你是一名在戰場上的無名士兵: 第7章 - 3
「我哋應該點做？」羅傑斯隊長細聲地問你。你在思考所有方法後，決定投降。「不如我哋投降。」你說。「點得......好！我哋投降！一個人都唔好殺！」羅傑斯隊長遲疑一下後對着格利得林說。
你聽到在包圍網外，有數十人正在朝這邊趕來。「等陣！」你聽見一把好像聽過的聲音。「係佛羅司令？」羅傑斯隊長說。你望向聲音傳來的方向，有一個人影，「只要你哋放過佢哋，我哋就送呢樣嘢畀你。」佛羅司令用右手高舉海迪路絲的火槍。
一日不見，如隔三秋，雖然離你上次和他會面已有一段時間，但佛羅司令的鬍子更長了，就像一個七十歲的老人。「呢樣係乜嚟？咁長嘅？」格利得林退後兩步，擺出非常驚訝的樣子。「你想試下？開炮！」突然間，十名槍兵從佛羅司令後方衝出來向敵軍射擊。子彈穿過許多敵方士兵，連發出悲鳴的時間也沒有便倒下了。
「依家係好機會！殺！」羅傑斯隊長趁敵方荒亂時命令上前。你和軍隊蜂擁而上，「撤，撤退！」格利得林想逃離戰場，「點可以畀你走！」你衝前，「等陣先，依家殺佢都冇用。」羅傑斯隊長擋住你的去路。「點解...」「如果有用，槍兵第一個就係射佢。」羅傑斯隊長令你啞口無言。
你和其他人追趕敵軍，當他們從城門逃離時，地上堆積了許多他們戰友的屍體。「我哋贏咗喇！」你們高呼勝利。在清理戰場過後，你在敵軍大本營的戰情室問佛羅司令，「參見司令，我想問點解司令會拎到火槍嘅？」
「我嚟救援嗰陣，我見到有一位小姐攞住好多嘢，佢身邊仲有另一個女人同一個好大隻嘅男人，我係度諗點解戰場上面會有女人，我就問佢嚟依度做咩，嗰位小姐就話如果你哋受困嘅話，我哋就拎依樣嘢去射敵軍，佢仲教埋我哋點用。」佛羅司令說。
「原來係咁。」你說。難道在你昏迷的數天，海迪路絲找到材料製造出很多火槍，這也是當時她衝出來的理由？但材料從何而來？「咁我想問點解司令你會嚟救我哋？」「你係中途參戰所以你唔知，其實我哋一早講好咗要分兩批士兵出發。」「咁點解得幾十個人？」你回想剛才槍兵出來後，還有三十至四十個步兵衝了出來。
「其實，係因為我哋認為情況唔危急。」「無論情況危唔危急，我唔認為幾十個人就可以令形勢有改變或者可以救到人，恕我得罪，司令你係咪有啲咩隱瞞？」「果然呃唔到你，我哋原本帶咗一千人，但係有絕大部分人畀一樣嘢擋住咗。」「擋住咗？」你馬上想起那個白色身影。「係，佢哋依家應該喺城出面，嗰嚿嘢仲話只可以畀拎住火槍嘅人再加幾十個人入去。」
「你覺唔覺得佢係想將你營造成一個救世主？」「的確有可能，不論呢個係敵軍嘅詭計，定係一啲鬼怪嘢，依個情況一定唔簡單。」
「其實我哋入城之前都見過嗰嚿嘢，佢問咗我啲問題之後就畀我哋入去。」「如果敵軍有啲咁勁嘅嘢，冇理由會仲畀我哋入嚟，唔通真係啲神奇力量？」「司令你唔好咁急住，不如我哋拋開呢樣嘢先。」
「咁好啦，劉巴奇副隊長，我哋依家就要決定下一個攻打嘅地方。」「咁快？」你問。「係，請你幫我哋揀。」佛羅司令說。
你看着放在桌子上的地圖，
在地圖上，你正位於哥施陰要塞，東方是買簡尼要塞，再往東北便是敵方的重陣，北邊是溫斯輪之城。
西南方是愛莉密斯之城，它的東方是安離留斯之城，北方是安哥要室，歌施陰要塞和這兩個地方不相通。
你想出了幾個可行的地點。「如果依家去打買簡尼要塞，直入深腹，加火槍嘅話應該得。我想睇下安哥要塞到底有乜嘢，去打安離留斯之城增加兵力應該都得。」你整理了攻打不同地方所得的效益。
由於你真的很好奇安哥要塞的祕密，所以，「我哋去打安哥要塞啦。」你說。「好！就咁決定，呢度交返畀羅傑斯，我返去先。」佛羅司令說。「好！多謝司令嘅救援！」你說。
「唔使客氣。哈哈......」佛羅司令笑完便離開了戰情室。
你跟着他離開戰情室，看見對面有一個房間。你進入房間，看見有六張床，兩側各有三張，正前方是一個櫃子。「冇，冇，冇。」你打開櫃除的三個抽屜，但裏面都沒有甚麼有價值的東西。
「咯。」「咦？」當你踩在某個特定的地點時，地板發出的聲音變了，「一定有啲嘢。」你把堆在地面上的泥士搬開，看見了一個暗格。裏面藏着兩張便條。「S。」，「E。」「咦？依個唔通上次喺旅店攞到嗰張嘅其他部分？」你翻去便條的後面，果然寫着同一首詩。
「咁奇怪，一定有啲陰謀。唔係嘅話點解佢哋會收得咁入。」你猜測。「但係依啲字到底代表咩？」
你走出大本營，看見了羅傑斯隊長，「巴奇，司令已經同我講咗，有時候有啲事係好奇怪。我哋之後就會去打安哥要塞。」羅傑斯隊長拍了拍你的肩膀後便走開了，大本營周圍仍有些士兵在清理。而天空漸漸變為由橙紅變為深藍色。
在分派兵營的工作結束後，時間已經很晚了，聽聞護衛、雪倫和海迪路絲已經到來，你回到兵營躺在地上，想着同一樣的事。「點解依啲便條會喺度？係留畀邊個㗎？」你希望這些疑團可以解開。
在這個時候，你決定去找雪倫，她在一幢房屋的其中一個房間裏。你走到雪倫的房間外，發現有血漬。「血？咩事啊？」你感到很驚慌。「雪倫？雪倫！」你猛敲門，但是始終沒有反應。
於是你一腳踢開門，發現房間內一片混亂，桌上的書和床上的物品都掉在地下上。雪倫不見了。
「咩事啊？」你感到不解。這時候，你在地上發現了一張便條。「我已經捉咗佢，想搵佢嘅話就自己一個人嚟買簡尼要塞。」便條上寫着。
「可惡！唔通有人趁亂嚟捉走佢？」你感到疑惑後冷靜了一下。「唔得，我一定要搵返佢。」你下定決心，決定找回失蹤的雪倫。