「有樣嘢喺我個心入面屈咗好耐,但我唔知講唔講好...」雪倫眼泛淚光。

「妳唔好唔開心啦。」你安慰雪倫。突然雪倫好像被什麼感染到似的,淚水停下來了。

「多謝你......」雪倫抱着你說,你感覺到雪倫身體的溫暖,你的心情也舒暢多了。

「砰!」你看見羅傑斯隊長一腳踢開了房門。

「隊長!你做乜!......」你還未趕及說完隊長便開口了。「副隊長,我行錯房門,原來係你地兩個......我唔打攪你地喇。」





羅傑斯隊長關上了門。「副隊長?你升職啊?」雪倫若驚若喜地向你說。「係啊,我係咪好叻呢......」說着說着,你體力好像不支,倒在了雪倫的懷中。

你在一片燈光中醒來。

「 Comgretualetions 巴奇副隊長!」你聽見羅傑斯隊長說。「多得佢,我哋先可以喺呢兩場仗贏到!」「恭喜你,恭喜你!」你聽見你的同伴說。

你發現自己被綁住。

你望向遠處,發現雪倫向你舉杯。「唔係啩?」你心中覺得不妙。不知是喜是悲,有股情緒在體中滾動。





你站起來,「我......我地飲杯!」你向全場的同伴喊話。你看見雪倫好像鬆了一口氣的樣子。

「我地敬友誼,敬兵長,敬副隊長,敬勝利!」全場一同大喊。「咁我哋依家不如請副隊長發表就職喊話。」

「唔係啩,又嚟?」一位士兵將你鬆綁,你硬着頭皮走到階梯上。
「大家好,我叫巴奇,我好高興做到副隊長。」你向大家說。「其實戰爭係一件好慘嘅事,如果你做錯咗少少嘢,又達唔到人哋要求嘅話,可能就會比人放棄。」

「但係其實咁樣並唔係戰爭嘅全部。只要你用盡所能,為自己嘅目標奮鬥,咁就後無顧慮㗎喇。」

「同埋,你哋要跟從軍令,跟從軍令係一樣好重要嘅嘢,只要跟從軍令你就可以成功。如果違反軍令,你就可能只會從戰爭入面攞到失敗感。」





有一位士兵舉手。「副隊長啊,點解你講嘅嘢同你目前為止做過嘅嘢完全相反嘅?」「係囉係囉,你好似玩緊我地啵。」另一名士兵說。

「問得好!其實呢啲嘢唔係唯一!」你開玩笑地說。「舉杯!」你令全場的氣氛高漲起來。「咁我想問成功嘅真正要訣係咩?」

「其實,只要你全心全力投入去呢場戰爭,最後你就有機會成功。無論你最後會點,你都係歷史嘅一份子,你已經比平民更重要。」你說出了自己的真心話。

的確,你目前為止的選擇是令你站上這個台階的其中一個重要原因。你自己對前途感到更光明了。


「好喇,我地依家請尼克兵長上嚟講幾句說話。」羅傑斯隊長向全場宣佈。

你現在才知道尼克當上了兵長,雖然你們的職位不再平等,但你仍覺得尼克是自己的好友。

尼克說了幾句感激的說話,除此之外就沒有其他了。在晚宴過後,羅傑斯隊長找你搭話。





「副隊長,因為你係副隊長,所以我依家分配一間房畀你,依家得返三間,你想要邊間?」

「我要喺中間嗰間。」你對隊長說。「哦~好啊,咁你依家可以入去喇。」隊長思考了一下然後給了你房間的通行證。

你在房間稍微收拾裏面的東西後,便前去找雪倫。

當你敲門後,雪倫馬上開了門。

「咩事?」雪倫問你。「係咁嘅,我有啲好重要嘅事想搵你。」你回應。「你上次都係咁講啦,最後發生咩事?算喇你入嚟啦。」雪倫抱着一點不滿的態度對你說。

你坐在地上:「係咁嘅,我之前咪講過我會見到白光嘅。」你說。「你係幾時開始見到呢啲嘢㗎?」雪倫充滿好奇地問。

「我到依家見過兩次,第一次係我喺戰場上面對敵人戰鬥緊嗰陣,第二次係我喺你門口前面嗰陣。」你把情況解釋了一遍。





「咁奇怪?咁你見到嗰啲幻象係點㗎?」雪倫帶着微笑問你。

「我見到嘅幻象有兩種,第一種係我自己嘅幻象,第二種係兩個唔知咩人喺度觀察緊唔知乜嘅情況。」

「第一次我見到嘅係我畀敵人斬死咗嘅情景,同埋嗰兩個人係度討論緊佢地睇緊嘅嘢。」

「第二次我見到嘅係我喺一間房入面畀一個紅髮女人活生生打死,同埋嗰兩個人嘅一啲對話。但係我聽唔晒。只係隱約聽到佢地講緊一個人。」

「你覺唔覺得,呢種係一種預視?」雪倫躺在地上抬着頭問你。

「預視?」你回答。

「第一種幻象應該係講緊你死前會發生嘅事,可能係預言之類。但係第二種我真係完全冇頭緒,唔好意思我幫唔到你太多。」雪倫帶着一個抱歉的表情回答你。

「唔緊要啦~但係點解我會死兩次,可能更多次?」你問。





「唔知啊~可能其中一個先係正確答案。」雪倫對你說。

「上次妳係咪有啲嘢想同我講但係冇講到?」你想知道雪倫心中的事情。

「啊...」雪倫摸了摸她鮮紅的頭髮。

「不如等遲啲再講?」雪倫支吾了一下後說。

你雖然覺得有點不耐煩,但為了不惹雪倫生氣,你只好忍耐。

「咁好啦,唔該晒!如果有嘢再搵你!」你離開雪倫的房間。「早抖!」你看見雪倫微笑向你招手再見。

你覺得時候不早了,於是你便上床睡覺。
已有 0 人追稿