自從發生個件事之後,我地為咗補救所以日日都OT到 八-九點先收工

所以我同景霖二人世界既時間都少咗。

呢段時間因為景霖每日都會同同事一齊OT,再加上我用景霖既名義請同事食晚餐或者幫景霖準備定啲小食,所以佢同同事嘅關係都變愈來愈好

見到有呢一個轉變真係好開心。

「噹 !」突然有個WhatsApp彈起,我望一望,係Sandy呀!我即刻攞起手機



「志明,你而家得閒去商場傾推廣嘢?

「好」

我WhatsApp同景霖講聲要去商場一轉,就攞起外套就跑到樓下截的士去商場

「景霖我有嘢要傾,要去商場

去到商場,已經見到Sandy同緊幾個工作人員傾緊野



「好,個Banner要係當眼位置,而且大得黎顏色要吸引。」Sandy見到我跑過黎

「Sandy!」

「Hi, 呀明, 之前叫你搵出問題既根源,仲有將整個處理問題過程公開,做成點呀?」Sandy好似仲心急過我

「原來係公司啲人做架,佢已經比景霖炒咗啦,仲有我地諗住將清潔商場既過程擺上網,俾市民知道我地處理問題既方法」

「好呀!咁我呢邊諗住請明星返嚟做一日店長,咁當日要咁...咁...咁」Sandy詳細咁將解決方案同我講,仲有叮囑我



「好....知道.....我地會全力配合....」我一邊聽一邊點頭

Sandy同我一路行一路傾推廣細節,而家傾都差唔多完個陣

「係呢,轉頭一齊食飯?」Sandy有啲怕羞咁問

「un.....」我唔知點答好,我要返去陪景霖

「要陪女朋友?唔緊要啦,下次啦」

「其實都得既.....」我已經唔係幾好意思拒絕,因為佢為咗解決呢個危機做咗咗多嘢

「好呀!有間餐廳我想食好耐架啦」Sandy一聽到我答應就好興奮,成個人都好似電量100%

去餐廳途中我WhatsApp景霖



「今晚應該返唔到黎食飯呀,你同呀媽食啦

於是我跟住Sandy去到餐廳,餐廳裝修堂𤾗,之後先知原來呢間係米芝蓮一星餐廳。

「志明,你睇下食咩?」Sandy坐低之後問佢

「好呀....un....」我都係第一次黎,望住餐牌上面嘅菜式,有啲不知所措真係無從入手。

「不如我幫你揸主意啦」Sandy見到我咁疑惑,唔知我食咩好

Sandy叫左個套餐同一支紅酒,我地成晚既話題都係圍繞住當時中學既事同人

「你仲記得呀...中學果陣...咩...咩...呢」



「記得....係因為......」我地兩個都傾得好投入,好耐冇好似今日咁放鬆啦

嘢食都食完,我同Sandy既話題開始由中學變成傾到大家嘅現況,紅酒都越飲越多,而Sandy塊面都越來越好,好似有少少醉

「係呢,點解你又會同你老細拍拖既?」Sandy既眼神開始變得迷離

「吓,妳點知到既?」突然俾佢咁問,我都有啲驚訝

「好難知咩,你當我傻㗎咩.....咁細個就接手爸爸間公司,咁出名」Sandy開始傻笑

咁又係既,再加上佢做PR點都有search公司背景

「乜係咩.....」我都有啲尷尬

「不如埋單囉」



「好呀」好在Sandy冇再繼續傾落去

去到門口

「妳得唔得架?我送妳啦」我見到Sandy好似企唔穩

「得啦,你番去啦」Sandy笑住揮手叫我走

「好」我擰轉身走

「喀...喀」我擰返轉頭見到Sandy係馬路邊嘔左出黎

「妳點呀?我送妳返去啦,你而家住邊架?」我即刻行過去扶住Sandy



「....逸東酒店...唔該你呀....志明」Sandy係手袋搵緊紙巾

原來Sandy而家住係逸東,唔知係咪同佢分手有關呢,唔理啦!送佢番去要緊

「的士!」我伸手出馬路截的士

「妳慢慢啦」我扶住Sandy入的士,等佢坐好我先再上車

「咁好啲」Sandy將個頭挨住我膊頭

「妳頂住呀!」佢個樣睇落好唔掂

一上到房,成房都有一陣好甜嘅味,我扶住Sandy入廁所

「你嘔出黎啦,會舒服啲」我keep住輕輕拍Sandy既背脊

「喀.......水...呀」

聽到之後,我即刻出去攞水比Sandy

「水到!你妳慢慢啦,唔好濁親呀」嘔完既Sandy應該好口乾

「妳點呀?有冇事呀?」

「我要換衫呀,好污糟」Sandy嘔到件衫都有啲污漬

我係衣櫃是但找左幾件衫遞比Sandy

「唔該....」

換好衫之後,Sandy係廁所出黎,成個人都好唔掂,面青口唇白

「妳有冇好啲呀?」我即刻過去扶住佢

「好咗好多啦,扶我返上床」雖然佢講話好返好多,但係一睇就知佢仲係好唔舒服

我扶住Sandy返上床,等佢訓低幫佢冚好被

「志明你返去啦,費時女朋友擔心」Sandy係咁叫我走

「好啦,我走啦」我見Sandy都好似冇咩事

返到屋企門口,我慢慢打開,屋裏面漆黑一片,突然我間房有一道微弱嘅光,原來景霖由門隙偷偷地望出黎

「呀明,你返黎啦」景霖慢慢係間房走出嚟,走到背後,幫我除咗西裝褸

「係呀,好攰呀,我沖涼先啦」我擰轉身,雙手搭着景霖膊頭,低頭錫左景霖額頭一啖

我沖完涼出黎,大門開左,見到我部手機開著左,我攞起手機發覺轉左去Whatsapp介面

「志明今晚多謝你陪我食飯,仲有陪我返酒店

仆街!會唔會比景霖見到,亂諗啲乜嘢,我追出門口

「景霖!景霖!」我落到樓下大叫