在第二天的中午,你們收拾好行裝便向洞穴進發。

「入面好多分岔路,有啲甚至係死路,唔係話行錯咗就返唔到轉頭,但之後我哋要去到粒結晶嘅位置先可以會合。」海迪路絲站在入口說。

「即係要留意周圍啦,我準備好喇。」你看着四方藍黑色的牆壁。

「話時話,喺呢個咁白嘅地方,點解唯獨是依度啲牆係黑色嘅?」你觸碰了牆壁,牆壁馬上掉下幾塊石塊。

「入面係好光,但其實依度係狼嘅巢穴。」海迪路絲用右手拿起斧頭。





「點解妳唔早啲同我講?」但不幸中的大幸是,你把劍放在袋子裏,「咁畀我拎返把劍先。」你指着海迪路絲背着的袋子。

你從袋子找了數十秒,終於把劍拿出來,不過差點把全部東西都倒出來了。「小心啲啦!」海迪路絲護住袋子。

「咁我哋行喇。」你把劍鞘放咗左邊腰間。

才剛走沒多久,路便分成兩邊。「右邊。」海迪路絲走向右邊,清新的光線和藍黑色的牆壁總有些格格不入的感覺,與其說令人不安,倒說是這裏有些不可告人的祕密。

路上不時都會有些骨骸躺在兩旁,「以前到底有幾多人嚟過依度?」你問。「愈珍貴嘅嘢就愈多人想要,愈多人想要就愈多骨攤喺度,愈多骨攤喺度就代表愈珍貴。」海迪路絲平淡地說。





「冇返啲體格甚至最基本嘅力量連上嚟都好難,呢啲只係曾經有意願搵結晶嘅人其中嘅一小部分。」海迪路絲握緊斧頭。

愈走愈深,你就愈覺寒冷,開頭明明比外頭更暖,但現在就算沒有寒風,你也開始抱緊身子。「你依家明點解啲牆係黑色嘅未?」海迪路絲說。

「唔通係火嘅灰燼?」你看着沒有結冰,褐色的地面。「一半一半啦,曾經有人想燒咗依度,點知除咗啲牆,邊度都燒唔着。你試下摸下塊牆。」海迪路絲伸手觸摸牆壁。

「又唔算暖又唔算涷,點解啲人要燒咗依度?」你摸了摸牆壁。「可能有啲傻人涷得滯,一時痴咗線,然後覺得燒起啲地方就會變暖,點知呢度係燒唔到。」海迪路絲歎了一口氣。

「咁點解啲牆又燒得着?」你問。「你都知依度有好多分岔路啦,所以啲寒氣直接喺洞穴入面流嚟流去,反而啲牆係掂到最少寒氣嘅地方。」海迪路絲繼續向前走。





你跟隨海迪路絲的步伐,「有時候唔覺意會跌咗落唔知邊度,有啲地方仲有狼,如果你唔好彩見到,嗰度啲骨仲多。」海迪路絲望向兩邊。

「左邊。」海迪路絲在左、中、右的分岔路前面走向左邊。「啊,唔記得講,啲狼係會四圍去,就算行咗啱嗰條路,都有可能會撞到狼。」海迪路絲好像被驚醒般。

「依樣你又唔講!」你對海迪路絲呼喝。「嗚嗚嗚...」一陣鳴叫從前面傳來,你的心跳馬上加快,冷汗從頭上跌下來,你拔出劍。「係狼。」海迪路絲把斧頭遞給你。「咁妳用咩?」然後她從袋子裏拿出一枝長條形的東西。

「唔通係...」你難以置信。「答啱喇。」海迪路絲把鐵球放進火槍中。「陣間我射遠嗰啲,衝埋嚟嗰啲就交畀你。」海迪路絲把火槍
托在雙眼前,作出瞄準的姿勢。

你們小心翼翼地慢慢走向前方,到達了一個有着藍白色半圓頂的空間,在前方,「係咪有成幾十隻?」你問後方的海迪路絲。

「啲人通常係十幾個二十幾個咁嚟,行嘅路線都有好多種,所以呢個洞穴其實有幾個入口。」海迪路絲開始瞄準。

「準備好可以隨時開波喇隊長,雖然我唔知你官位係咩。」海迪路絲在觀察目標。





空間充滿白骨和早已腐爛的各種行李,你右手握劍,左手操斧,擺出戰鬥架勢,白狼羣轉頭望向你。

「劉巴奇,在此出陣!」你向左邊跑去,海迪路絲也跟着你,「我仲以為你會企喺度!」海迪路絲大聲說。

三隻狼朝你衝來,你向右方閃避同時向左劈斬死了一隻狼,然後用斧頭從上方向下砍死了中間的狼,你馬上把右腳順勢向後滑,用劍刺向剩下的一匹狼。

隨着狼的嗚呼,由冰形成的地面沾了不少血,你的大衣也有一部分染成了紅色。你喘着氣,面向狼羣,突然後方傳來極大的「重!」聲,一瞬之間有一粒鐵彈在你左邊飛過,疾風的聲音就像衣服飄盪般清脆,然後穿過了三隻狼,在牠們身上形成不規則的赤色缺口,來不及呼叫便倒下了。

雖然明顯不會擊中你,但是,「妳開炮之前出句聲好唔好?」你向海迪路絲抱怨。「唔好意思,我下次會㗎喇。」海迪路絲用右手搔了搔頭髮。

隨即有四隻狼跳過來,你馬上向左方跑,在狼來不及煞停時折返,然後刺死了一匹狼。

如果照這樣下去,應該能全身而退,你如此希望着。
已有 0 人追稿