女神老細係我女朋友: 第八十六章

因為太想快啲返到香港，我一早去到機場。上到飛機，望住飛機窗口，真係好想景霖係我旁邊，我真係好掛住佢呀。

「本班航機已經到達香港，歡迎再次乘搭.......」廣播

一聽到廣播，我即刻執起公文袋，企起身快步行去出機艙。快速搵到自己班機嘅運輸帶，拎埋行李我就可以見到佢啦。運送帶不停轉轉轉，啲行李逐件逐件出嚟。但一值都未到我呀！！！

「出黎未呀.....屌......」我忍唔住講咗句，趕時間呀大佬！

等多陣終於到我啦，拎完行李我就出到黎即刻打俾細強





「喂細強，我返到黎香港啦」

「好，照計劃行事啦」

「一陣見」

我收線之後，上咗的士，去到青馬大橋對落嘅沙灘，細強已經係沙灘等緊我。

「明哥，你要既嘢係齊度啦」細強將手中一個大袋遞比我，





「麻煩你啦」我要細強幫我保管好行李，佢就離開咁沙灘

我係個袋拎出帳幕同LED燈，開打帳幕將LED圍住帳幕一圈，再將紅玫瑰花準備好，真係好緊張呀，好想快啲見到景霖，好想攬實佢，好想佢真正成為張太。

「老細已經上咗車啦，明哥加油呀」我收到細強既訊息

我不斷深呼吸，將要講既嘢係腦海中講十萬九千次，但真係好緊張呀。

係返黎之前，我叫細強幫我帶景霖黎呢個沙灘，因為之前講過好想係度睇日落、睇星星，但之前我地太忙，所以就一直冇嚟到。






冇幾耐，我就見到有個身影漸漸行過嚟，應該係景霖過緊黎。我合埋眼數一、二、三！之後一野禁著LED燈。係漆黑既沙灘中，我成為唯一個發光既野，我見到景霖既身影愈行愈近。我緊張到仿佛聽到自己既心跳聲。

「呀明？你返黎做咩唔同我講，仲有你約我係度做咩野？」景霖好疑惑咁望住我，而且慢慢走近我，我個心跳得越嚟越快，快到就快跳出嚟，景霖既樣愈漸漸清晰。

「景霖！我有嘢想同妳講呀！」我緊張到連大細聲都控制唔到

「係，你講啦」景霖好似知道係咩事，笑住咁望住我

「um......我知道自己冇......其...他....人...咁...有...錢....um.....」

景霖繼續望住我，個腦跳曬掣，原本諗住講好浪漫既野，但到真正呢刻，我一句都講記唔起，個腦居然一片空白呀！

「但係我想比幸福妳！」我單腳跪低，向景霖遞上紅玫瑰花，我手都震埋





「呀明你.....」景霖接咗紅玫瑰花之後暗住個口，好似想喊咁，雙眼有淚光咁望住我

「你願唔願意嫁俾我呀！」我係衫袋攞咗隻戒指出黎，舉向景霖

「我願意呀！」係我一直一直都想聽到既一句呀，今日我終於可以由景霖口中講出啦。

景霖烏低身攬住我，我感覺到佢身體都輕微地顫抖著。我都攬住景霖慢慢起翻身，將戒指帶到景霖既無明指上

「張太！」

「張生！」

黃景霖終於成為我正式既張太，我願意同呢個女人過一世，照顧佢。雖然經歷咗咁多，但可以同到佢一齊，係我最幸福既事。而救返公司之後，景霖都遵守承諾加全公司同事三成人工

至於Edward，由於uncle有大量資金注資，令到股價上升，Edward唔夠資金收購。其後有人傳言，佢買期指輸到仆街，最終破產........






——————————
一年半後

「哇哇！哇哇！哇哇！」

「老公，BB又喊啦」景霖拍我

「知啦，老婆」我錫左景霖一啖，之後死死氣落床

「知啦大佬，幫緊你幫緊你」我單手抱住佢，另外一隻手開緊奶粉

單手用匙羹畢奶粉入奶樽，再開水，不斷磨擦奶樽，最後用手試溫度，呢個步驟我已經重複咗唔知幾多晚





「老公，點呀？」景霖係間房出左黎諗住幫手

「你返去訓啦，聽日仲要工呀」我望住景霖呢段日子都冇覺好瞓嘅樣，唔忍心叫佢幫手

「最抵錫都係你，好啦，聽日煮早餐俾你食啦」景霖錫左我一啖就返咗房

「BB.....你瞓～啦」我細細力拍住BB背脊仔，幫佢掃背，順便哄佢瞓覺

望住BB不知不覺間再次諗起係教堂既時候，我係媽咪手上接過景霖隻手，景霖穿起白色既婚紗，手執鮮花企係我旁邊宣誓，真係好靚，靚到我一生都唔會忘記。

BB瞓着咗覺之後我都返房

「老婆，辛苦妳啦」我細細聲咁講，講完之後錫咗景霖額頭一啖

由於我長期冇幫小志明著衫，景霖好快就有咗BB，係生完BB之後，只係休息咗段短時間就繼續返公司，因為我地不斷擴展公司業務，當年我地用盡全力既氣力救返生公司，所以要食住個勢。





不過好彩有呀媽幫手湊住佢粒孫仔，咁樣我地先可以安心做嘢，結婚之後既景霖，比起之前更加吸引，多咗份成熟。當年既求婚情形成日比佢拎黎笑我，個陣緊張到語無倫次。好彩當時冇放棄追佢，再努力得到媽咪既認同，今日先有個靚老婆，我會同景霖一直幸福快樂咁樣過.....

望住景霖既睡相，我都慢慢訓返.......