「轟啊!」一發清脆的炮彈聲從城牆上發出。

「兄弟們,上啊!」你只能從耳旁聽見微弱的聲音。

突然,幾發箭從你身旁快速地經過。

「哇,做乜野啊?」你發現自己正身處一個戰場上。於是你馬上跑到軍營找羅傑斯隊長。

你衝進兵營,看見留着灰白色頭髮,身穿鮮紅色鎧甲的羅傑斯隊長正在盯着地圖研究戰況,「隊長,我地唔係一個禮拜之後先同佢地打過㗎咩?」你問隊長。「唉,布朗斯帝國嗰班賤人喺尋日夜晚冇啦啦偷襲我地,我地依家處於苦戰。」





「唔係啩......」你在心中抱怨了一聲。「隊長咁我行先喇。」你向隊長告辭後便走出了軍營。


你返回自己的房間,你看見一把長劍和盾,於是你把這兩樣裝備都拿走。

你走出房間,人們都在爭相走難,人羣中有一對母女跌倒了。

「你哋要快啲離開依度啊!佢地就嚟打入嚟喇,快啲走!」你對着那對母女說,一邊帶她們去到避難所。「唔該晒你啊士兵大哥,你快啲去保衞我哋嘅王國啦,我哋喺度好安全。」那母親說。

你在避難所看見很多受傷的士兵和無家可歸的人民,他們有些躺在地上,有些依靠着牆坐下,有些則在討論城外的情況。看見此情此景,你的鬥志加強了。





現在除了守護城門外沒有其他事可做了,你看見城門快要失守了。

你拿起長劍,走到城門面前,你叫守門的士兵開門。

「你做乜嘢? ,無啦啦開乜撚門?係咪想叛國?」一位守門的士兵對你道。「唔緊要㗎,我已經有計劃。」你心想這是立功的好機會,於是你對該位守門的士兵說「依家呢.....就.....等陣我開門嗰就.......明唔明?」

「我要問下隊長先......」你馬上掩住該位守門士兵的嘴,因為你知道如果隊長知道你的計謀,你升官的機會可能就減少了。「我叫你做就做啦,喺度答嗲!」你說。「喺嘅喺嘅,我依家就去做。」該位士兵回答你說。「喂!......」你聽見那位士兵在叫喊,但是你還有事要做。

你走出城門,看見門外有數百名士兵,「咁多人嘅......」你被人數之多驚嚇了一點。「點啊,係咪你上頭吩咐你嚟投降?」一位騎着馬的敵方士兵向你大喊,其他敵方士兵都開口大笑。「我今日唔打死你地我唔姓劉!我要隊死你班木嘴!」頓時數百人向你衝來,你馬上走回城內,剛剛對你喊話的士兵對你說:「點啊,你唔係驚啊話?」幾百人的士兵已經在城門不到一米之處。





「Fire In The Hole!」瞬間,數百名士兵從門兩方後側傾巢而出,「咩話?竟然有埋伏?撤退!」「喂!咪走啊!」你開玩笑地目睹敵方四散而逃的狼狽樣子。

「隊長!敵方已經全部撤退!」我方的情報員向羅傑斯隊長傳話。「咩話!天上面竟然有咁大嗰餅跌落嚟?到底發生咩事?」羅傑斯隊長問。「係咁嘅,我方嘅一名士兵擅自進行策略,令敵方全軍撤退。」情報員回答。

「咩話?佢係邊個?即刻同我叫佢過嚟!」羅傑斯隊長又問。「報告隊長,佢係劉巴奇。」情報員流了一堆冷汗地回答。「今次大鑊鳥!」在門後偷聽的你感到不妙,但已經太遲。

「隊長,劉巴奇已送到。」一名士兵報告道。「巴奇!鋰造物能野......啊!」隊長咳嗽了數下。「隊長,我只係突然間諗到條計仔,覺得有用咪試下囉。」你戰戰兢兢地回答。「咁你都要同我講下先得㗎......不過見你立咗功,咁就算啦。我諗我要返去休息下,聽日仲要開會......」羅傑斯隊長碰碰跌跌地離開了。

「我既然立咗一功,咁咪好快升職囉!嘿嘿嘿......」你在心中暗笑了一下。

回到營帳裏,你因為遠征的關係已經好久沒有見到家人了。你旁邊的同伴尼克坐在地上看書。
你看見和你已經出生入死幾個月的伙伴尼克,心中希望戰爭可以快點完結,可惜的是戰爭才剛剛打響頭炮而已。

「老友,最近點啊?」你問尼克。「好恐怖啊,布朗斯帝國班友仔竟然朝早偷襲,好彩我地警戒心充足啫。」





「其實今日佢地係點偷襲我地㗎?」你充滿疑惑地問。「佢地今日趁住有霧,失驚無神對住我地放冷箭,我地有好多巴打都中咗箭。」你覺得自己幸好沒有親眼看見這景象,反而覺得自己在早上無故進入戰鬥的情況很奇怪。

「好彩你有諗到呢條橋咋,唔係嘅話我地都唔知幾耐先失守。」尼克充滿感謝地對你說。「我想問戰事嘅情況係點?」你又問。「因為佢地今日偷襲我地,所以指揮官已經下咗令聽日就要開戰。唉,我都唔知今次又會唔會咁好彩。」尼克擔憂地說。

