你們六人圍着放在木桌上的地圖,地圖上大部分是一片綠意盎然的樹林,最北邊和最南邊分別有兩座山脈,北邊的極為寒冷,南邊的乾燥之極。如果將來有入侵者,會是很好的城牆,畢竟整個世界可不只四個帝國,根據你的推斷,如果將世界全貌畫成地圖,四個帝國總計面積應該只有半顆米大。

回到地圖,你身處的帝國在西南方,首都在最西南之處,從首都出發可以分成北,東北和北,分別到達不同的城市,

從北再往北走,是和愛利文帝國的國界,

往東北後可以再向北面和東面走,往東走是和加斯林帝國的國界,往北走也是和愛利文帝國的國界。從國界往東走,便是愛莉密斯之城。

往東走再往東走,是和加斯林帝國的國界。





不論往哪邊去,只要不接觸其他國家往東北走,便會到愛莉密斯之城。

愛莉密斯之城連接着四個國家,西北方是愛利文帝國,東北方是布朗斯帝國,東南方是加斯林帝國,西南國是你的帝國。

從愛莉密斯之城

往東北走,是哥施陰要塞,即是你們現在正身處的地方。再往東走是買簡尼要塞。再往北是溫斯輪之城。

往北走是安哥要塞,





往東走是安離留斯之城,

三座城不相連,但想攻進布朗斯帝國最快的方法是哥施陰要塞再進發,但這會造成問題。第一是不管向哪個方向進攻,另一邊都會乘機偷襲。第二是雖然這裏是他們補給線之一,但他們還能從其他地方運輸,先慢慢切斷補給線才是最佳方法。

在愛利文帝國的首都,即最西北方,往南走可以到安杜城。

地圖上將哥施陰要塞塗成了橙色,這裏唯一的戰略價值是震懾他們一段時間,你們必須盡快進攻下一個目標。

「巴奇!」羅傑斯隊長將你的注意力從地圖上轉移。「係!有咩事?」你行禮,不過實際上你被他嚇得差點站不穩。





「圖上面橙色嗰度係我哋依家身處嘅地方,哥施陰要塞。我哋依家有幾個選擇:

第一,直入長驅去東面嘅買簡尼要塞,不過我就驚兵力唔夠,嗰度畢竟係進入敵人深腹之前嘅最後一個關口。
第二,去北邊嘅溫斯輪之城,可以斷安哥要塞同埋剩低嗰座城嘅後路。嗰度冇乜守兵,不過軍隊好強大。
第三,去安哥要塞。有個俘虜話嗰度有啲好袐密嘅嘢。我想去睇下攞敵方情報。
第四,去安離留斯之城,攞多啲地嚟增強兵力。」

羅傑斯隊長解釋完,便看着你。

「新嚟嘅,你覺得邊座城最低風險?」其他三人跟隨普頓盯着你,「好大壓力......」你在腦中整理情報,同時不斷繞在桌子邊走。「我好似未介紹自己,各位長官,小人叫劉巴奇,係新上任嘅副隊長。」你面對四人單膝跪下。「聽講你有出色嘅智謀,巴奇先生,咁唔知你可唔可以幫我地選擇一個最合適去攻打嘅地方呢?」艾安褐色的鬍鬚長得可以當頭梳,聲音也是在場的人之中最為響亮的。

面對軍隊的高層,你自然是沒法回避。你思考了一會兒,「去打溫斯輪之城啦!」你充滿信心地說。「點解?我諗你應該好清楚當我哋進攻嘅時候,買簡尼要塞嗰邊就會打過嚟。」羅傑斯隊長說。

「等我解釋下,正如隊長所講,我哋依家得返四個選擇,咁我逐一分析。柏林布講過嗰度會有勁嘢,應該係想特登引我哋過去。既然佢想我哋過去,我哋就偏唔去。第二,安離留斯之城雖然睇落係四個入面最穩陣,亦都可以擴展戰線。但係呢個世界邊會有啲咁好嘅嘢?我覺得北邊同東邊都係陷阱,而佢哋就係想引我哋繼續深入。





「第三,買簡尼係最近佢哋首都嘅路,一定又難搞。最後,溫斯倫比較遠離戰線,守兵應該少啲,而且我哋仲可以切斷埋安哥要塞嘅補給線,鋪定後路。」

「咁佢哋一定知道我哋會打溫斯倫。」意歷當說。「小人認為呢條係唯一嘅生路,其他三條都唔可以亂咁行。」你回應。「不過小人嘅意見應該只係微不足道,最終決定都係要睇 -」「唔係,我哋聽晒你。」隊長打斷你。「咩話?」你突然想做出一些失禮的行為 例如說「呢場係關乎國家存亡嘅戰爭,你畀我話事?啫係你想我死啦。」,又或者「你又陰我,其實我覺得好噁心,我又唔係你邊個。」,甚至直接離開之類。

不過你並沒有這樣做,「下官深感榮幸。」你說。「咁我哋就決定去溫斯倫。」隊長說。「如果冇事,我哋返去先。」遼創走向帳幕。「下官想問一個愚昧嘅問題。」「係咩?」「各位會喺首都做咩?」你馬上感到自己要被殺掉,「我知你好奇,咁我就話畀你聽啦。可能羅傑斯冇同你講過。喺你哋打緊嗰陣,我哋要同另外兩國溝通,或者聽下佢哋嘅使者點講。最煩就係啲日日話要停戰嘅人,停到我都想停啦,停唔到啊嘛,每日震咁早就去王宮嘈住晒,我哋又唔可以做啲咩,咪隨便安撫佢哋。」

「各位,唔該幫我向國王陛下同公主殿下請安。」隊長說。「我哋會㗎喇,唔知佢聽到你培養緊一個咁嘅人會點諗。」他故意隱藏了形容詞,而且他沒精打采的語氣令你覺得頗有殺意。「冇嘢我哋就走。三、二、一。好,我哋走先。」「有機會我哋飲返杯。」「......」「條友咁細粒係咪真係掂?」四人各自說着不同的話離開。
已有 0 人追稿