女神老細係我女朋友: 第五十二章

『景霖唔做老細其實係咪可以嚟我到住？』我今朝同景霖係屋企嘅情景不禁係我腦入面浮現，令我覺得如果朝朝早都可以俾景霖叫醒，同佢一齊逼入廁所等等就好，但係諗諗吓又開始擔心我自己有冇咁嘅能力照好景霖。。。


翻到公司樓下，我同景霖都好自然咁前後腳上樓，係車到我忍唔住問起全叔。


「全叔啊，你覺得我可唔可以照顧到景霖。。。」


「做咩冇啦啦咁問？」全叔拎個身過嚟望住我。






「其實我同景霖一齊咁耐，我都冇諗過未來我地嘅事，自從一齊耐咗之後我好似冇諗過我地身份嘅差距。。。」


「身份差距？」全叔個樣聽到一頭霧水。


「景霖係我老闆，而我係員工，其實我係咪配唔上佢？加上而家景霖好大機會會冇咗佢而家個位，我驚到時我.....」






「到時你咩啊？」全叔打斷咗我。


「乜你覺得景霖似係啲會睇唔起人地家境嘅女仔咩？」


「唔係......」






「咁咪係囉。全叔我雖然唔清楚你地時下啲年輕人有咩煩惱，但係我同你講景霖佢唔會因為你照唔照顧到佢定點而唔同你一齊，我睇得出阿景霖真係好鐘意你，你都唔想冇咗景霖㗎係咪？」全叔e句好似當頭棒喝咁打醒咗我，我又諗起尋晚景霖同我講嘅嘢。


『同你一齊就咩都得啦。』


我突然成個人好似清醒咗咁。


「唔該全叔。」我同全叔講聲唔該之後就落車翻上公司。


「細強。」我上到公司見到細強打聲招呼，埋位後習慣性咁轉身望下景霖間房睇下佢，但係景霖唔係房到。







「咦老細呢？」我跣張櫈埋去問細強。


「啱啱好似有個阿嬸咁嘅人同幾個大粒野叫咗老細入房。」細強一路咬住塊多士一路同我講。


「阿嬸咁嘅人？」唔會係伯母卦？


「做咩啊，咁關心老細嘅？」細強用好奇嘅語氣問我。


「冇啊......好奇下咋嗎。」我扮到冇事，其實心入面好擔心。







「唔洗扮啦，我知道你同老細一齊咗好耐啦。」細強笑住咁同我講，好似踢爆細路仔講大話咁樣。


「你。。。你點知㗎？」我都冇謂掩飾。



「唉，做咗你咁耐同事，你成日就同老細前後腳咁翻嚟，又前後腳咁走，落到樓下我又見過你上老細車，傻嘅都知啦。」



「喂細聲啲啦。」我係細強枱面攞起塊多士塞落佢個嘴到令佢收聲。







俾細強咁樣講一講，我當堂成個人心跳加速，心諗會唔會全公司嘅人都知道咗我同景霖嘅事？



係諗到e到嘅時候我抬頭透過玻璃門就見到景霖同伯母就係對面會客室入面。