你走出來,「正常嚟講我哋應該係要繼續,但我哋應承咗人......」「所以你嘅意思係我哋返去,然後又等到唔知幾時或者我哋又畀人偷襲?」「我哋依家已經迫到佢入絕路,但咁樣做好似唔係幾好......」

「你所指嘅好係咩?為咗符合道德標準從心而發嘅好、令敵人有休息空閒嘅好、定係為咗國家繁榮嘅好?」隊長朝你踏前一步,「而且佢都有心同你陪葬,你根本贏唔到,如果唔係我阻止,呢度在場嘅人都死得七七八八,戰書可以廢咗佢。」

「咁又係,冇理由畀人哋陰完,仲要係咁畀佢機會。但為咗佢哋唔會借呢件事嚟抵毀我哋聲譽,我覺得應該要快啲向大眾講出真相。」「呢件事我已經叫咗人去做。」隊長望向森林,此時你發現尼克並不在陣列中。

「咁我哋係時候......有條河,攻城器入唔到嚟。」「等我嚟。」隊長舉起雙劍。「列陣!」號角吹起,不同士兵也從三個方向圍着要塞。整齊的步伐和響亮的腳步聲形成了回音。塵土飛揚,風將河水吹起一層層的漣漪。

「所以你哋都決定咁做?」尼哥爾在城牆上叫戰。「我相信冇人會蠢到嚟到大門都唔入去。」隊長回應。「咁我哋等緊你哋入嚟。」他說完便回到地面。奇怪的是,城牆上沒有任何一個人防守。





隊長圍視四周確認情況後,他騎上馬走到門前,把雙劍平放展開屏障,屏障接觸城門後依附着城門,「唔好掂到城門或者城牆!」無數道閃爍的藍白光就像藤蔓般在城牆上蔓延。聲音雖然刺耳,但眼前的奇景把士兵的注意力轉移,「一掂到就即死!全部散開!」所有人都站在河的另一邊。

「呢啲到底係咩嚟?」你唯一聯想的是在風暴、滂沱大雨、乾燥時,從天降下的雷電。但這本應是神明的力量,人類怎能隨意掌控?又或者這不是上天的私有物,只要有技術,可以將這種力量重現出來?但重現出來後又要怎樣......目前應先著重於攻下要塞上。

就這樣,雷電像布般包裹着整座要塞。城牆也開始剝落。整座要塞都開始崩壞。隊長發出痛苦的哀嚎,和被獅子踩在腳下的鬥技場鬥士一樣,迫近地獄深淵的慘叫。石頭多得逐漸跌入水中,而水也好像被雷電感染般,開始發光。

「呢樣嘢好危險......」你只有這樣的印象。「唔好掂到任何發緊光嘅嘢!」隊長勉強地喊出,但他頭上的石頭也快要崩塌。「隊長!」一位士兵向他呼叫。「大鑊!」他往上一望,「喺條橋前面嘅人散開!」他這樣一說,你才發現橋也正在發光,但地面沒有觸電。

隊長在士兵們散開後,跳過猶如食人花的橋,整座要塞變成了一座雷電牢籠。「咁入面啲人要點走?」這時你才發現,「地道!快啲搵人去.....」「唔使喇,我哋真正嘅敵人喺入面。依家等座要塞自然咁毀壞就得。」





「真正嘅敵人?」「係,我終於明佢哋所講嘅祕密係咩喇。就係十五年前將我嘅朋友殺晒嘅嗰樣嘢。」「十五年前?唔通你就係 -」「冇錯,你要搵嘅人就係我。」
已有 0 人追稿