女神老細係我女朋友: 第五十九章

番到公司

我同景霖立即入到房搵伯母問佢究竟咩事

「廢話我唔多講啦，阿女，我想同你講，而家爸爸既公司面臨緊好大嘅危機，如果我哋冇新嘅資金注入，我哋到時就要宣布破產，間公司就會比股票行強制交比持有我哋公司最多股票嘅人，爸爸同阿媽奮鬥幾十年既心血就會毁於一旦，而呢個人好大機會就係之前同你一齊拍拖嘅Edward，阿媽本來見到你之前咁嘅表現，其實真係唔放心將間公司交俾你，但而家咁樣既情況，我真係冇晒辦法啦真係逼不得已要將個難題交俾你處理，如果到時間公司真係冇咗咁我都冇嘢好講了，順其自然了，不過都希望你唔好令我失望」伯母好緊張咁對住景霖，吓！原來係Edward


「張志明！我諗你都知，我個女之前咁樣比男人呃，我已經唔會再信男人，但依家我冇曬辦法，只好將間公司再一次交比阿女，由佢黎振興家業，既然阿女咁信你，我亦都只可以再信阿女既眼光一次，但因為之前Edward件事，我要你應承我三個條件，如果唔係，我係唔會俾個女同你一齊，我寧願間公司冇咗，都唔想佢再承受多一次被男人背叛嘅痛苦」伯母突然用好凌厲嘅眼神望住我，搞到我心都離一離，但係同時間我見到有一線生機可以光明正大咁同景霖一齊






「係咩條件？」我都好心急咁問伯母，話唔定拯救公司會係得到伯母既認同


「第一，我要你係兩個月內幫助景霖渡過今次嘅危機令到公司起死回生。」嘩！呢個會唔會太難呀

「第二，渡過危機之後間公司你永遠都唔會有份，公司只可以屬於景霖同埋我，你仍然都係一個公司嘅小職員」嘩！！呢個會唔會太苛刻呀......

「第三，亦都係最重要嘅一點，睇你嘅造化啦，如果你可以喺公司渡過危機之後用半年嘅時間升到經理級，而且仲可以幫公司回復到景霖爸爸時期嘅規模，咁第二個條件就此作廢，我俾你同我個女行埋一齊，而且亦都會將間公司交俾你兩個。」半年來升經理，仲要發展到全盛時期嗰陣，邊到得呀......超人黎都搞唔掂啦

「如果你應承嘅話就簽咗呢三個條件嘅協議，如果唔簽既話，你就同我離開景霖，永遠唔可以再同景霖見面」吓，我一聽到要同景霖分開，心裏面一萬個不願意






「我...................」但係面對着咁苛刻嘅條件，我要點做呢？