————————
霖媽

柴灣華人永遠墳場

我攞起溪錢,抹走係墓碑上嘅灰塵,瀚天我都好耐冇黎探你啦

「呢次都冇好消息帶比你,你既心血可能冇啦」眼淚令到我既視線變到模糊不清,突然雙腿冇力跪在墓前面

與此同時,有兩名神秘男子向霖媽方向走近



「我真係唔知除左旨意個女之外,仲可以做啲呀 」越講,眼淚流得越快

「Ann姐! 真係你,好耐冇見啦,攞張紙巾抹左啲眼淚先啦」一把好慈祥既聲音

「Ann姨」一把小朋友既聲音

我接過紙巾抺抺眼淚,抬頭望向講野既人,究竟係邊個 ?原來係Bryant同埋佢個仔?!

「你地點解係度出現?我地都好耐冇見, 計返起自從喪禮之後就冇見過啦」



「我係特登黎搵瀚天,想帶個消息俾佢」Bryant答

Bryant既語氣好沉重,我一直係旁邊聽住佢對住翰天墓碑講既野

原來個女同張志明已經做左咁多野,但係我.......

突然有樹枝跌落黎,Bryant即刻擰轉身攬住個仔

而樹枝跌左落去Bryant膊頭



「呀! 曉鋒你有冇事呀?」Bryant摸住曉鋒個頭問

「冇事呀,有爸爸係到,我點會有事呢」曉鋒笑住講

呢一刻我腦海閃過張志明曾經對我講過既說話

「 但係你作為佢阿媽,唔單止冇係嗰個時候支持佢,而係走去美國,到佢識錯咗個Edward先翻嚟鬧景霖,你又覺得自己冇責任咩?而家公司業績跌,你覺得景霖想?佢有幾大壓力你知唔知?而家一見到你自己個女唔係安慰鼓勵佢,而係質問佢,你點做人呀媽?」

冇錯.......我的確冇做好呀媽既責任........冇保護個女......反而咩都旨意個女.......

我匆忙咁同Bryant,曉鋒道別之後,就打電話

「喂! 叫美國果邊既同事一番工就同我開視像會議!」 我打比秘書



一番到屋企,鞋都冇除,就入房開視像會議

「今日去到呢度,好好地咁準備計劃書,聽日我會搭飛機返黎」講完就結束視像會議

我望一望個鐘,原來已經凌晨四五點

呀女仲未番黎,睇怕係去左張志明到過夜

我攞起電話諗住WhatsApp呀女

「呀女 」send左比佢

「媽咪對你唔住呀,冇好好保護你,到公司出左事淨係識話你,可唔可以比次機會比媽咪呀」猶豫緊係咪要send比佢

突然呀女個狀態變左在線上



「?」呀女send過黎

我即刻刪除左訊息,自從Edward件事之後,我地兩母女心裏面都有條刺,再加上張志明果番說話,搞到我唔識再同呀女溝通

————————
黃景霖

我黎到公司媽咪間房

我好自然打開門口入去坐係櫈度既竟然唔係媽咪,係Edward?!

「咦,霖豬番黎做咩呀? 間公司唔係你架啦喎 」Edward非常囂張

我擰轉身開門就走,公司既走廊突然變得好長,走極都走唔完,突然仆親,跌咗係地下,冇力再企起身



我擘大眼,深呼吸,原來只係一場夢
擰轉身望住呀明,佢訓得好冧,我慢慢將佢隻手攞開,走左去廚房飲水

一邊飲水一邊思考

媽咪話有個人追擊我地公司,呢個人好有機會係Edward 再加上今日黃伯心口張卡片

「Edward Lam」

仲有今日呀明叫我做豬,令我諗返起以前Edward當初都係對我好好,但後來只係為左錢而接近我...........

我攞起電話打開whatsapp,諗住睇下其他同事進度如何

「我地已經聯絡左佢地,佢地話考慮下」細強send左係公司group



「呀女」媽咪send過黎

「?」我好快咁覆返佢

一瞬間,媽咪off左,我望住手機兩三分鐘
始終都係冇再上線

「媽咪係咪有事?」

但我好快刪除左,唔通我又做錯野?
自從上次俾Edward呃完,但佢淨係怪我,之後我地好似冇咩聯絡,唉,算啦,都係番去訓

係呀明懷抱下 好快就訓左