咗e兩日,我唔可以唔承認,我的確係成日俾老細個樣吸引住。


「老闆你....你個嘴上有....有啲咖啡漬啊.....不如....不如抹咗佢啦,嗱。」雖然有啲嚇親,但係我嘅急才令到我隨機應變能力極高,我係褲袋入面攞咗包紙巾出嚟第俾老細。


「啊....」老細都好似發現自己唔記得咗抹嘴咁,急忙接過包紙巾抹乾淨翻個嘴,無奈抺完都仲有啲漬黐住咗係佢下巴位置。




「仲...仲有小小係下巴啊老闆。」我一邊指住佢下巴咖啡漬嘅位置一邊細細聲咁講。


「仲有?邊度?你過嚟......過嚟幫我...我唔知邊度.....」老細好似有啲怕羞咁講。


「幫你抺.......抺嘴。」老細e一句我真係完全估唔到,唔講我仲以為係發夢。


老細拎張紙巾俾我,然後坐前少少第番面埋我e邊,佢郁嗰下又問到嗰陣淡淡嘅玫瑰香,唔知點解我好似愈嚟愈熟悉e隻味咁,明明佢只係我老細。


我接過張紙巾,小心翼翼咁慢慢抹去老細下巴嘅咖啡漬,當然為咗睇清楚,我都有少少第個頭埋老細到啦hehe。




就係咁,我地兩個塊不知不覺咁貼近咗,其實咖啡漬一早抺完,我只係想近距離望多老細幾眼,佢又好似以為仲未抺完咁,因為我張紙巾keep咁郁,除咗撞落佢到嗰次,都冇第次同老細距離咁埋啦。

近距離一睇,老面上好似有啲淡淡嘅紅暈,唔知係怕醜定咩呢,老細身上嘅香味比之前更濃,我都忍唔住細細力咁索咗兩下。


不過e啲咁唔自然又老土嘅技倆老細好快就feel到唔妥,佢即刻縮開小小望住我,而我又嚇到望住佢,冇錯,又係眼神接觸,就係咁,我地對望咗幾秒。


不過今次唔知點解我冇縮到,反而係老細成塊面咁縮開咗。


「啊吔.....!」就係老細縮開嗰下,佢個身撞瀉咗枱上嘅咖啡,瀉到成枱同我個身都係。