的確,你的策略也許只是萬中無一的僥倖,你不知道到真正踏入戰場時會發生什麼事,也許號角還未吹自己已經中箭身亡了,畢竟自己只是一個小卒,在軍中可說是毫無影響力,只希望羅傑斯隊長會因自己有功而晉升自己為兵長。

「唉,老友我同你講啊,其實我擔心自己冇得再返嚟,我一直都想將呢樣嘢交返畀我家人,如果你有幸,可唔可以幫我交畀佢地?」你見尼克給了自己一個錦囊。

「好啊。」你見尼克這個表情,你也不忍心不收下。「多謝你!咁我可以放心喇。」尼克對你說完這句話後就睡了。

你見時間很晚了,所以你也躺在上木板睡着了。

「嗡嗡嗡......」你聽見小鳥鳴叫的聲音,你從木板上起來,尼克也不在你旁邊。





你走到營帳外看,原來整個軍隊在開會,你心想不妙,便馬上穿回軍服隨便找一個位置觀看。

「各位,雖然尋日布朗斯帝國班賤人嚟偷襲我地! 不過我哋有一位勇士,諗咗嗰好方法令佢地撤退,佢就喺劉巴奇士兵!......不過佢依家喺邊呢?」你聽見羅傑斯隊長對着整個軍隊喊話。

「唉......唔緊要啦!指揮官已經下令我地要開戰,但係依家我仲未諗到要攻打邊度。既然係咁,咁不如我哋就搵我哋嘅勇士劉巴奇出嚟決定喇好冇?」羅傑斯隊長喊道。

「巴奇!巴奇!巴奇!」你聽見整支軍隊都在呼喚你的名字,當你正在想要從哪個方向逃走時,你卻發現尼克就在你旁邊,你和尼克四目相投。「呢班友......」你在心中苦叫。

「隊長!巴奇喺度啊!」尼克二話不說便把你招出來「唔係啩......」你又苦叫。

眾人同心合力地把你推到圓心,這次走也沒得走了。

「你好啊,巴奇先生。我知道你嘅計謀好出眾,所以我先嚟搵你決定去攻打邊嗰地方。我地依家有三個選擇。一,位於我地北面嘅安哥要塞。二,位於我地東面嘅安離留斯之城。三,位於我地東南面嘅哥施陰要塞。你覺得我地要去邊度?」羅傑斯隊長問。「呃,我覺得......」「咪住!」隊長打斷了你的話,「你要決定都要啲情料先㗎喺咪?我依家同你地講下,
首先,安哥要塞有重兵把守,火炮齊備,不過佢位於山谷,我哋可以利用。
其次,安離留斯之城只有一般嘅兵力把守,但火炮設備都完整良好。




最好,哥施陰要塞完全冇人防守,淨係得啲平民,不過防護設備都好勁。

「我決定好喇!就去打哥施陰要塞啦!」你充滿自信地說。「呃......唔......好啦!咁我哋就去攻打嗰度!」羅傑斯隊長像猶疑了一下說。

因為昨天並沒有真的很多士兵受傷的關係,所以留下一些失去戰鬥能力的傷兵後整支軍隊便出發了。

「巴奇啊,點解你會去打嗰度?」尼克問。「因為嗰度睇落去好易打囉!」你開口大笑地說。「呃.......你認真㗎?」尼克很認真地問。「下?」你充滿疑惑地說了一下。

小鳥鳴叫的聲音仍在耳邊迴響,然而上方的光而在左方移到正上方了。軍隊也在幾個有樹遮擋的地方休息了數次,轉眼間軍隊已經來到了城門數百米外。

「哇,點解依到水淨鵝飛嘅?」尼克問。「係囉!點解嘅?」眾士兵都覺得可疑。「嗯......我覺得不如再次問下我哋嘅巴奇勇士啦!」羅傑斯隊長喊道。

「唔係啩......點解乜都關我事嘅......」你在心中又抱怨了一回。「唉,不過為咗升官發財,今次我一定唔可以再怯㗎喇!一於試一次啦!」你的鬥志又昂起了。

「巴奇勇士,我地要點做呢?」羅傑斯隊長問。





「再觀察一陣先啦。」你覺得有點奇怪。「咁我地再等一陣啦!」隊長說。

突然間,你看見旁邊的草叢有點震動。「邊個!」你走進草叢。「哇!等陣先!」你看見一名女子對你說。

「嗱嗱嗱,等陣先,我喺嚟報料㗎,唔好咁衝動。」那名女子說道。「有嘢好快啲講!」你對那名女子說。「大人,前面已經有埋伏,要小心行動啊!」那名女子說。「咩話?咁有咩方法引佢哋出嚟?」你堅定地問。

「要令佢地出嚟,要講暗語㗎。」那名女子說道。「咩話?咁嗰暗語係咩?快啲講!」你又問。「嗰暗語喺「開心笑,開心玩,殺佢老味!」」「有啲咁弱智嘅暗語,唔怪之得佢哋會畀我嚇走...」你無奈地說。
此時你看見那位女子原來有一把佩劍。

「多謝妳先。係喇, 妳叫咩名啊?」你問那名女子。「我叫雪倫。」你看見雪倫那秀麗的紅髮忍不住......「你有冇興趣同我地一齊攻打呢座城?」你問雪倫。「好啊!不過小女子可以做啲咩呢?」雪倫問。
已有 0 人追稿